ଭାରତ ତିଆରି କରୁଛି ଏହି ଘାତକ କ୍ଷେପଣାସ୍ତ୍ର

ନୂଆଦିଲ୍ଲୀ : ଭାରତର ପ୍ରତିରକ୍ଷା ଗବେଷଣା ଏବଂ ବିକାଶ ସଂଗଠନ-ଡିଆରଡିଓ ଏପରି ଅସ୍ତ୍ର ବିକଶିତ କରୁଛି ଯାହା ବିଷୟରେ ଜାଣି ଶତ୍ରୁମାନେ ଆଶ୍ଚର୍ଯ୍ୟ ହୋଇଯିବେ।  ଡିଆରଡିଓ ଦ୍ୱାରା ବିକଶିତ ଷ୍ଟାର- ସୁପରସୋନିକ୍ ଟାର୍ଗେଟ୍ ମିସାଇଲ୍ ଏହାର ଶେଷ ପର୍ଯ୍ୟାୟ ଅର୍ଥାତ୍ ପର୍ଯ୍ୟାୟ ୩ ରେ ପହଞ୍ଚିଛି। ଏହି ମିସାଇଲର ସୁପରସୋନିକ୍ ବେଗ ପ୍ରାୟ ମାକ ୨.୫ ଅର୍ଥାତ ଏହା ଶବ୍ଦର ୨.୫ ଗୁଣ ବେଗରେ ଗତି କରିବା।

ଷ୍ଟାର କ୍ଷେପଣାସ୍ତ୍ର ଏକ ସୁପରସୋନିକ୍ ଟାର୍ଗେଟ କ୍ଷେପଣାସ୍ତ୍ର। ଏହି କ୍ଷେପଣାସ୍ତ୍ର ନୌସେନା, ବାୟୁସେନା ଏବଂ ସ୍ଥଳସେନା ପାଇଁ ଅତ୍ୟାବଶ୍ୟକ ପ୍ରମାଣିତ ହୋଇପାରେ। ଏହି କ୍ଷେପଣାସ୍ତ୍ରଟି ଜାହାଜ ବିରୋଧୀ କ୍ଷେପଣାସ୍ତ୍ର ଭଳି ସୁପରସୋନିକ୍ ବେଗରେ ଆସୁଥିବା କ୍ଷେପଣାସ୍ତ୍ରଗୁଡ଼ିକୁ ଚିହ୍ନଟ କରି ଧ୍ୱଂସ କରିବାର କ୍ଷମତା ରଖେ। ଏହା ତରଳ ଇନ୍ଧନ ରାମଜେଟ୍ ଇଞ୍ଜିନ ଉପରେ ଆଧାରିତ। ଏହାର ସୁବିଧା ହେଉଛି ଯେ ଏହି କ୍ଷେପଣାସ୍ତ୍ର ଦୀର୍ଘ ଦୂରତା ଯାତ୍ରା କରିପାରିବ। ଆଗାମୀ ଦିନରେ ଏହା ବ୍ରହ୍ମର ସ୍ଥାନ ନେବ ବୋଲି କୁହାଯାଉଛି । କାରଣ ଏହା ବ୍ରହ୍ମସ ତୁଳନାରେ ଆହୁରି ଶକ୍ତିଶାଳୀ ଓ ଶତ୍ରୁ ପାଇଁ ଭାରତର ଏକ ଗୁପ୍ତ ଓ ଆଶ୍ଚର୍ଯ୍ୟଜନକ ଅସ୍ତ୍ରହେବ । ପୁଣି ସ୍ବଦେଶୀ ଜ୍ଞାନକୌଶଳରେ ନିର୍ମାଣ ହେଉଥିବାରୁ ଏହାର ମୂଲ୍ୟ ବ୍ରହ୍ମସ ତୁଳନାରେ କମ ରହିବ ।