ଇରାନ ସର୍ବୋଚ୍ଚ ନେତା କେଉଁଠି ଲୁଚିଛନ୍ତି ଆମେ ଜାଣିଛୁ : ଟ୍ରମ୍ପ

ଓ୍ବାସିଂଟନ :  ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନର ସର୍ବୋଚ୍ଚ ନେତା ଆୟାତୋଲ୍ଲା ଖାମେନେଇଙ୍କ ବିଷୟରେ ଏକ ବଡ଼ ଦାବି କରିଛନ୍ତି। ସେ କହିଛନ୍ତି ଯେ ସେ ଭଲ ଭାବରେ ଜାଣନ୍ତି ଯେ ଇରାନର ସର୍ବୋଚ୍ଚ ନେତା କେଉଁଠି ଲୁଚି ରହିଛନ୍ତି। ଟ୍ରମ୍ପ ଖାମେନେଇଙ୍କୁ ଧମକ ଦେଇ କହିଛନ୍ତି ଯେ ସେ ଆମ ପାଇଁ ଏକ ଅତି ସହଜ ଟାର୍ଗେଟ। 

ଟ୍ରମ୍ପ ସୋସିଆଲ ମିଡିଆ ପ୍ଲାଟଫର୍ମ ଟ୍ରୁଥରେ ଲେଖିଛନ୍ତି, 'ଆମେ ଭଲ ଭାବରେ ଜାଣୁ ଯେ ଇରାନର ତଥାକଥିତ ସର୍ବୋଚ୍ଚ ନେତା କେଉଁଠି ଲୁଚି ରହିଛନ୍ତି। ସେ ଆମ ପାଇଁ ଏକ ଅତି ସହଜ ଟାର୍ଗେଟ, କିନ୍ତୁ ବର୍ତ୍ତମାନ ସେ ସୁରକ୍ଷିତ କାରଣ ଆମେ ତାଙ୍କୁ ଏବେ ହତ୍ୟା କରିବାକୁ ଚାହୁଁନାହୁଁ।

ଟ୍ରମ୍ପ ସୋସିଆଲ ମିଡିଆ ପ୍ଲାଟଫର୍ମ ଟ୍ରୁଥରେ ଲେଖିଛନ୍ତି, 'ଆମେ ଭଲ ଭାବରେ ଜାଣୁ ଯେ ଇରାନର ତଥାକଥିତ ସର୍ବୋଚ୍ଚ ନେତା କେଉଁଠି ଲୁଚି ରହିଛନ୍ତି। ସେ ଆମ ପାଇଁ ଏକ ଅତି ସହଜ ଟାର୍ଗେଟ, କିନ୍ତୁ ବର୍ତ୍ତମାନ ସେ ସୁରକ୍ଷିତ କାରଣ ଆମେ ତାଙ୍କୁ ଏବେ ହତ୍ୟା କରିବାକୁ ଚାହୁଁନାହୁଁ।

ଅନ୍ୟପକ୍ଷରେ ଆଜି ଖାମେନେଇ ଇସ୍ରାଏଲକୁ ଚେତାବନୀ ଦେଇ କହିଥିଲେ ଯେ ଇଶ୍ବରଙ୍କ ଇଚ୍ଛାରେ ଇହୁଦୀମାନଙ୍କ ଉପରେ ଇସ୍ଲାମୀୟ ଗଣତନ୍ତ୍ରର ବିଜୟ ହେବ। ସେହିପରି ଇସ୍ରାଏଲର ପ୍ରତିରକ୍ଷା ମନ୍ତ୍ରୀ ଧମକ ଦେଇଥିଲେ ଯେ ସଦ୍ଦାମ ହୁସେନଙ୍କ ଅବସ୍ଥା ଭୋଗିବେ ଖାମେନେଇ । ଗତ କାଲି ଖବର ଆସିଥିଲା ଯେ ଇସ୍ରାଏଲ ସେନା ଖାମେନେଇଙ୍କୁ ହତ୍ୟା କରିବାକୁ ନିଷ୍ପତ୍ତି ନେଇଥିଲା । କିନ୍ତୁ ଟ୍ରମ୍ପ ପ୍ରଶାସନ ଏଥିପାଇଁ ଅନୁମତି ଦେଇନଥିଲା ।