ଦେଶଦ୍ରୋହ ଅଭିଯୋଗରେ ଦକ୍ଷିଣ କୋରିଆ ରାଷ୍ଟ୍ରପତି ୟୁନ୍ ସୁକ୍ ୟୋଲ ଗିରଫ

ସିଓଲ: ଦକ୍ଷିଣ କୋରିଆ ରାଷ୍ଟ୍ରପତି ୟୁନ୍ ସୁକ ୟୋଲଙ୍କୁ ରବିବାର ସକାଳେ ଆନୁଷ୍ଠାନିକ ଭାବେ ଗିରଫ କରାଯାଇଛି। ଗତ ସପ୍ତାହରେ ତାଙ୍କୁ ସିଓଲର ରାଷ୍ଟ୍ରପତି ଭବନରୁ ଗିରଫ କରାଯାଇଥିଲା। ଗତ ବର୍ଷ ଡିସେମ୍ବର ୩ରେ ଦେଶରେ ସାମରିକ ଆଇନ ଲାଗୁ କରିବା ମାମଲାରେ ୟୋଲ ଦେଶଦ୍ରୋହ ଅଭିଯୋଗ କରିଛନ୍ତି।

ଦୀର୍ଘ ଦିନର ବିତର୍କ ପରେ ୟୁନ୍‌ଙ୍କ ବିରୋଧରେ ଗିରଫ ୱାରେଣ୍ଟକୁ ସିଓଲ୍ ୱେଷ୍ଟର୍ଣ୍ଣ ଜିଲ୍ଲା କୋର୍ଟ ଅନୁମୋଦନ କରିଛନ୍ତି। କୋର୍ଟ କହିଛନ୍ତି ଯେ, ୟୁନ୍ ପ୍ରମାଣ ନଷ୍ଟ କରିବାର ଧମକ ଦେଇଛନ୍ତି। ଦୁର୍ନୀତି ନିବାରଣ କାର୍ଯ୍ୟାଳୟ (ସିଇଓ) ବର୍ତ୍ତମାନ ଉଚ୍ଚ ପଦାଧିକାରୀଙ୍କ ପାଇଁ ପୁଲିସ୍ ଏବଂ ସୈନ୍ୟଙ୍କ ସହ ଅନୁସନ୍ଧାନର ନେତୃତ୍ୱ ନେଇଥିବା ଅଭିଯୋଗକୁ ୨୦ଦିନ ପର୍ଯ୍ୟନ୍ତ ବଢ଼ାଇ ପାରିବେ।

ୟୁନ୍‌ଙ୍କ ଓକିଲମାନେ କହିଛନ୍ତି ଯେ, ପାଞ୍ଚ ଘଣ୍ଟିଆ ଶୁଣାଣି ସମୟରେ ସେ ପ୍ରାୟ ୪୦ ମିନିଟ୍ କଥା ହୋଇଥିଲେ। ୟୁନ୍ ଗିରଫକୁ ବିରୋଧ କରିଥିଲେ କାରଣ ୟୁନ୍ ପଳାଇବା କିମ୍ବା ପ୍ରମାଣ ନଷ୍ଟ କରିବାର ବିପଦରେ ନାହିଁ।

ୟୁନ୍ ସିଓଲ୍ ୱେଷ୍ଟର୍ଣ୍ଣ ଜିଲ୍ଲା କୋର୍ଟରେ ହାଜର ହେବା ସମୟରେ ଉତ୍ତେଜନା ଦେଖାଦେଇଥିଲା। ହଜାର ହଜାର ସମର୍ଥକ କୋର୍ଟ ନିକଟରେ ଏକତ୍ରିତ ହୋଇ ପୁଲିସ ସହ ସଂଘର୍ଷ କରିଥିଲେ। ଏହି ସମୟ ମଧ୍ୟରେ ୪୦ ଜଣ ବିକ୍ଷୋଭକାରୀଙ୍କୁ ଅଟକ ରଖାଯାଇଥିଲା। ଦୁଇଟି ପୁଲିସ ଗାଡି ମଧ୍ୟ କ୍ଷତିଗ୍ରସ୍ତ ହୋଇଛି।

୧୯୮୦ ଦଶକରେ ଗଣତନ୍ତ୍ର ଆସିବା ପରଠାରୁ ଏହି ବିକାଶ ଦକ୍ଷିଣ କୋରିଆର ସବୁଠାରୁ ଗମ୍ଭୀର ରାଜନୈତିକ ସଙ୍କଟ ଭାବରେ ବିବେଚନା କରାଯାଉଛି। ଡିସେମ୍ବର ୩ରେ ଯେତେବେଳେ ୟୁନ୍ ସାମରିକ ଆଇନ ଲାଗୁ କରିଥିଲେ ସେତେବେଳେ ଏହି ସଙ୍କଟ ଆରମ୍ଭ ହୋଇଥିଲା। ସେ ଜାତୀୟ ସଭା ଏବଂ ନିର୍ବାଚନ କାର୍ଯ୍ୟାଳୟରେ ସୈନ୍ୟ ନିୟୋଜିତ କରିଥିଲେ। ତେବେ କିଛି ଘଣ୍ଟା ପରେ ସଂସଦରେ ସାମରିକ ଆଇନ ପ୍ରସ୍ତାବ ଖାରଜ ହୋଇଥିଲା। ଏହା ପରେ ୧୪ଡିସେମ୍ବରରେ ୟୋନ୍‌ଙ୍କ ବିରୋଧରେ କ୍ଷମତା ଦଖଲ ମହାଭିଯୋଗ ଅଣାଯାଇଥିଲା।  ପ୍ରତିରକ୍ଷା ମନ୍ତ୍ରୀ, ପୁଲିସ ମୁଖ୍ୟ ଏବଂ ସାମରିକ କମାଣ୍ଡରଙ୍କ ସମେତ ନଅ ଜଣ ଅଧିକାରୀଙ୍କୁ ସାମରିକ ଆଇନ ଲାଗୁ ଅଭିଯୋଗରେ ଗିରଫ କରାଯାଇଛି।

ଅଧିକ ପଢ଼ନ୍ତୁ: ଇରାନର ଆଣବିକ କାରଖାନା ଉପରେ ଯେକୌଣସି ସମୟରେ ହୋଇପାରେ ଆମେରିକା ଆକ୍ରମଣ

ଦକ୍ଷିଣ କୋରିଆ ଇତିହାସରେ ଏହା ପ୍ରଥମ ଘଟଣା। ଯେଉଁଥିଲେ ଜଣେ ରାଷ୍ଟ୍ରପତିଙ୍କୁ ଗିରଫ କରାଯାଇଛି। ଏହି ଘଟଣା ଦେଶର ରାଜନୈତିକ ସ୍ଥିରତା ପାଇଁ ଏକ ବଡ଼ ଆହ୍ବାନ  ସୃଷ୍ଟି କରିଛି।

ୟୁନ୍‌ଙ୍କୁ ଦଣ୍ଡ ଦିଆଯାଉଛି କି ନାହିଁ ତାହା ଉପରେ ସମସ୍ତଙ୍କର ନଜର ରହିଛି। ଏହି ଘଟଣା ଦେଶକୁ ଦୁଇ ଭାଗରେ ବିଭକ୍ତ କରିଛି। ଗୋଟିଏ ପଟେ ୟୁନ୍‌ଙ୍କର ସମର୍ଥକ ଏବଂ ଅନ୍ୟ ପଟେ ତାଙ୍କର ପ୍ରତିଦ୍ୱନ୍ଦ୍ୱୀ ଅଛନ୍ତି। ଦକ୍ଷିଣ କୋରିଆରେ ଦେଶଦ୍ରୋହ ଅଭିଯୋଗ ଆଜୀବନ କାରାଦଣ୍ଡ କିମ୍ବା ମୃତ୍ୟୁଦଣ୍ଡ ମଧ୍ୟ ହୋଇପାରେ।

ଅଧିକ ପଢ଼ନ୍ତୁ: ବେଆଇନ ପ୍ରବାସୀ ଭାରତୀୟଙ୍କ ବିରୋଧରେ ବଡ଼ ପଦକ୍ଷେପ ନେବେ ଟ୍ରମ୍ପ