ଏହି କାରଣରୁ ଧୀମା ହୋଇଯାଇଛି ମାଇକ୍ରୋସଫ୍ଟ ସର୍ଭର

ନୂଆଦିଲ୍ଲୀ: ମାଇକ୍ରୋସଫ୍ଟର ସର୍ଭରରେ ବୈଷୟିକ ତ୍ରୁଟି ଯୋଗୁଁ ବିଶ୍ୱବ୍ୟାପୀ ଅନେକ ପ୍ରକାରସେବା ପ୍ରଭାବିତ ହୋଇଛି । ବ୍ୟାଙ୍କଠାରୁ ଆରମ୍ଭ କରି ବିମାନବନ୍ଦର ଓ ରେଳବାଇ ପର୍ଯ୍ୟନ୍ତ କାମ ମଧ୍ୟ ଅଟକି ରହିଛି। ଏଭଳି ସ୍ଥିତିରେ ସାଇବର ଆକ୍ରମଣ ଯୋଗୁଁ ଏଭଳି ଘଟିଥିବା ଆଶଙ୍କା କରାଯାଉଛି। ତେବେ ଏବେ କ୍ରାଉଡଷ୍ଟ୍ରିକର ସିଇଓ ଜର୍ଜ କୁର୍ଟଜ ଏହି ସମସ୍ୟାର ପ୍ରକୃତ କାରଣ କ'ଣ ଏବଂ ଏହାର ମୁକାବିଲା କିପରି କରାଯାଉଛି ତାହା ସ୍ପଷ୍ଟ କରିଛନ୍ତି।

ତାଙ୍କ ସୂଚନା ଅନୁସାରେ , "ୱିଣ୍ଡୋଜ୍ ହୋଷ୍ଟପାଇଁ ଗୋଟିଏ କଣ୍ଟେଣ୍ଟ ଅପଡେଟ୍ ରେ ତ୍ରୁଟି ଯୋଗୁଁ ଲୋକମାନେ ଅସୁବିଧାର ସମ୍ମୁଖୀନ ହେଉଛନ୍ତି। ମ୍ୟାକ୍ ଏବଂ ଲିନକ୍ସ ବ୍ୟବହାର କରୁଥିବା ଲୋକମାନେ କୌଣସି ସମସ୍ୟାର ସମ୍ମୁଖୀନ ହେଉନାହାନ୍ତି। ପ୍ରକୃତ କଥା ହେଉଛି କ୍ରାଉଡଷ୍ଟ୍ରାଇକ୍ ହେଉଛି ଆମେରିକାର ଏକ ସିକ୍ୟୁରିଟି ଫାର୍ମ। ଏହି ସଂସ୍ଥା ମାଇକ୍ରୋସଫ୍ଟ ସହ ମିଶି କାମ କରେ ।

ସରଳ ଭାଷାରେ କହିବାକୁ ଗଲେ ସାରା ବିଶ୍ୱର କଂପାନିଗୁଡ଼ିକ କ୍ରାଉଡ୍ ଷ୍ଟ୍ରାଇକ୍ ବ୍ୟବହାର କରୁଛନ୍ତି।, କ୍ରାଉଡଷ୍ଟ୍ରିକର ଏକ ସର୍ଭର କ୍ରାସ ହୋଇଛି। ଏହି କାରଣରୁ ମାଇକ୍ରୋସଫ୍ଟ ଉପରେ ଏହାର ବ୍ୟାପକ ପ୍ରଭାବ ପଡିଛି । ଏହାର ୱିଣ୍ଡୋଜ୍ କମ୍ପ୍ୟୁଟର ପ୍ରଭାବିତ ହୋଇଛି। ବହୁ ସଂଖ୍ୟକ ଲୋକ ପିସି-ଲାପଟପ୍ ବ୍ୟବହାର କରିପାରୁନାହାନ୍ତି। ଲୋକମାନେ ସେଫମୋଡରେ ପିସି ବ୍ୟବହାର କରୁଛନ୍ତି, ଯାହାକୁ ବିଏସଓଡି ତ୍ରୁଟି ବୋଲି କୁହାଯାଏ ।