ପୁଟିନ-ଟ୍ରମ୍ପ ଟେଲିଫୋନ ଆଲୋଚନା

ଓ୍ବାସିଂଟନ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସହ ଫୋନରେ କଥା ହୋଇଛନ୍ତି । ଉଭୟ ନେତା ମଧ୍ୟପ୍ରାଚ୍ୟଠାରୁ ଆରମ୍ଭ କରି ୟୁକ୍ରେନ ସଙ୍କଟ ପର୍ଯ୍ୟନ୍ତ ପ୍ରସଙ୍ଗରେ ଆଲୋଚନା କରିଥିଲେ। ହ୍ୱାଇଟହାଉସର ଡେପୁଟି ଚିଫ୍ ଅଫ୍ ଷ୍ଟାଫ୍ ଡାନ୍ ସ୍କାଭିନୋ କହିଛନ୍ତି ଯେ ବିଭିନ୍ନ ପ୍ରସଙ୍ଗରେ ଭଲ କଥାବାର୍ତ୍ତା ହୋଇଥିଲା । 

ବିବିସିର ଏକ ରିପୋର୍ଟ ଅନୁଯାୟୀ, ପୁଟିନ୍ ଏହି କଥାବାର୍ତ୍ତା ପାଇଁ ଏତେ ଆଗ୍ରହୀ ଥିଲେ ଯେ ସେ ଅଧଘଣ୍ଟା ପୂର୍ବରୁ ପହଞ୍ଚିଥିଲେ। ସାଧାରଣତଃ ସେ ଏଭଳି କାର୍ଯ୍ୟକ୍ରମରେ ବିଳମ୍ବରେ ପହଞ୍ଚନ୍ତି ଏବଂ ତାଙ୍କର ଅଧିକ ଗୁରୁତ୍ୱପୂର୍ଣ୍ଣ କାମ ଅଛି ବୋଲି କୁହନ୍ତି।

ୟୁକ୍ରେନରେ ତୁରନ୍ତ ଅସ୍ତ୍ରବିରତି କରିବାକୁ ଚାହୁଁଛନ୍ତି ଟ୍ରମ୍ପ । ତେବେ ଗତ ସପ୍ତାହରେ ପୁଟିନ୍ କହିଥିଲେ ଯେ ସେ ୩୦ ଦିନର ଅସ୍ତ୍ରବିରତି ପାଇଁ ପ୍ରସ୍ତୁତ ଅଛନ୍ତି, କିନ୍ତୁ ଏହା ପଛରେ କିଛି ସର୍ତ୍ତ ରହିଛି। ପ୍ରଥମେ ଅସ୍ତ୍ରବିରତି କିପରି କାର୍ଯ୍ୟକାରୀ ହେବ ଏବଂ ଲଢ଼େଇ ଶେଷ କରିବାକୁ କିଏ ନିର୍ଦ୍ଦେଶ ଦେବ ତାହା ସ୍ଥିର ହେବା ଦରକାର। ସେ ପଚାରିଥିଲେ ସେହି ୩୦ ଦିନ କେମିତି କଟିବ? ୟୁକ୍ରେନକୁ ସଂଗଠିତ କରିବା ପାଇଁ? ରିୟରମ୍ କରିବାକୁ? ଲୋକଙ୍କୁ ପ୍ରଶିକ୍ଷଣ ଦେବେ କି? ନା ଏଗୁଡ଼ିକ ମଧ୍ୟରୁ କିଛି ନାହିଁ? ତା'ପରେ ଆଉ ଗୋଟିଏ ପ୍ରଶ୍ନ- ଏହାକୁ କିପରି ନିୟନ୍ତ୍ରଣ କରାଯିବ?