ସାମୟିକ ଯୁଦ୍ଧ ବିରତି ପାଇଁ ପୁଟିନଙ୍କ ଘୋଷଣା

ମସ୍କୋ: ରୁଷ ଏବଂ ୟୁକ୍ରେନ ଯୁଦ୍ଧ ସହିତ ଜଡିତ ଏକ ବଡ଼ ଖବର ସାମ୍ନାକୁ ଆସିଛି। ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ଇଷ୍ଟର ଅବସରରେ ୟୁକ୍ରେନରେ ଏକ ଅସ୍ଥାୟୀ ଯୁଦ୍ଧବିରତି ଘୋଷଣା କରିଛନ୍ତି। କ୍ରେମଲିନ୍ ଶନିବାର ଏହି ସୂଚନା ଦେଇଛି। କ୍ରେମଲିନ୍ ଅନୁଯାୟୀ, ଏହି ଅସ୍ତ୍ରବିରତି ଶନିବାର ମସ୍କୋ ସମୟ ସନ୍ଧ୍ୟା ୬ଟା ରୁ ଇଷ୍ଟର ରବିବାର ମଧ୍ୟରାତ୍ରି ପର୍ଯ୍ୟନ୍ତ ରହିବ। ଏହା ବ୍ୟତୀତ, ରୁଷ ପ୍ରତିରକ୍ଷା ମନ୍ତ୍ରଣାଳୟ ଅନୁଯାୟୀ, ଯୁଦ୍ଧର ସବୁଠାରୁ ବଡ଼ ବିନିମୟରେ ରୁଷ ଏବଂ ୟୁକ୍ରେନ ଶହ ଶହ ବନ୍ଦୀଙ୍କୁ ଅଦଳବଦଳ କରିଛନ୍ତି।

ପୁଟିନ କହିଛନ୍ତି ଯେ ମାନବିକତା ଦୃଷ୍ଟିରୁ, ଆଜି, ରବିବାର ସନ୍ଧ୍ୟା ୬ଟାରୁ ଠାରୁ ସୋମବାର ରାତି ୧୨ଟା ପର୍ଯ୍ୟନ୍ତ, ରୁଷିଆ ପକ୍ଷରୁ ଇଷ୍ଟର ଯୁଦ୍ଧବିରତି ଘୋଷଣା କରାଯାଇଛି। ମୁଁ ନିର୍ଦ୍ଦେଶ ଦେଉଛି ଯେ ଏହି ସମୟ ପାଇଁ ସମସ୍ତ ସାମରିକ ଅଭିଯାନ ବନ୍ଦ ରଖାଯାଉ। ପୁଟିନ ଜେନେରାଲ ଷ୍ଟାଫ୍ ଚିଫ୍ ଭାଲେରି ଗେରାସିମୋଭଙ୍କ ସହ ଏକ ବୈଠକରେ ଏହା କହିଛନ୍ତି।

ଆମେ ବିଶ୍ୱାସ କରୁଛୁ ଯେ ୟୁକ୍ରେନୀୟ ପକ୍ଷ ଆମର ଉଦାହରଣ ଅନୁସରଣ କରିବ, ପୁଟିନ କହିଛନ୍ତି। ତଥାପି, ପୁଟିନ ଏହା ମଧ୍ୟ କହିଛନ୍ତି ଯେ ଆମର ସୈନିକମାନେ ଯୁଦ୍ଧବିରତିର ସମ୍ଭାବ୍ୟ ଉଲ୍ଲଂଘନ ଏବଂ ଶତ୍ରୁଙ୍କ ଦ୍ୱାରା ଯେକୌଣସି ଉତ୍ତେଜନା ଏବଂ ଆକ୍ରମଣାତ୍ମକ କାର୍ଯ୍ୟକୁ ପ୍ରତିହତ କରିବା ପାଇଁ ପ୍ରସ୍ତୁତ ରହିବା ଉଚିତ।