ହିନ୍ଦୀ ଅନ୍ୟ ଭାଷାମାନଙ୍କର ଭଲ ବନ୍ଧୁ: କୁମାରସ୍ବାମୀଙ୍କୁ କଡା ଜବାବ ଦେଲେ ଶାହା

ନୂଆଦିଲ୍ଲୀ: ଗୃହମନ୍ତ୍ରୀ ଅମିତ ଶାହା ବୁଧବାର କହିଛନ୍ତି ଯେ ହିନ୍ଦୀ ଭାଷା ପ୍ରତିଦ୍ବନ୍ଦୀ ନୁହେଁ, ବରଂ ଦେଶର ଅନ୍ୟ ଭାଷାର ଜଣେ ବନ୍ଧୁ। ଅଖିଳ ଭାରତୀୟ ରାଜଭାଷା ସମ୍ମିଳନୀରେ ଯୋଗ ଦେଇ ଗୃହମନ୍ତ୍ରୀ କହିଛନ୍ତି ଯେ କିଛି ଲୋକ ହିନ୍ଦୀ ଏବଂ ଗୁଜୁରାଟୀ, ହିନ୍ଦୀ ଏବଂ ତାମିଲ, ହିନ୍ଦୀ ଏବଂ ମରାଠୀ ପ୍ରତିଦ୍ବନ୍ଦୀ ବୋଲି ଗୁଜବ ପ୍ରଚାର କରୁଛନ୍ତି। ହିନ୍ଦୀ ଦେଶର ଅନ୍ୟ କୌଣସି ଭାଷାର ପ୍ରତିଦ୍ବନ୍ଦୀ ହୋଇପାରିବ ନାହିଁ। ହିନ୍ଦୀ ହେଉଛି ଦେଶର ସମସ୍ତ ଭାଷାର ବନ୍ଧୁ |

ଶାହାଙ୍କ ମନ୍ତବ୍ୟ ଏପରି ଏକ ସମୟରେ ଆସିଛି ଯେତେବେଳେ ଦକ୍ଷିଣ ଭାରତର ରାଜ୍ୟରେ ତୀବ୍ର ବିତର୍କ ଚାଲିଛି ଯେ ଦେଶର ଅଣ-ହିନ୍ଦୀ ଭାଷାଭାଷୀ ଲୋକଙ୍କ ଉପରେ କେନ୍ଦ୍ର ସରକାର ହିନ୍ଦୀ ଭାଷାକୁ ଉପଯୋଗ କରାଇବାକୁ ଚେଷ୍ଟା କରୁଛନ୍ତି । ଶାହା କହିଛନ୍ତି ଯେ ସରକାରୀ ଭାଷା ଭାବରେ ହିନ୍ଦୀ ସମଗ୍ର ଦେଶକୁ ଏକତାର ସୂତ୍ରରେ ବାନ୍ଧି ରଖିଛି। ଅମିତ ଶାହା କହିଛନ୍ତି, "ମୁଁ ଗୋଟିଏ କଥା ସ୍ପଷ୍ଟ କରିବାକୁ ଚାହୁଁଛି। କିଛି ଲୋକ ଗୁଜବ ପ୍ରଚାର କରୁଛନ୍ତି ଯେ ହିନ୍ଦୀ ଏବଂ ଗୁଜୁରାଟୀ, ହିନ୍ଦୀ ଏବଂ ତାମିଲ, ହିନ୍ଦୀ ଏବଂ ମରାଠୀ ପରସ୍ପରର ପ୍ରତିଦ୍ବନ୍ଦୀ ।

ଉଲ୍ଲେଖ ଥାଉ କି ଗତକାଲି କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ତଥା ଜେଡିଏସ ନେତା ଏଚଡି କୁମାରସ୍ୱାମୀ ମୁଖ୍ୟମନ୍ତ୍ରୀ ବସବରାଜ ବମ୍ମାଇଙ୍କୁ ଚିଠି ଲେଖିଥିଲେ ଯେ ରାଜ୍ୟରେ ହିନ୍ଦୀ ଦିବସ ପାଳନ କରାଯିବା ଉଚିତ ନୁହେଁ। ପୂର୍ବତନ ମୁଖ୍ୟମନ୍ତ୍ରୀ ଏଚଡି କୁମାରସ୍ୱାମୀ ଲେଖିଥିଲେ ଯେ ଯଦି କର୍ଣ୍ଣାଟକରେ 'ହିନ୍ଦୀ ଦିବସ' ପାଳନ କରାଯାଏ ତେବେ ଏହା କନ୍ନଡବାସୀଙ୍କ ପ୍ରତି ଅସମ୍ମାନ ହେବ।