ଆମ ସମୟ ଆସିଗଲା… ଇରାନର ପୂର୍ବ ରାଜାଙ୍କ ପୁତ୍ର

ନ୍ୟୁୟର୍କ: ମଧ୍ୟପ୍ରାଚ୍ୟରେ ଚାଲିଥିବା ଯୁଦ୍ଧ ମଧ୍ୟରେ ଇରାନର ସମସ୍ୟା ବୃଦ୍ଧି ପାଉଛି। ଇରାନ ଭିତରେ ଅନେକ ଲୋକ ଅଛନ୍ତି ଯେଉଁମାନେ ଖୋଲାଖୋଲି ଭାବରେ ଇସ୍ରାଏଲକୁ ସମର୍ଥନ କରୁଛନ୍ତି। ଇରାନର ପୂର୍ବତନ ଶାହ (ରାଜା)ଙ୍କ ପୁଅ  ସର୍ବୋଚ୍ଚ ନେତା ଅଲି ଖାମେନିଙ୍କ ବିରୁଦ୍ଧରେ ଗର୍ଜନ କରିଛନ୍ତି। ତାଙ୍କ ନାମ ରେଜା ଶାହ ପହଲଭି, ଯାହାଙ୍କ ପରିବାର ୧୯୭୯ ପର୍ଯ୍ୟନ୍ତ ଇରାନରେ ଶାସନ କରିଥିଲେ। ବର୍ତ୍ତମାନ ସେହି ପରିବାର ଖାମେନିଙ୍କ ବିରୁଦ୍ଧରେ ମୁହଁ ଖୋଲିଛନ୍ତି ।

ରେଜା ଶାହ ପହଲଭି, ବିବିସି ସହିତ କଥାବାର୍ତ୍ତା ସମୟରେ କହିଥିଲେ, "ଇରାନର ଶକ୍ତି ପରିବର୍ତ୍ତନ କରିବାର ସମୟ ଆସିଛି। ଆମର ସମୟ ଆସିଛି। ଏହି ଯୁଦ୍ଧ ଇରାନର ଲୋକଙ୍କର ନୁହେଁ, ବରଂ ଖାମେନିଙ୍କର। ଯୁଦ୍ଧର ଶେଷ ଯେକୌଣସି ହୋଇପାରେ, ଯାହା ସରକାରଙ୍କୁ ଦୁର୍ବଳ କରିବ। ୪୦ ବର୍ଷରୁ ଅଧିକ ସମୟ ଧରି, ମୁଁ କେବଳ ଗୋଟିଏ ଜିନିଷ ପାଇଁ ଲଢ଼ୁଛି - ଇରାନରେ ଗଣତନ୍ତ୍ର।" ଏକ୍ସ ରେ ଏକ ଭିଡିଓ ବାର୍ତ୍ତା ଜାରି କରି ସେ ଇରାନରେ ସରକାରଙ୍କୁ ଭାଙ୍ଗିବା ପାଇଁ ବିଶ୍ୱକୁ ଅନୁରୋଧ କରିଛନ୍ତି।

ସେ ମଧ୍ୟ ଆଉ ଏକ ‘ଏକ୍ସ’ ପୋଷ୍ଟରେ ଇରାନର ରାଷ୍ଟ୍ରୀୟ ଟେଲିଭିଜନ ଉପରେ ଇସ୍ରାଏଲୀ ଆକ୍ରମଣକୁ ସମର୍ଥନ କରିଛନ୍ତି । ସେ କହିଛନ୍ତି ଯେ ଇସ୍ଲାମିକ ରିପବ୍ଲିକ ପକ୍ଷରୁ ଇରାନିଆନ ବ୍ରଡକାଷ୍ଟିଙ୍ଗ କର୍ପୋରେସନ ହିଁ ପ୍ରୋପାଗେଣ୍ଡା ପ୍ରସାର କରୁଥିଲା । ଏଣୁ ଏସବୁ ପ୍ରସାରଣକାରୀ ସଂସ୍ଥା ମଧ୍ୟ ଇରାନ ସରକାରଙ୍କ ଅପରାଧରେ ସହଭାଗୀ ।