ଷ୍ଟକ ବଜାରରେ ଉତ୍ସାହ ଜାରି, ସେନସେକ୍ସ ୧୫୦୮ ପଏଣ୍ଟ ବୃଦ୍ଧି

ମୁମ୍ବାଇ: ଆଜି ଗୁରୁବାର ଭାରତୀୟ ଷ୍ଟକ୍ ବଜାରରେ ଏକ ବଡ଼ ବୃଦ୍ଧି ଘଟିଛି। ବମ୍ବେ ଷ୍ଟକ୍ ଏକ୍ସଚେଞ୍ଜ ସୂଚକାଙ୍କ ସେନସେକ୍ସ ଆଜି ୧.୯୬ ପ୍ରତିଶତ କିମ୍ବା ୧୫୦୮ ପଏଣ୍ଟ ବୃଦ୍ଧି ସହିତ ୭୮,୫୫୩ ରେ ବନ୍ଦ ହୋଇଛି। ସେନସେକ୍ସର ୩୦ଟି ଷ୍ଟକ୍ ମଧ୍ୟରୁ କେବଳ ୨ଟି ଷ୍ଟକ୍ ଲାଲ ରଙ୍ଗରେ ଏବଂ ୨୮ଟି ଷ୍ଟକ୍ ସବୁଜ ରଙ୍ଗରେ ବନ୍ଦ ହୋଇଥିଲା। ଅନ୍ୟପକ୍ଷରେ, ଜାତୀୟ ଷ୍ଟକ୍ ଏକ୍ସଚେଞ୍ଜ ସୂଚକାଙ୍କ ନିଫ୍ଟି ଆଜି ୧.୭୭ ପ୍ରତିଶତ କିମ୍ବା ୪୧୪ ପଏଣ୍ଟ ବୃଦ୍ଧି ସହିତ ୨୩,୮୫୧ ରେ ବନ୍ଦ ହୋଇଛି। ଆଜି ଏନଏସଇରେ କାରବାର ହୋଇଥିବା ୨୯୭୭ ଷ୍ଟକ୍ ମଧ୍ୟରୁ ୧୮୪୭ ଷ୍ଟକ୍ ସବୁଜ ରଙ୍ଗରେ ଏବଂ ୧୦୪୭ ଷ୍ଟକ୍ ଲାଲ ରଙ୍ଗରେ ବନ୍ଦ ହୋଇଛି। ବଜାରରେ ଏହି ବୃଦ୍ଧି ସହିତ, ଏନଏସଇରେ ଉପସ୍ଥିତ ସେୟାରର ମୋଟ ବଜାର ମୂଲ୍ୟ ୪୧୨.୪୩ ଲକ୍ଷ କୋଟି ଟଙ୍କାରେ ପହଞ୍ଚିଛି।

କ୍ଷେତ୍ରୀୟ ସୂଚକାଙ୍କ ବିଷୟରେ କହିବାକୁ ଗଲେ, ଗୁରୁବାର ସମସ୍ତ ସୂଚକାଙ୍କ ସବୁଜ ରଙ୍ଗରେ ବନ୍ଦ ହୋଇଥିଲା। ନିଫ୍ଟି ପ୍ରାଇଭେଟ୍ ବ୍ୟାଙ୍କରେ ସର୍ବାଧିକ ୨.୨୩ ପ୍ରତିଶତ ଲାଭ ରେକର୍ଡ କରାଯାଇଛି। ଏହା ବ୍ୟତୀତ ନିଫ୍ଟ ପିଏସୟୁ ବ୍ୟାଙ୍କ ୧.୬୪ ପ୍ରତିଶତ, ନିଫ୍ଟି ଅଟୋ ୧.୦୩ ପ୍ରତିଶତ, ନିଫ୍ଟି ଏଫଏମସିଜି ୦.୫୮ ପ୍ରତିଶତ, ନିଫ୍ଟି ଆଇଟି ୦.୨୩ ପ୍ରତିଶତ, ନିଫ୍ଟି ମିଡିଆ ୦.୨୩ ପ୍ରତିଶତ, ନିଫ୍ଟି ମେଟାଲ୍ ୦.୨୬ ପ୍ରତିଶତ, ନିଫ୍ଟି ଫାର୍ମା ୧.୨୧ ପ୍ରତିଶତ, ନିଫ୍ଟି ରିଅଲ୍ଟି ୦.୫୧ ପ୍ରତିଶତ, ନିଫ୍ଟି ହେଲଥ କେୟାର ଇଣ୍ଡେକ୍ସ ୧.୧୬ ପ୍ରତିଶତ, ନିଫ୍ଟି କଞ୍ଜ୍ୟୁମର ଡ୍ୟୁରେବଲ୍ସ ୦.୫୭ ପ୍ରତିଶତ, ନିଫ୍ଟି ତେଲ ଏବଂ ଗ୍ୟାସ୍ ୧.୨୩ ପ୍ରତିଶତ, ନିଫ୍ଟି ମିଡସ୍ମଲ୍ ହେଲ୍ଥକେୟାର ୦.୬୧ ପ୍ରତିଶତ ଏବଂ ନିଫ୍ଟି ମିଡସ୍ମଲ୍ ଫାଇନାନ୍ସିଆଲ୍ ସର୍ଭିସେସ୍ ୦.୬୩ ପ୍ରତିଶତ ବୃଦ୍ଧି ପାଇଛି।