୫ଟି ବର୍ଗରେ ପ୍ରମାଣପତ୍ର ଦେବ ସେନସର ବୋର୍ଡ

ମୁମ୍ବାଇ: ସେଣ୍ଟ୍ରାଲ ବୋର୍ଡ ଅଫ୍ ଫିଲ୍ମ ସାର୍ଟିଫିକେସନ୍ (ସିବିଏଫସି) ଯାହାକି ସେନସର ବୋର୍ଡ ଅନୁସାରେ ଜଣାଶୁଣା, ଭାରତରେ ନିର୍ମିତ ଚଳଚ୍ଚିତ୍ର ଗୁଡ଼ିକର ପ୍ରମାଣନ (ସାର୍ଟିଫିକେସନ୍) କ୍ଷେତ୍ରରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ। ଚାରି ଦଶନ୍ଧିରୁ ଅଧିକ ସମୟ ଧରି ସିବିଏଫସି ଚଳଚ୍ଚିତ୍ର ସାର୍ଟିଫିକେସନ୍ ପାଇଁ ଏକ ମାନକ ପ୍ରକ୍ରିୟା ଅନୁସରଣ କରିଆସୁଛି। ତେବେ ଏବେ ଏହି ପ୍ରକ୍ରିୟାରେ କିଛି ପରିବର୍ତ୍ତନ କରାଯାଇଛି ।

 ଏହାର ଫାଇଦା ହେଉଛି କେଉଁ ଫିଲ୍ମ ସେମାନଙ୍କ ପିଲାଙ୍କ ପାଇଁ ଉପଯୁକ୍ତ ତାହା ବୁଝିବା ଅଭିଭାବକଙ୍କ ପାଇଁ ସହଜ ହେବ । ନୂଆ ଢାଞ୍ଚା ଅନୁଯାୟୀ ଏବେ ୫ଟି ଭିନ୍ନ ଭିନ୍ନ ବର୍ଗକୁ ଅନ୍ତର୍ଭୁକ୍ତ କରାଯାଇଛି। ନିକଟରେ ସିବିଏଫସି ଯେଉଁ ନୂତନ ଅପଡେଟ୍ କରିଛି ତାହାର ଉଦ୍ଦେଶ୍ୟ ଅଭିଭାବକମାନଙ୍କୁ ସେମାନଙ୍କ ପିଲାମାନଙ୍କ ପାଇଁ ଉତ୍ତମ ବିଷୟବସ୍ତୁ ସ୍ଥିର କରିବାରେ ସାହାଯ୍ୟ କରିବା ।

ସିବିଏଫସି ଦ୍ୱାରା ସୃଷ୍ଟି କରାଯାଇଥିବା ବର୍ଗଗୁଡ଼ିକ କ'ଣ?

ସିବିଏଫସି ଏବେ ନୂଆ ଅପଡେଟ୍ ଅଧୀନରେ ୟୁ, ୟୁଏ୭+, ୟୁଏ୧୩+, ୟୁଏ ୧୬+ଏବଂ ‘ଏ’ ବର୍ଗର ଚଳଚ୍ଚିତ୍ରଗୁଡ଼ିକୁ ସାର୍ଟିଫିକେଟ୍ ପ୍ରଦାନ କରିବ। 
ୟୁ ବର୍ଗର ଚଳଚ୍ଚିତ୍ର ସମସ୍ତେ ଦେଖିପାରିବେ । ୟୁଏ୭+ ବର୍ଗର ଚଳଚ୍ଚିତ୍ର ୭ ବର୍ଷରୁ ଅଧିକ ବୟସର ସମସ୍ତେ ଦେଖିପାରିବେ । ୟୁଏ୧୩+ ଓ ୟୁଏ ୧୬+ ବର୍ଗର ଚଳଚ୍ଚିତ୍ର ଯଥାକ୍ରମେ ୧୩ ବର୍ଷ ଓ ୧୬ ବର୍ଷର ସବୁ ଦର୍ଶକ ଦେଖିପାରିବେ । ଏ ବର୍ଗର ଚଳଚ୍ଚିତ୍ର ୧୮ ବର୍ଷ ଓ ଅଧିକ ବୟସର ଲୋକମାନେ ଦେଖିପାରିବେ ।