ଜମ୍ମୁ-କଶ୍ମୀରର ରାଜୌରିରେ ଆତଙ୍କବାଦୀ ଆକ୍ରମଣ; ସେନା ଯବାନ ଆହତ

ରାଜୌରି: ସୋମବାର ଜମ୍ମୁ-କଶ୍ମୀରରେ ଆର୍ମି ପିକେଟିଂ ଉପରେ ହୋଇଥିବା ଏକ ବଡ଼ ଆତଙ୍କବାଦୀ ଆକ୍ରମଣରେ ଜଣେ ଯବାନ ଆହତ ହୋଇଛନ୍ତି। ଜମ୍ମୁ-କଶ୍ମୀରର ରାଜୋରିର ଏକ ସୁଦୂର ଗାଁରେ ଏହି ଆକ୍ରମଣ ହୋଇଥିବା ସୂଚନା ରହିଛି।

ତେବେ ଏହି ଆତଙ୍କବାଦୀ ଆକ୍ରମଣର ସେନା ମୁକାବିଲା ଜାରି ରଖିଛି ବୋଲି ଗଣମାଧ୍ୟମ ସଂସ୍ଥା ଏଏନ୍‌ଆଇ ପ୍ରକାଶ କରିଛି। ବର୍ତ୍ତମାନ ଆତଙ୍କବାଦୀଙ୍କ ସହ ଗୁଳି ବିନିମୟ ଚାଲିଛି।
ନ୍ୟୁଜ୍ ଏଜେନ୍ସି ପିଟିଆଇ ଅନୁଯାୟୀ ସୋମବାର ସକାଳେ ରାଜୌରିର ଗୁଣ୍ଡା ଅଞ୍ଚଳରେ ଥିବା ଏକ ସୁରକ୍ଷା ପୋଷ୍ଟରେ ଆତଙ୍କବାଦୀମାନେ ଗୁଳି ଚଳାଇବା ପରେ ସୁରକ୍ଷା ବାହିନୀ ସର୍ଚ୍ଚ ଅପରେସନ ଆରମ୍ଭ କରିଥିଲେ।
ଭୋର୍‌ ପ୍ରାୟ ୪ଟାରୁ ଏହି ଗୁଳି ବିନିମୟ ଆରମ୍ଭ ହୋଇଥଲା। ପରେ ସୁରକ୍ଷା କର୍ମୀମାନେ ଏହାକୁ ପ୍ରତିବାଦ କରି ପାଲଟା ଜବାବ ଦେଇଥିଲେ ବୋଲି ସରକାରୀ ସୂତ୍ରରୁ ପ୍ରକାଶ ପାଇଛି।

ଜୁଲାଇ ୧୯ ତାରିଖରେ ଜମ୍ମୁ-କଶ୍ମୀରର କିରଣ ସେକ୍ଟରରେ ଲାଇନ୍ ଅଫ୍ କଣ୍ଟ୍ରୋଲରେ ସୁରକ୍ଷା ବାହିନୀ ଅନୁପ୍ରବେଶ ଉଦ୍ୟମକୁ ଖଣ୍ଡନ କରି ଦୁଇ ଆତଙ୍କବାଦୀ ନିହତ ହୋଇଥିଲେ। ଏହାପୂର୍ବରୁ ଜମ୍ମୁ-କଶ୍ମୀରର ଡୋଡା ଜିଲ୍ଲାର କାଷ୍ଟିଗଡ଼ ଅଞ୍ଚଳରେ ଆତଙ୍କବାଦୀଙ୍କ ସହ ହୋଇଥିବା ଏନକାଉଣ୍ଟରରେ ଦୁଇ ସୈନିକ ଆହତ ହୋଇଥିଲେ।

ଡୋଡା ଏନକାଉଣ୍ଟରରେ ଆତଙ୍କବାଦୀଙ୍କ ସହ ଲଢୁଥିବା ବେଳେ ଜଣେ ଅଧିକାରୀଙ୍କ ସମେତ ଚାରିଜଣ ସେନା ସୈନିକଙ୍କ ମୃତ୍ୟୁ ହେବାର କିଛି ଦିନ ପରେ ଏହି ଏନକାଉଣ୍ଟର ହୋଇଥିଲା।