ଓୟୋ ରୁମ୍‌ରେ ଜୀବନ ହାରିଲେ ସଫ୍ଟୱେର୍ ଇଞ୍ଜିନିୟର, ପ୍ରେମିକାଙ୍କ ସହ ଆସିଥିଲେ

ନୂଆଦିଲ୍ଲୀ: ଉତ୍ତର ପ୍ରଦେଶ ନୋଏଡାର ସେକ୍ଟର ୨୭ର ଏକ ହୋଟେଲରେ ତାଙ୍କ ପ୍ରେମିକାଙ୍କ ସହ ରହିଥିବା ଜଣେ ସଫ୍ଟୱେର୍ ଇଞ୍ଜିନିୟର ଫାଶି ଲଗାଇ ଜୀବନ ହାରିଛନ୍ତି। ଯେତେବେଳେ ସେ ଆତ୍ମହତ୍ୟା କଲେ, ସେତେବେଳେ ତାଙ୍କ ମହିଳା ବନ୍ଧୁ ବାଥରୁମରେ ଥିଲେ। ସୂଚନା ପାଇ ସେକ୍ଟର-୨୦ କୋତୱାଲି ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ନିଜ ହେପାଜତକୁ ନେଇ ପଞ୍ଚନାମା ପ୍ରସ୍ତୁତ କରି ପୋଷ୍ଟମର୍ଟମ ପାଇଁ ପଠାଇଛି। ଘଟଣାସ୍ଥଳରୁ କୌଣସି ଆତ୍ମହତ୍ୟା ନୋଟ୍ ମିଳିନାହିଁ। ପୁଲିସ ମହିଳା ବନ୍ଧୁଙ୍କୁ ପଚରାଉଚରା କରୁଛି ଏବଂ ଏହି ଘଟଣା ପଛର କାରଣ ଜାଣିବାକୁ ଚେଷ୍ଟା କରୁଛି।

ସୂଚନା ଅନୁଯାୟୀ, ହାଥରସ୍ କଲୋନିର ବାସିନ୍ଦା ୩୮ ବର୍ଷୀୟ ସଫ୍ଟୱେର୍ ଇଞ୍ଜିନିୟର ଉମେଶ ଗୁରୁବାର ନୋଏଡାର ସେକ୍ଟର ୨୭ ସ୍ଥିତ ଭେନିସନ୍ ହୋଟେଲରେ ମଥୁରା ଅଞ୍ଚଳର ତାଙ୍କ ମହିଳା ବନ୍ଧୁଙ୍କ ସହ ରହୁଥିଲେ। ଯେଉଁଠାରେ ସେ ଫ୍ୟାନରେ ଫାଶୀ ଦେଇ ଜୀବନ ହାରିଥିଲେ।

ଉମେଶଙ୍କ ମହିଳା ବନ୍ଧୁ କହିଛନ୍ତି ଯେ, ସେ ବାଥରୁମରେ ଥିବା ସମୟରେ ସେ ଜୀବନ ହାରିଥିଲେ। ଯେତେବେଳେ ସେ ବାଥରୁମରୁ ବାହାରକୁ ଆସି ଦେଖିଲେ ଜୋରରେ ପାଟି କରିଥିଲେ। ଏହା ପରେ ହୋଟେଲରେ ଉତ୍ତେଜନା ପ୍ରକାଶ ପାଇଥିଲା ଏବଂ ହୋଟେଲ କର୍ମଚାରୀମାନେ ଏ ବିଷୟରେ ପୁଲିସକୁ ସୂଚନା ଦେଇଥିଲେ।

କୋତୱାଲି ସେକ୍ଟର-୨୦ ଇନଚାର୍ଜ କହିଛନ୍ତି ଯେ, ସୂଚନା ମିଳିବା ମାତ୍ରେ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ନିଜ ହେପାଜତକୁ ନେଇ ଶବ ପଞ୍ଚନାମା ପ୍ରସ୍ତୁତ କରି ପୋଷ୍ଟମର୍ଟମ ପାଇଁ ପଠାଇଛି। ଘଟଣାସ୍ଥଳରୁ କୌଣସି ଆତ୍ମହତ୍ୟା ନୋଟ୍ ମିଳିନାହିଁ ବୋଲି ସେ କହିଛନ୍ତି। ପ୍ରାରମ୍ଭିକ ତଦନ୍ତରୁ ଜଣାପଡିଛି ଯେ ଉମେଶ ବିବାହିତ ଥିଲେ ଏବଂ ତାଙ୍କ ପତ୍ନୀଙ୍କ ସହ ତାଙ୍କର ବୈବାହିକ ବିବାଦ ଥିଲା। ଉମେଶ ଏକ ଛାଡପତ୍ର ମାମଲା ମଧ୍ୟ ଦାୟର କରିଥିଲେ। ପୁଲିସ ମହିଳା ବନ୍ଧୁଙ୍କୁ ପଚରାଉଚରା କରି ଅଧିକ ତଦନ୍ତ କରୁଛି।