ରିୟାନ୍‌ ସ୍କୁଲ୍‌ ହତ୍ୟାକାଣ୍ଡ: ତଦନ୍ତ ଭାର ଗ୍ରହଣ କଲା ସିବିଆଇ

ନୂଆଦିଲ୍ଲୀ: ଶୁକ୍ରବାର ଦିନ ସିବିଆଇ ଗୁରୁଗ୍ରାମସ୍ଥିତ ରିୟାନ୍‌ ଇଣ୍ଟର୍‌ନ୍ୟାସ୍‌ନାଲ୍‌ ସ୍କୁଲ୍‌ର ୭ ବର୍ଷିୟ ଛାତ୍ର ପ୍ରଦ୍ୟୁମ୍ନ ହତ୍ୟାକାଣ୍ଡର ଭାର ଗ୍ରହଣ କରିଛି। ଏଥିପାଇଁ ସିବିଆଇ କେନ୍ଦ୍ର ସରକାରଙ୍କଠାରୁ ଆନୁଷ୍ଠାନିକଭାବେ ବିଜ୍ଞପ୍ତି ଗ୍ରହଣ କରିଛି।

ଶୁକ୍ରବାର ଦିନ ଏ ସମ୍ବନ୍ଧରେ ଏକ ଏଫ୍‌ଆଇଆର୍‌ ରେଜିଷ୍ଟର୍‌ କରାଯାଇଛି। ପ୍ରଦ୍ୟୁମ୍ନଙ୍କ ପିତାମାତାଙ୍କ ବୟାନ ନେବା ପାଇଁ ଫରେନ୍‌ସିକ୍‌ ବିଶେଷଜ୍ଞମାନଙ୍କ ସହ ସିବିଆଇର ଏକ ଦଳ ସ୍କୁଲ୍‌କୁ ଯାଇଛନ୍ତି।

ଏହା ବ୍ୟତିରେକେ, ଗୁରୁଗ୍ରାମ ପୁଲିସଠାରୁ ମାମଲା ସମ୍ବନ୍ଧୀୟ ସମସ୍ତ ଫାଇଲ୍‌ ସିବିଆଇ ଗ୍ରହଣ କରିବ।