ବିଭିନ୍ନ ଲୋକଙ୍କୁ ସହାଯ୍ୟ ମାଗିବା ସତ୍ତ୍ବେ ଅଧାରାସ୍ତାରେ ମହିଳାଙ୍କୁ କେହି ବି ସାହାଯ୍ୟ କଲେ ନାହିଁ

ବେଙ୍ଗାଲୁରୁ: ବେଙ୍ଗାଲୁରୁର ଏକ ଜନଗହଳିପୂର୍ଣ୍ଣ ଆଇଟି ପାର୍କରେ ଦୁଇ ଚକିଆ ଗାଡ଼ିରେ ଆସି ଜଣେ ପୁରୁଷ ଜଣେ ମହିଳାଙ୍କୁ ଦୁଷ୍କର୍ମ କରିଥିବା ଘଟଣା ଚାରିଆଡ଼େ ଚର୍ଚ୍ଚାର ବିଷୟ ପାଲଟିଛି। 

ମହିଳା ଜଣକ ଶୁକ୍ରବାର ଏନ୍‌ଡିଟିଭି ସହ କଥା ହୋଇ କହିଛନ୍ତି ଯେ ସେ ବୁଧବାର ରାତି ପ୍ରାୟ ୧୧.୩୦ ସମୟରେ ମରାଠାହଲି ଅଞ୍ଚଳର ଇକୋୱାର୍ଲ୍ଡରେ ଚାଲି ଚାଲି ଯାଉଥିବା ସମୟରେ ତାଙ୍କ ପିଠିରେ କିଏ ଜଣେ ପିଟିବାର ଅନୁଭବ କରିଥିଲେ।

ମହିଳା କହନ୍ତି "ମୁଁ ବିସ୍ମିତ ହୋଇଗଲି। ମୁଁ ଭାବିଲି ହୁଏତ କେହି ଜଣେ ବେପରୁଆ ଭାବରେ ଗାଡ଼ି ଚଲାଉଥିବେ। ତଥାପି, ସମାନ ଘଟଣା ପୁଣି ଥରେ ଘଟିଲା ଏବଂ ଅଧିକ ଜୋର୍‌ ଘଟିଲା। ତା'ପରେ ମୁଁ ନିଶ୍ଚିତ ହେଲି ଯେ କେହି ଜଣେ ଜାଣିଶୁଣି ଏହା କରୁଛନ୍ତି। ମୁଁ ତା’ପ‌ରେ ସାହାଯ୍ୟ ପାଇଁ ଚିତ୍କାର କଲି। କିନ୍ତୁ କେହି ହେଲେ ଆଗକୁ ସାହାଯ୍ୟ କରିବାକୁ ଆଗେଇ ଆସିଲେ ନାହିଁ। ତୃତୀୟ ଥର ମୁଁ ସେହି ବ୍ୟକ୍ତିଙ୍କୁ ୟୁ-ଟର୍ଣ୍ଣ ନେଇ ମୋ ପାଇଁ ଆସୁଥିବାର ଦେଖିପାରିଲି। ମୁଁ ସାହାଯ୍ୟ ପାଇଁ ଚିତ୍କାର କଲି, ସେଠାରେ ଏତେ ଲୋକ ଥିଲେ, ଏହା ସର୍ବଦା ଏକ ବ୍ୟସ୍ତବହୁଳ ଅଞ୍ଚଳ। ମୁଁ ଲୋକମାନଙ୍କୁ ସାହାଯ୍ୟ ମାଗିଲି। ମୁଁ ଅଟୋ ଚାଳକମାନଙ୍କୁ ଅଟକାଇଲି। ମୁଁ ଅନ୍ୟମାନଙ୍କୁ ବି ଅଟକାଇଲି। କିନ୍ତୁ କେହି ମୋତେ ସାହାଯ୍ୟ କରିବାକୁ ଆସିଲେ ନାହିଁ। ଏହା ସବୁଠାରୁ ଆଶ୍ଚର୍ଯ୍ୟଜନକ କଥା,"।