/sambad/media/agency_attachments/2024-07-24t043029592z-sambad-original.webp)
Follow Us/sambad/media/post_attachments/wp-content/uploads/2021/07/t-188.jpg)
indiatoday.in
ଟୋକିଓ: ଆଜି ଟୋକିଓରେ ୨୮୪୮ଜଣ କରୋନା ସଂକ୍ରମିତ ହୋଇଛନ୍ତି | ସବୁଠାରୁ ବଡ଼ କଥା ହେଲେ କରୋନା ମହାମାରୀ ଆରମ୍ଭ ହେବାଠାରୁ ଟୋକିଓରେ ଦୈନିକ ସଂକ୍ରମଣ କେବେ ବି ଏତେ ଅଧିକ ହୋଇନଥିଲା | କୋଭିଡ -୧୯ର ଜରୁରୀକାଳୀନ ପରିସ୍ଥିତିରେ ଟୋକିଓ ଅଲିମ୍ପିକ୍ସ ଅନୁଷ୍ଠିତ ହେଉଥିବା ବେଳେ ଟୋକିଓର ଦୈନିକ ସଂକ୍ରମଣରେ ବୃଦ୍ଧି ଏବେ ଚିନ୍ତା ବଢ଼ାଇଛି |
ଟୋକିଓ ଅଲିମ୍ପିକ୍ସର ଆୟୋଜକଙ୍କ ଅନୁଯାୟୀ, ଟୋକିଓ ଅଲିମ୍ପିକ୍ସ ସହ ଜଡିତ ୭ଜଣ ମଙ୍ଗଳବାର କରୋନା ସଂକ୍ରମିତ ହୋଇଛନ୍ତି | ସେମାନଙ୍କ ମଧ୍ୟରୁ ୪ଜଣ ଆଥଲେଟ୍ ରହିଥିବା ବେଳେ ସେମାନଙ୍କ ମଧ୍ୟରୁ ୨ ଜଣ ସବୁଠାରୁ ସୁରକ୍ଷିତ ସ୍ଥାନ ଭାବରେ ପରିଗଣିତ ହେଉଥିବା ଅଲିମ୍ପିକ୍ ଗ୍ରାମରେ ରହୁଥିଲେ |
Swimming Worldଅଲିମ୍ପିକ୍ ଗେମ୍ସ ପାଇଁ ସଠିକ୍ ସଙ୍ଗରୋଧ ନିୟମ ସତ୍ତ୍ୱେ ଆଥଲେଟ୍ ଏବଂ ଅନ୍ୟମାନଙ୍କୁ ମିଶାଇ ଏପର୍ଯ୍ୟନ୍ତ ୧୫୫ଜଣ କରୋନା ସଂକ୍ରମିତ ହୋଇସାରିଛନ୍ତି | ସଂକ୍ରମଣ ବଢିବା ଡରରେ ଟୋକିଓରେ ବିକ୍ଷୋଭ ପ୍ରଦର୍ଶନ ହେବା ସହ ଅଲିମ୍ପିକ୍ସ ବାତିଲ କରିବାକୁ ଦାବି ଆରମ୍ଭ ହୋଇଛି |
ଅନ୍ୟପକ୍ଷରେ ସଂକ୍ରମିତଙ୍କ ସଂଖ୍ୟା ବଢ଼ୁଥିବାରୁ ଟୋକିଓ ହସ୍ପିଟାଲରେ ଶଯ୍ୟା ସଂଖ୍ୟା ବଢାଯାଉଛି |