ଲକ୍ଷ୍ନୌ: ଶନିବାର ଆଇପିଏଲ ୨୦୨୫ର ୨୬ତମ ମ୍ୟାଚ୍‌ରେ ଲକ୍ଷ୍ନୌ ସୁପରଜ୍ୟାଣ୍ଟସ୍ ଏବଂ ଗୁଜରାଟ ଟାଇଟାନ୍ସ ମଧ୍ୟରେ ହେଉଛି। ଏହି ମ୍ୟାଚ୍ ଲକ୍ଷ୍ନୌର ଘରୋଇ ପଡ଼ିଆ ଭାରତ ରତ୍ନ ଶ୍ରୀ ଅଟଳ ବିହାରୀ ବାଜପେୟୀ ଏକାନା କ୍ରିକେଟ୍ ଷ୍ଟାଡିୟମ୍‌ରେ ଖେଳାଯାଉଛି। ମ୍ୟାଚ୍‌ରେ ଟସ୍ ଜିତି ଏଲ୍‌ଏସ୍‌ଜି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛି। ଫଳରେ ଜିଟି ପଡ଼ିଆକୁ ବ୍ୟାଟିଂ କରିବାକୁ ଓହ୍ଲାଇଛି।

Advertisment

ଏହି ସିଜନରେ ଗୁଜରାଟ ଟାଇଟାନ୍ସ ଦଳ ବହୁତ ଭଲ ଫର୍ମରେ ଦେଖାଯାଉଛି। ଦଳରେ ଯୁବ ଏବଂ ଅଭିଜ୍ଞ ଖେଳାଳିଙ୍କ ଏକ ମହାନ ସନ୍ତୁଳନ ରହିଛି। ପଏଣ୍ଟ ଟେବୁଲର ଶୀର୍ଷରେ ଗୁଜରାଟ ରହିଛି। ଶୁବମନ ଗିଲଙ୍କ ଦଳ ଏପର୍ଯ୍ୟନ୍ତ ପାଞ୍ଚଟି ମ୍ୟାଚ୍‌ରୁ ଚାରୋଟିରେ ବିଜୟୀ ହୋଇଛି। ଲକ୍ଷ୍ନୌ ଦଳ ପଏଣ୍ଟ ଟେବୁଲରେ ଷଷ୍ଠ ସ୍ଥାନରେ ଅଛି। ଋଷଭ ପନ୍ତଙ୍କ ଦଳ ପାଞ୍ଚଟି ମ୍ୟାଚ୍ ମଧ୍ୟରୁ ତିନୋଟିରେ ବିଜୟୀ ହୋଇଛି। 

ଲକ୍ଷ୍ନୌ ଏବଂ ଗୁଜରାଟର ମୁଖ୍ୟ ପରିସଂଖ୍ୟାନ:

ହେଡ୍ ଟୁ ହେଡ୍ ରେକର୍ଡରେ ଗୁଜରାଟ ଭଲ ସ୍ଥିତିରେ ଅଛି। ଗୁଜରାଟ ୪ଟି ମ୍ୟାଚ୍ ଜିତିଛି। ଯେତେବେଳେ ଲକ୍ଷ୍ନୌ ଏହା ବିପକ୍ଷରେ ଗୋଟିଏ ମ୍ୟାଚ୍ ଜିତିଛି। ଲକ୍ଷ୍ନୌର ଦ୍ରୁତ ବୋଲର ମୟଙ୍କ ଯାଦବ ଆହତ ହୋଇଛନ୍ତି। ତେଣୁ, ସେ ଏହି ମ୍ୟାଚ୍‌ରେ ମଧ୍ୟ ସାମିଲ ହେବେ ନାହିଁ। ଆଭେସ୍ ଖାନ ଦଳ ପାଇଁ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବାର ଆଶା ରହିଛି। ଆଭେଶ ଶୁବମନ ଗିଲଙ୍କୁ ଦୁଇଥର ଆଉଟ୍ କରିଛନ୍ତି। ତାଙ୍କର ସାମଗ୍ରିକ ପ୍ରଦର୍ଶନ ମଧ୍ୟ ଉତ୍କୃଷ୍ଟ ହୋଇଛି।

ପିଚ୍ ରିପୋର୍ଟ:

ଏହି ମ୍ୟାଚ୍ ଲକ୍ଷ୍ନୌରେ ଖେଳାଯିବାକୁ ଅଛି। ମ୍ୟାଚ୍ ଅପରାହ୍ନ ୩.୩୦ ରେ ଆରମ୍ଭ ହେବ। ଏହି କାରଣରୁ ହାଲୁକା ଗରମ ରହିବ। ଗ୍ରାଉଣ୍ଡ ଷ୍ଟାଫ୍ ୯ଟି ପିଚ୍ ମଧ୍ୟରୁ ୨ଟିକୁ ଭଲ ଭାବରେ ପ୍ରସ୍ତୁତ କରିଛନ୍ତି। କଳା ମାଟିରେ ଏକ ପିଚ୍ ତିଆରି ହୋଇଛି। ଅନ୍ୟ ପିଚ୍ ମିଶ୍ରିତ। ପିଚ୍‌ରେ ୧୮୦ ରନ୍ ସହଜରେ ହୋଇପାରିବ।

ଅଧିକ ପଢ଼ନ୍ତୁ: ପୁରୀରେ ବିଜେପିର ପ୍ରଶିକ୍ଷଣ ଶିବିର ଉଦଘାଟନ କଲେ ଜେ.ପି ନଡ୍ଡା, ନେତାଙ୍କୁ ଦେଉଛନ୍ତି ଗୁରୁମନ୍ତ୍ର

ଲକ୍ଷ୍ନୌ ସୁପର ଜ୍ୟାଣ୍ଟସ୍‌ର ପ୍ଲେଇଂ ଇଲେଭେନ୍:

ମିଚେଲ ମାର୍ଶ, ଆଡେନ ମାର୍କ୍ରାମ, ନିକୋଲାସ ପୁରାନ୍, ଋଷଭ ପନ୍ତ (ଅଧିନାୟକ ତଥା ୱିକେଟ୍ କିପର), ଆୟୁଷ ବାଡୋନି, ଡେଭିଡ ମିଲର, ଅବଦୁଲ ସମାଦ, ଶାର୍ଦ୍ଦୁଲ ଠାକୁର, ଆକାଶ ଦୀପ, ଆଭେଶ ଖାନ, ଡିଜି ରାଠୀ, ରବି ବିଷ୍ଣୁ

ଗୁଜୁରାଟ ଟାଇଟାନ୍ସର ପ୍ଲେଇଂ ଇଲେଭେନ୍:

ସାଇ ସୁଦର୍ଶନ, ଶୁବମାନ ଗିଲ (ଅଧିନାୟକ), ଜୋସ୍ ବଟଲର (ୱିକେଟ୍ କିପର), ଶେରଫେନ୍ ରଦରଫୋର୍ଡ, ଶାହାରୁଖ ଖାନ, ରାହୁଲ ଟିୱାଟିଆ, ଅର୍ଶଦ ଖାନ, ରସିଦ ଖାନ, ସାଇ କିଶୋର, ମହମ୍ମଦ ସିରାଜ, ପ୍ରସାଦ କୃଷ୍ଣ, କୁଲୱନ୍ତ ଖେଜରୋଲିା

ଅଧିକ ପଢ଼ନ୍ତୁ: ଚାଉଳ ହେରଫେର ଅଭିଯୋଗରେ ନିଲମ୍ବିତ ହେଲେ ପ୍ରଧାନ ଶିକ୍ଷୟିତ୍ରୀ

 Indian Premier League 2025 | LSG vs GT | 26th Match