ସ୍ବାଧୀନ ପ୍ରାର୍ଥୀଭାବେ ନିର୍ବାଚନ ଲଢିବେ ଦେଶର ସବୁଠାରୁ ଧନୀ ମହିଳା

ହିସାର : ହରିୟାଣା ବିଧାନସଭା ନିର୍ବାଚନ ପାଇଁ ଭାରତୀୟ ଜନତା ପାର୍ଟି (ବିଜେପି) ବୁଧବାର ୬୭ ଜଣ ପ୍ରାର୍ଥୀଙ୍କ ତାଲିକା ଜାରି କରିଛି। ଏହି ତାଲିକା ଆସିବା ମାତ୍ରେ ଦଳରେ ବିଦ୍ରୋହ ଆରମ୍ଭ ହୋଇଯାଇଛି। ସୋସିଆଲ ମିଡିଆରେ ଅନେକ କର୍ମକର୍ତ୍ତା ଇସ୍ତଫା ଦେଇଛନ୍ତି। ଗୁରୁବାର ସକାଳେ ଦେଶର ଚତୁର୍ଥ ଧନୀ ମହିଳା ପୂର୍ବତନ ମନ୍ତ୍ରୀ ସାବିତ୍ରୀ ଜିନ୍ଦଲ ମଧ୍ୟ ବିଦ୍ରୋହ କରିଥିଲେ। ବିଜେପିରୁ ଟିକେଟ ନ ମିଳିବାରୁ ସେ ହିସାରରୁ ସ୍ୱାଧୀନ ପ୍ରାର୍ଥୀ ଭାବେ ନିର୍ବାଚନ ଲଢ଼ିବାକୁ ଘୋଷଣା କରିଛନ୍ତି। ମୁଁ ବିଜେପିର ପ୍ରାଥମିକ ସଦସ୍ୟ ନୁହେଁ। ମୁଁ ଦିଲ୍ଲୀରୁ ଫେରି ନିର୍ବାଚନ ନ ଲଢିବା କଥା କହିଥିଲି, କିନ୍ତୁ ଆପଣଙ୍କ ଭଲପାଇବା ଓ ବିଶ୍ୱାସ ଦେଖି ମୁଁ ନିର୍ବାଚନ ଲଢିବି।

 ୨୦୦୫ରେ ପ୍ରଥମ ଥର ପାଇଁ ହିସାର ଆସନରୁ ହରିୟାଣା ବିଧାନସଭାକୁ ନିର୍ବାଚିତ ହୋଇଥିଲେ ସାବିତ୍ରୀ । ୨୦୦୯ରେ ସେ ପୁଣି ନିର୍ବାଚିତ ହୋଇ ମନ୍ତ୍ରୀ ହୋଇଥିଲେ ।

ଏଠାରେ କୁରୁକ୍ଷେତ୍ରର ବିଜେପି ସାଂସଦ ତଥା ଶିଳ୍ପପତି ନବୀନ ଜିନ୍ଦଲ ମଧ୍ୟ ପ୍ରତିକ୍ରିୟା ରଖିଛନ୍ତି। ଗଣମାଧ୍ୟମ ସହ ଏକ ସ୍ୱତନ୍ତ୍ର କଥାବାର୍ତ୍ତାରେ ନବୀନ ଜିନ୍ଦଲ କହିଛନ୍ତି ଯେ ସମଗ୍ର ରାଜ୍ୟରେ ଟିକେଟ୍ ବଣ୍ଟନ କେନ୍ଦ୍ରୀୟ ନେତୃତ୍ୱ ଚିନ୍ତାକରି କରିଛନ୍ତି। ସବୁ ଦିଗକୁ ଦୃଷ୍ଟିରେ ରଖି ପ୍ରାର୍ଥୀ ପ୍ରସ୍ତୁତ କରାଯାଉଛି। ସମଗ୍ର ରାଜ୍ୟରେ ଟିକେଟ ବଣ୍ଟନ ପରେ ଚାଲିଥିବା ବିରୋଧ ସମ୍ପର୍କରେ ନବୀନ ଜିନ୍ଦଲ କହିଛନ୍ତି ଯେ ପ୍ରତ୍ୟେକ ସ୍ଥାନରେ ଟିକେଟ ପାଇଁ ଅନେକ ଲୋକ ଅଛନ୍ତି କିନ୍ତୁ କେବଳ ଜଣେ ବ୍ୟକ୍ତିଙ୍କୁ ଟିକେଟ ଦିଆଯାଇପାରିବ । ଟିକେଟ ଆଶା କରିବା ଭୁଲ କାମ ନୁହେଁ, କିନ୍ତୁ ଦଳର  ବି ବାଧ୍ୟତାମୂଳକତା ରହିଛି।