ଟିଏମସି ସାଂସଦଙ୍କ ମଧ୍ୟରେ ଉତ୍ତମ ବୁଝାମଣା ନାହିଁ : ବିଜେପି ଆଇଟି ସେଲ୍ ମୁଖ୍ୟ

ନୂଆଦିଲ୍ଲୀ: ଟିଏମସି ସାଂସଦଙ୍କ ମଧ୍ୟରେ ଉତ୍ତମ ବୁଝାମଣା ନାହିଁ ଓ ସେମାନେ ପରସ୍ପରଙ୍କ ସହ ଝଗଡ଼ା କରନ୍ତି ବୋଲି ଅଭିଯୋଗ ଆଣିଛନ୍ତି ବିଜେପି ଆଇଟି ସେଲ୍ ମୁଖ୍ୟ ଅମିତ ମାଲବ୍ୟ। ସେ ଏକ୍ସରେ ଏକ ସ୍କ୍ରିନସଟ୍ ସେୟାର କରି ଦାବି କରିଛନ୍ତି ଯେ ଟିଏମସି ସାଂସଦମାନେ ପରସ୍ପର ସହିତ ମିଶି ପାରୁନାହାଁନ୍ତି।

ସେ ଏକ୍ସ ରେ ଲେଖିଛନ୍ତି, ୪ ଏପ୍ରିଲ ୨୦୨୪ ରେ, ଦୁଇ ଜଣ ଟିଏମସି ସାଂସଦ ଭାରତୀୟ ନିର୍ବାଚନ କମିସନଙ୍କ ମୁଖ୍ୟାଳୟରେ ଏକ ସାର୍ବଜନୀନ ଝଗଡ଼ା କରିଥିଲେ। ଯେଉଁଠାରେ ସେମାନେ ଏକ ସ୍ମାରକପତ୍ର ଦାଖଲ କରିବାକୁ ଯାଇଥିଲେ। ଦଳ ନିଜର ସାଂସଦମାନଙ୍କୁ ସଂସଦ କାର୍ଯ୍ୟାଳୟରେ ଏକତ୍ରିତ ହେବାକୁ ଏବଂ ସ୍ମାରକପତ୍ରରେ ସ୍ୱାକ୍ଷର କରିବା ପରେ ନିର୍ବାଚନ କମିସନଙ୍କ ନିକଟକୁ ଯିବାକୁ ନିର୍ଦ୍ଦେଶ ଦେଇଥିବା ଜଣାପଡ଼ିଛି। ତେବେ ସ୍ମାରକପତ୍ର ବହନ କରୁଥିବା ସାଂସଦ ସଂସଦ ବୈଠକ ଛାଡି ସିଧାସଳଖ ନିର୍ବାଚନ କମିସନଙ୍କ ନିକଟକୁ ଯାଇଥିଲେ।

ମାଲବ୍ୟ ଆହୁରି କହିଛନ୍ତି, 'ଏହା ଅନ୍ୟ ଜଣେ ସାଂସଦଙ୍କୁ କ୍ରୋଧିତ କରିଥିଲା, ଯିଏ କମିସନରେ ଏକ ମୁହାଁମୁହିଁ ବୈଠକ ସମୟରେ ତାଙ୍କୁ ପ୍ରଶ୍ନ କରିଥିଲେ। ଏହା ପରେ ଉଭୟଙ୍କ ମଧ୍ୟରେ ପ୍ରବଳ ଯୁକ୍ତିତର୍କ ହୋଇଥିଲା। ଯେଉଁଥିରେ ସେମାନେ ପରସ୍ପର ଉପରେ ଚିତ୍କାର କରିଥିଲେ। କେବଳ ଏତିକି ନୁହେଁ, ଜଣେ ସାଂସଦ ଉପସ୍ଥିତ ପୁଲିସ କର୍ମଚାରୀଙ୍କୁ ଏଥିରେ ହସ୍ତକ୍ଷେପ କରିବାକୁ କହିଥିଲେ। ଏହି ମାମଲା ଖୁବ୍ ଶୀଘ୍ର ବଢ଼ିଗଲା ଏବଂ ଏହା ମମତା ବାନାର୍ଜୀଙ୍କ ପାଖରେ ପହଞ୍ଚିଲା। ବାଜାର୍ନୀ ଦୁଇ ସାଂସଦଙ୍କୁ ଶାନ୍ତ ହେବାକୁ କହିଥିଲେ ବୋଲି ଜଣାପଡ଼ିଛି।