ରେଳଧାରଣାରେ ବସି କ୍ରିକେଟ ମ୍ୟାଚ ଦେଖୁଥିଲେ ଦୁଇ ଭାଇ, ମାଡ଼ିଗଲା ଟ୍ରେନ

କାନପୁର: ଉତ୍ତରପ୍ରଦେଶର କାନପୁରରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ବାସ୍ତବରେ ସାମାନ୍ୟ ଅବହେଳା ହେତୁ ଦୁଇ ଭାଇ ପ୍ରାଣ ହରାଇଛନ୍ତି। ଦୁହେଁ କାନରେ ଇୟରଫୋନ୍ ଲଗାଇ ରେଳଧାରଣାରେ ବସି ମୋବାଇଲରେ ମ୍ୟାଚ୍ ଦେଖୁଥିଲେ। ଏହି ସମୟ ମଧ୍ୟରେ ଏକ ଟ୍ରେନ ଦୁର୍ଘଟଣାରେ ଏମାନଙ୍କ ଜୀବନ ଚାଲିଯାଇଛି | ଦୀପାବଳି ପୂର୍ବରୁ ଘଟିଥିବା ଏହି ଘଟଣା ଯୋଗୁଁ ସାରା ଅଂଚଳରେ ଶୋକର ଲହରୀ ଖେଳିଯାଇଛି | ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ପୁଲିସ ଘଟଣାସ୍ଥଳରେ ପହଞ୍ଚି ଉଭୟଙ୍କ ମୃତଦେହକୁ ଉଦ୍ଧାର କରି ବ୍ୟବଛେଦ କରିବାକୁ ପଠାଇଛି | ମିଳିଥିବା ସୂଚନା ମୁତାବକ ୧୮ ବର୍ଷୀୟ ରାଜକୁମାର ଏବଂ ୨୦ ବର୍ଷୀୟ ସୁଭାଷ କୁମାର ସମ୍ପର୍କରେ ଦୁଇ ଭାଇ |

ଉଭୟ ଦକ୍ଷିଣ ଆଫ୍ରିକା ଏବଂ ଆଫଗାନିସ୍ତାନ ମ୍ୟାଚ ନିଜ ନିଜ ମୋବାଇଲରେ ଦେଖୁଥିଲେ | ତେବେ ଦୁଇ ଭାଇ ରେଳଧାରଣାରେ ବସି ମ୍ୟାଚ ଦେଖୁଥିବାବେଳେ କାନରେ ଇୟରଫୋନ ଲଗାଇଥିଲେ | ଉଭୟ କାନପୁର-ଝାନ୍ସୀ ରେଳ ଲାଇନରେ ବସି କ୍ରିକେଟ୍ ମ୍ୟାଚ୍ ଦେଖୁଥିବାବେଳେ ଏହି ସମୟରେ ଏକ ଟ୍ରେନ ଆସୁଥିବାବେଳେ ଜାଣିପାରିନଥିଲେ | କାନରେ ଇୟର ଫୋନ ଲଗାଇଥିବାରୁ ଟ୍ରେନର ହର୍ଣ୍ଣ ଶୁଣିପାରିନଥିଲେ | ଯେଉଁଥିପାଇଁ ଉଭୟଙ୍କର ଟ୍ରେନ୍ ଧକ୍କାରେ ଘଟଣାସ୍ଥଳରେ ମୃତ୍ୟୁ ଘଟିଛି। ମୃତକଙ୍କ ସମ୍ପର୍କୀୟ କହିଛନ୍ତି ଯେ ସମ୍ପର୍କୀୟ ଭାଇ ବ୍ୟତୀତ ସେମାନେ ମଧ୍ୟ ବହୁତ ଭଲ ବନ୍ଧୁ ଥିଲେ। ଦ୍ୱାଦଶ ପରୀକ୍ଷା ଶେଷ ପରେ ଦୁହେଁ ଅଗ୍ନିବୀର ପାଇଁ ପ୍ରସ୍ତୁତ ହେଉଥିଲେ |