ସୋମନାଥ ଏକ୍ସପ୍ରେସ ଲାଇନଚ୍ୟୁତ: ବିକଳରେ ଚିତ୍କାର କଲେ ଯାତ୍ରୀ

ଭୋପାଳ: ମଧ୍ୟପ୍ରଦେଶର ଜବଲପୁରରେ ଶନିବାର ସକାଳେ ଏକ ଟ୍ରେନ୍ ଦୁର୍ଘଟଣା ଘଟିଛି। ସୋମନାଥ ଏକ୍ସପ୍ରେସର ଦୁଇଟି କୋଚ୍ ଲାଇନଚ୍ୟୁତ ହୋଇ ଯାଇଛି। ଏହାକୁ ନେଇ ଆତଙ୍କିତ ଯାତ୍ରୀ ବିକଳରେ ଚିତ୍କାର କରିବା ଆରମ୍ଭ କରିଥିଲେ। ଯଦିଓ ଯାତ୍ରୀମାନେ ସୁରକ୍ଷିତ ଅଛନ୍ତି, ତେବେ ସେମାନଙ୍କ ମଧ୍ୟରେ ଭୟର ବାତାବରଣ ରହିଛି।

ହଠାତ୍ ଟ୍ରେନ୍ ଲାଇନଚ୍ୟୁତ ହେବା ଯୋଗୁ ଯାତ୍ରୀମାନେ  ଅସନ୍ତୋଷ ପ୍ରକାଶ କରିଛନ୍ତି, କାରଣ ଗତ କିଛି ମାସ ଧରି ଲଗାତାର ଟ୍ରେନ୍ ଦୁର୍ଘଟଣା ଘଟୁଛି।

#WATCH | Madhya Pradesh: Harshit Shrivastava, CPRO, West Central Railway says, "The train was coming from Indore. When it was heading towards Jabalpur railway station's platform number 6, the train was moving slowly and 2 coaches derailed. All passengers are safe. The incident… https://t.co/8zzhTjTgdV pic.twitter.com/lIEEIHkp4u

— ANI (@ANI) September 7, 2024

ଶନିବାର ସକାଳେ ଘଟିଥିବା ଟ୍ରେନ୍ ଦୁର୍ଘଟଣା ପ୍ରାୟ କ୍ୱାର୍ଟରୁ ସକାଳ ପ୍ରାୟ ୬ଟା ମଧ୍ୟରେ ଘଟିଥିଲା ​। ଜବଲପୁର ରେଳ ଷ୍ଟେସନର ପ୍ଲାଟଫର୍ମଠାରୁ ପ୍ରାୟ ୧୫୦ ମିଟର ଦୂରରେ କୋଚଗୁଡ଼ିକ ଲାଇନଚ୍ୟୁତ ହୋଇଥିଲା।

ଅଧିକ ପଢ଼ନ୍ତୁ:ହାଥରସରେ ମର୍ମନ୍ତୁଦ ସଡ଼କ ଦୁର୍ଘଟଣା: ୪ ଶିଶୁ ସମେତ ୧୫ ମୃତ

ପଶ୍ଚିମ କେନ୍ଦ୍ରୀୟ ରେଳବାଇର ସିଆରପିଓ ହର୍ଷିତ ଶ୍ରୀବାସ୍ତବ ଏହି ଦୁର୍ଘଟଣାକୁ ନିଶ୍ଚିତ କରି କହିଛନ୍ତି ଯେ ଟ୍ରେନଟି ଇନ୍ଦୋରରୁ ଆସୁଥିଲା, କିନ୍ତୁ ଜବଲପୁର ରେଳ ଷ୍ଟେସନର ପ୍ଲାଟଫର୍ମ ନମ୍ବର ୬ ଆଡକୁ ଗତି କରୁଥିବାବେଳେ ଏହାର ଗତି ମନ୍ଥର ହୋଇଯାଇଥିଲା।କୋଚ୍ ଲାଇନ ଚ୍ୟୁତ ହେବାର କାରଣ ଏପର୍ଯ୍ୟନ୍ତ ଜଣା ପଡିନାହିଁ।

ଦୁର୍ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ପଶ୍ଚିମ କେନ୍ଦ୍ରୀୟ ରେଳବାଇର ଜେନେରାଲ ମ୍ୟାନେଜର ଶୋଭନା ବନ୍ଦୋପାଧ୍ୟାୟ ଘଟଣାସ୍ଥଳରେ ପହଞ୍ଚିଥିଲେ।

ଏକ ବଡ଼ ଦୁର୍ଘଟଣାକୁ ରୋକାଯାଇ ପାରିଛି। କାରଣ କୋଚ୍ ଲାଇନଚ୍ୟୁତ ହେବା ସମୟରେ ଟ୍ରେନର ବେଗ ଘଣ୍ଟା ପ୍ରତି ୨୦ କିଲୋମିଟରକୁ କମିଯାଇଥିଲା। ଘଟଣାର ତଦନ୍ତ ପାଇଁ ନିର୍ଦ୍ଦେଶ ଦିଆଯାଇଛି।

ଅଧିକ ପଢ଼ନ୍ତୁ:ଭୟଙ୍କର ହେଉଛି ମଣିପୁର ହିଂସା: ରକେଟ୍‌ ମାଡ଼ରେ ଜଣେ ମୃତ