ବାରାଣାସୀର ଜ୍ଞାନବାପି ମସଜିଦ ତଳେ ମନ୍ଦିର ଥିଲା, ହିନ୍ଦୁ ପକ୍ଷ ଓକିଲ ବିଷ୍ଣ ଶଙ୍କର ଜୈନଙ୍କ ଦାବି

ବାରଣାସୀ: ଜ୍ଞାନବାପିର ଏଏସଆଇ ସର୍ଭେ ରିପୋର୍ଟ ଆସିବା ପରେ ହିନ୍ଦୁ ପକ୍ଷର ଓକିଲ ବିଷ୍ଣୁ ଶଙ୍କର ଜୈନ ଗୁରୁବାର ଦାବି କରିଛନ୍ତି ଯେ 'ବର୍ତ୍ତମାନର ଢାଞ୍ଚା (ମସଜିଦ) ପୂର୍ବରୁ ଏକ ମନ୍ଦିର ଥିଲା। ଜ୍ଞାନବାପି ମସଜିଦର ପଶ୍ଚିମ କାନ୍ଥ ହେଉଛି ମନ୍ଦିରର ଅବଶେଷ । ଏହି ସ୍ତମ୍ଭଗୁଡ଼ିକ ମଧ୍ୟ ମନ୍ଦିରର ଥିଲା ଯାହାପୁନଃ ବ୍ୟବହୃତ ହୋଇଛି । ଏହି ମନ୍ଦିରର ଅବଶେଷ ଦେବନାଗରୀ, ଗ୍ରନ୍ଥ ତେଲୁଗୁ ଇତ୍ୟାଦି ସ୍ଥାନରେ ଦେଖିବାକୁ ମିଳିଛି । ରୁଦ୍ର ଓ ଜନାର୍ଦ୍ଦନ ଙ୍କ ଭଳି ଦେବତାଙ୍କ ଚିହ୍ନ ଦେଖିବାକୁ ମିଳିଛି ।

ଜୈନ କହିଛନ୍ତି, ମସଜିଦର ଗୋଟିଏ ସ୍ଥାନରେ ମହାମୁକ୍ତି ମଣ୍ଡପ ଲେଖାଯାଇଛି, ଏହା ସ୍ପଷ୍ଟ ସଙ୍କେତ। ଏପରି ୩୨ଟି ସ୍ଥାନ ରହିଛି ଯାହା ମନ୍ଦିରର ଅଟେ । ଜ୍ଞାନବାପି ପରିସରରେ ଥିବା ସ୍ତମ୍ଭଗୁଡ଼ିକ ଏକ ହିନ୍ଦୁ ମନ୍ଦିରର। ୧୬୬୯ ମସିହାରେ ଏହାକୁ ଏକ ସ୍ତମ୍ଭରେ ପୁନଃ ବ୍ୟବହାର କରାଯାଇଥିଲା । ବେସମେଣ୍ଟରୁ ମନ୍ଦିରର ପ୍ରମାଣ ମିଳିଛି। ପଶ୍ଚିମ କାନ୍ଥ ହେଉଛି ଏକ ହିନ୍ଦୁ ମନ୍ଦିରର ଢାଞ୍ଚା । ଔରଙ୍ଗଜେବଙ୍କ ନିର୍ଦ୍ଦେଶକ୍ରମେ ଏହି ମନ୍ଦିରକୁ ଭାଙ୍ଗି ଦିଆଯାଇଥିଲା। ଏକ ହିନ୍ଦୁ ମନ୍ଦିରର ଅବଶେଷକୁ ମସଜିଦ ନିର୍ମାଣ ରେ ବ୍ୟବହାର କରାଯାଇଥିଲା।

ଜୈନ କହିଛନ୍ତି, ଏଏସଆଇ କହିଛି ଯେ ମସଜିଦ୍ ନିର୍ମାଣ ପାଇଁ ସ୍ତମ୍ଭ  ସମେତ ପୂର୍ବରୁ ଥିବା ମନ୍ଦିରଗୁଡ଼ିକର କିଛି ଅଂଶକୁ କିଛି ପରିବର୍ତ୍ତନ ସହିତ ପୁନଃବ୍ୟବହାର କରାଯାଇଥିଲା। ଏହି ସ୍ତମ୍ଭ ଏବଂ ପ୍ଲାଷ୍ଟର ମୂଳତଃ ପୂର୍ବରୁ ଥିବା ହିନ୍ଦୁ ମନ୍ଦିରର ଅଂଶ ଥିଲା ।