ଇଭିଏମ୍ ତଥ୍ୟ ଡିଲିଟ୍ କରନାହିଁ : ନିର୍ବାଚନ କମିସନଙ୍କୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ

ନୂଆଦିଲ୍ଲୀ : ଇଭିଏମ୍ ଯାଞ୍ଚ ସଂକ୍ରାନ୍ତ ଏକ ପିଟିସନ୍ ଉପରେ ଜବାବ ଦାଖଲ କରିବାକୁ ସୁପ୍ରିମକୋର୍ଟ ନିର୍ବାଚନ କମିଶନଙ୍କୁ କହିଛନ୍ତି। ଏହା ସହିତ ନିକଟରେ ହୋଇଥିବା ନିର୍ବାଚନ ସଂପର୍କିତ ତଥ୍ୟ ଇଭିଏମରୁ ନ ଲିଭାଇବାକୁ ନିର୍ଦ୍ଦେଶ ଦେଇଛନ୍ତି ।

ଆସୋସିଏସନ୍ ଫର୍ ଡେମୋକ୍ରାଟିକ୍ ରିଫର୍ମସ୍ (ଏଡିଆର) ପକ୍ଷରୁ ଦାଖଲ କରାଯାଇଥିବା ଆବେଦନରେ ଦାବି କରାଯାଇଛି ଯେ ଇଭିଏମର ବର୍ନଟ୍ ମେମୋରି ଯାଞ୍ଚ ପାଇଁ ଏକ ସ୍ପଷ୍ଟ ପ୍ରୋଟୋକଲ୍ ପ୍ରସ୍ତୁତ କରିବାକୁ ସୁପ୍ରିମ୍ କୋର୍ଟ ନିର୍ବାଚନ କମିସନଙ୍କୁ ନିର୍ଦ୍ଦେଶ ଦିଅନ୍ତୁ। ମୁଖ୍ୟ ବିଚାରପତି ଜଷ୍ଟିସ ସଞ୍ଜୀବ ଖାନ୍ନା ଏବଂ ଜଷ୍ଟିସ ଦୀପଙ୍କର ଦତ୍ତଙ୍କୁ ନେଇ ଗଠିତ ଖଣ୍ଡପୀଠ କହିଛନ୍ତି ଯେ ମାର୍ଚ୍ଚ ପ୍ରଥମ ସପ୍ତାହରେ ଏହାର ଶୁଣାଣି ହେବ। ଅଦାଲତ ଏହା ମଧ୍ୟ କହିଛନ୍ତି ଯେ ନିର୍ବାଚନ ଆୟୋଗ ନିକଟରେ ନିର୍ବାଚନ ହୋଇଥିବା ସ୍ଥାନରୁ ଇଭିଏମର ଡାଟା ଡିଲିଟ୍ କରନ୍ତୁ ନାହିଁ କିମ୍ବା ସେଥିରେ ନୂତନ ଡାଟା ଲୋଡ୍ କରନ୍ତୁ ନାହିଁ।

ମୁଖ୍ୟ ବିଚାରପତି ଜଷ୍ଟିସ ସଞ୍ଜୀବ ଖାନ୍ନା ଏବଂ ଜଷ୍ଟିସ ଦୀପଙ୍କର ଦତ୍ତଙ୍କୁ ନେଇ ଗଠିତ ଖଣ୍ଡପୀଠ କହିଛନ୍ତି ଯେ ମାର୍ଚ୍ଚ ପ୍ରଥମ ସପ୍ତାହରେ ଏହାର ଶୁଣାଣି ହେବ। ଅଦାଲତ ଏହା ମଧ୍ୟ କହିଛନ୍ତି ଯେ ନିର୍ବାଚନ ଆୟୋଗ ନିକଟରେ ନିର୍ବାଚନ ହୋଇଥିବା ସ୍ଥାନରୁ ଇଭିଏମର ଡାଟା ଡିଲିଟ୍ କରନ୍ତୁ ନାହିଁ କିମ୍ବା ସେଥିରେ ନୂତନ ଡାଟା ଲୋଡ୍ କରନ୍ତୁ ନାହିଁ।

ଗତବର୍ଷ ସୁପ୍ରିମ୍ କୋର୍ଟ ଦେଇଥିବା ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତିକୁ ଏହି ପିଟିସନରେ ଦର୍ଶାଯାଇଥିଲା। ଏହି ରାୟରେ ସୁପ୍ରିମକୋର୍ଟ ବ୍ୟାଲଟ୍ ପେପର ମାଧ୍ୟମରେ ନିର୍ବାଚନର ପୁରୁଣା ବ୍ୟବସ୍ଥାକୁ ପୁନରୁଦ୍ଧାର କରିବାକୁ ମନା କରିଦେଇଥିଲେ। ଏହାବ୍ୟତୀତ ସମସ୍ତ ଭିଭିପିଏଟି ସ୍ଲିପ୍ ଗଣନା ଦାବିକୁ ମଧ୍ୟ ଖଣ୍ଡପୀଠ ପ୍ରତ୍ୟାଖ୍ୟାନ କରିଥିଲେ। ତେବେ ନିର୍ବାଚନ ଫଳାଫଳ ପ୍ରକାଶ ପାଇବାର ଏକ ସପ୍ତାହ ମଧ୍ୟରେ ଉନ୍ନତ ସ୍ୱଚ୍ଛତା ପାଇଁ ଇଭିଏମର ଜଳିଯାଇଥିବା ସ୍ମୃତିଯାଞ୍ଚ କରିବାକୁ କୋର୍ଟ ଅନୁମତି ଦେଇଥିଲେ।

ମାର୍ଚ୍ଚ ୨୬, ୨୦୨୪ରେ ଦିଆଯାଇଥିବା ଏହି ରାୟରେ ସୁପ୍ରିମ୍ କୋର୍ଟ କହିଥିଲେ ଯେ ଫଳାଫଳ ପ୍ରକାଶ ପାଇବାର ଏକ ସପ୍ତାହ ମଧ୍ୟରେ ଦ୍ବିତୀୟ କିମ୍ବା ତୃତୀୟ ସ୍ଥାନରେ ଥିବା ପ୍ରାର୍ଥୀ ପୁନଃ ଯାଞ୍ଚ ପାଇଁ ଅନୁରୋଧ କରିପାରିବେ। ଏଭଳି ସ୍ଥିତିରେ ଇଞ୍ଜିନିୟରଙ୍କ ଏକ ଟିମ୍ ଯେକୌଣସି ୫ ମାଇକ୍ରୋକଣ୍ଟ୍ରୋଲରଙ୍କ ବର୍ନଟ୍  ମେମୋରୀ ଯାଞ୍ଚ କରିବେ। ଏହି ପରୀକ୍ଷାର ଖର୍ଚ୍ଚ ପ୍ରାର୍ଥୀଙ୍କୁ ବହନ କରିବାକୁ ପଡିବ । ଯଦି କୌଣସି ତ୍ରୁଟି ପ୍ରମାଣିତ ହୁଏ, ତେବେ ପ୍ରାର୍ଥୀଙ୍କୁ ଟଙ୍କା ଫେରସ୍ତ ମିଳିବ।