ୱାକଫ ସଂଶୋଧନ ବିଲକୁ ସମର୍ଥନ କଲେ ସୁଫି ନେତା

ଆଜମେର : ଦେଶରେ ୱାକଫ ସଂଶୋଧନ ବିଲ୍ ଉପରେ ଚାଲିଥିବା ବିବାଦ ଏବଂ ବିତର୍କ ମଧ୍ୟରେ, ଅଖିଳ ଭାରତୀୟ ସୁଫି ସଜ୍ଜାଦନାଶୀନ ପରିଷଦର ଅଧ୍ୟକ୍ଷ ସୟଦ ନସରୁଦ୍ଦିନ ଚିସ୍ତି ସରକାରଙ୍କ ଏହି ପଦକ୍ଷେପକୁ ପ୍ରଶଂସା କରିଛନ୍ତି। ଏହି ବିଲ୍ ବିରୁଦ୍ଧରେ ମୁସଲମାନମାନଙ୍କୁ ଉସୁକାଉଥିବା ଲୋକଙ୍କୁ ସେ ସମାଲୋଚନା କରିଛନ୍ତି।

ଆଜମେରରେ ଗଣମାଧ୍ୟମ ସହିତ କଥାବାର୍ତ୍ତା ସମୟରେ ସେ କହିଛନ୍ତି, 'ୱାକଫ (ସଂଶୋଧନ) ବିଲ୍ ଆଣୁଥିବା ଭାରତ ସରକାର ପୂର୍ବରୁ ନିଜର ଉଦ୍ଦେଶ୍ୟ ସ୍ପଷ୍ଟ କରିସାରିଛନ୍ତି। ଜେପିସି ସମସ୍ତ ପକ୍ଷଙ୍କୁ ବହୁତ ଧର୍ଯ୍ୟର ସହିତ ଶୁଣିଛି ଏବଂ ସରକାରଙ୍କୁ ରିପୋର୍ଟ ପଠାଇଛି। ଆମେ ଆଶା କରୁଛୁ ଯେ ଆସୁଥିବା ବିଲ୍ ଭଲ ହେବ।

ସେ ଆହୁରି କହିଛନ୍ତି, ମୁଁ ବିଶ୍ୱାସ କରେ ଯେ ପ୍ରଚଳିତ ୱାକଫ ଆଇନରେ ପରିବର୍ତ୍ତନ ଆଣିବାର ଆବଶ୍ୟକତା ଅଛି ଏବଂ ଏହାକୁ ନେଇ କାହାକୁ ଭୟ କରିବାର ଆବଶ୍ୟକତା ନାହିଁ। ଆମେ କେବଳ ସରକାରୀ ବକ୍ତବ୍ୟ ଉପରେ ବିଶ୍ୱାସ କରିବା ଉଚିତ। ଭାବନାକୁ ଉତ୍ତେଜିତ କରିବାକୁ ଚେଷ୍ଟା କରାଯାଉଛି, ଯାହା ଭୁଲ।