ପୂର୍ବତନ ଡିଜିପିଙ୍କୁ ମାନସିକ ରୋଗୀ ପତ୍ନୀ ହତ୍ୟା କରିଛନ୍ତି ବୋଲି ଅଭିଯୋଗ ଆଣିଲେ ପୁଅ

ମୁମ୍ବାଇ: କର୍ଣ୍ଣାଟକର ପୂର୍ବତନ ପୁଲିସ୍‌ ମହାନିର୍ଦ୍ଦେଶକ (ଡିଜିପି) ଓମ ପ୍ରକାଶଙ୍କ ହତ୍ୟାକାଣ୍ଡ ମାମଲାକୁ ନେଇ ଆଶ୍ଚର୍ଯ୍ୟଜନକ ଖବର ପ୍ରକାଶ ପାଇଛି। ଅବସରପ୍ରାପ୍ତ ଡିଜିପିଙ୍କ ପୁଅ କାର୍ତ୍ତିକ ଦାବି କରିଛନ୍ତି ଯେ ଏହି ହତ୍ୟାକାଣ୍ଡରେ ତାଙ୍କ ମାଆ ପଲ୍ଲବୀ ଓ ଭଉଣୀ କୃର୍ତ୍ତି ସାମିଲ୍‌ ଅଛନ୍ତି। ସେ ଦାବି କରିଛନ୍ତି ଯେ ତାଙ୍କ ମାଆ ଗୁରୁତର ମାନସିକ ସ୍ୱାସ୍ଥ୍ୟ ସମସ୍ୟାରେ ପୀଡ଼ିତ ଥିଲେ ଓ ତାଙ୍କର ଚିକିତ୍ସା ଚାଲିଥିଲା। 

ପରିବାର ସଦସ୍ୟମାନେ ପ୍ରକାଶ କରିଛନ୍ତି ଯେ ପଲ୍ଲବୀ ପ୍ରାୟତଃ ଭୟ ପ୍ରକାଶ କରୁଥିଲେ। ସେ ଭାବୁଥିଲେ ଯେ ତାଙ୍କ ସ୍ୱାମୀ ତାଙ୍କୁ କ୍ଷତି ପହଞ୍ଚାଇପାରନ୍ତି ଏବଂ ସେ ଏହା ମଧ୍ୟ ଅଭିଯୋଗ କରିଥିଲେ ଯେ ତାଙ୍କ ସ୍ୱାମୀ ତାଙ୍କୁ ଅନେକ ଥର ବନ୍ଧୁକ ଦେଖାଇ ଧମକ ଦେଇଥିଲେ।

କାର୍ତ୍ତିକଙ୍କ ଅଭିଯୋଗ ଆଧାରରେ, ଅବସରପ୍ରାପ୍ତ ଅଧିକାରୀ ଓମ ପ୍ରକାଶଙ୍କ ମୃତଦେହକୁ ବେଙ୍ଗାଲୁରୁରେ ଥିବା ତାଙ୍କ ବାସଭବନରେ ମୃତ ଅବସ୍ଥାରେ ଉଦ୍ଧାର ହେବା ପରେ ପୁଲିସ ତାଙ୍କ ପତ୍ନୀ ପଲ୍ଲବୀ ଏବଂ ଝିଅ କୃତିଙ୍କ ବିରୋଧରେ ଅଭିଯୋଗ ଦାଖଲ କରିଛି।

ଅଭିଯୋଗ ଅନୁଯାୟୀ, ମାମଲାର ମୁଖ୍ୟ ଅଭିଯୁକ୍ତ ଓମ ପ୍ରକାଶଙ୍କ ପତ୍ନୀ ଗତ ୧୨ ବର୍ଷ ଧରି ସିଜୋଫ୍ରେନିଆ ରୋଗ ସହିତ ସଂଘର୍ଷ କରୁଥିଲେ ଏବଂ ତାଙ୍କର ଚିକିତ୍ସା ଚାଲିଥିଲା।

ପୁଲିସ ରବିବାର ପଚରାଉଚରା ପାଇଁ ପଲ୍ଲବୀ ଏବଂ କୃତି ଉଭୟଙ୍କୁ ଅଟକ ରଖିଥିଲା। ସୂତ୍ର ଅନୁଯାୟୀ, ଓମ ପ୍ରକାଶଙ୍କ ପେଟ ଏବଂ ବେକରେ ଅନେକ ଛୁରି କ୍ଷତ ଚିହ୍ନ ମିଳିଥିଲା। ପୁଲିସ ଘଟଣାସ୍ଥଳରେ ପହଞ୍ଚିବା ସମୟରେ ତାଙ୍କ ମୃତଦେହ ରକ୍ତ ଜୁଡୁବୁଡୁ ଅବସ୍ଥାରେ ପଡ଼ିଥିଲା ବୋଲି ବେଙ୍ଗାଲୁରୁ ପୁଲିସ ମୁଖ୍ୟ ବି ଦୟାନନ୍ଦ କହିଛନ୍ତି। ବେଙ୍ଗାଲୁରୁ ପୁଲିସ ମୁଖ୍ୟ ଆହୁରି କହିଛନ୍ତି ଯେ ରବିବାର ଅପରାହ୍ନ ପ୍ରାୟ ୪.୩୦ରେ ସେମାନେ ହତ୍ୟାର ସୂଚନା ପାଇଥିଲେ।।