ତାଇୱାନ ସହ ୟୁକ୍ରେନ ଭଳି ଗେମ୍ ପ୍ଲାନ୍: ଚୀନ୍ ସହିତ ଚୁକ୍ତି ପାଇଁ ଠକୁଛି ଆମେରିକା

ୱାଶିଂଟନ/ତାଇପେଇ:ଆମେରିକା ୟୁକ୍ରେନ ସହିତ ଯେପରି ଖେଳ ଖେଳିଥିଲା, ତାଇୱାନ ସହିତ ମଧ୍ୟ ସେପରି ସମାନ ଏକ ଖେଳ ଖେଳୁଛି। ଡୋନାଲ୍ଡ ଟ୍ରମ୍ପ୍ ଆମେରିକାର ରାଷ୍ଟ୍ରପତି ହେବା ପରେ  ରୁଷିଆ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ପାଇଁ ୟୁକ୍ରେନକୁ ଅଲଗା କରିବାକୁ ଚେଷ୍ଟା କରିଥିଲେ। ସେହିପରି ଏବେ ରାଷ୍ଟ୍ରପତି ଟ୍ରମ୍ପ୍ ଚୀନ୍ ସହିତ ସମ୍ପର୍କ ବୃଦ୍ଧି କରିବା ପାଇଁ ତାଇୱାନ ସହିତ ସମାନ ଏକ ଖେଳ ଖେଳୁଛନ୍ତି।

ଫାଇନାନ୍ସିଆଲ୍ ଟାଇମ୍ସ ଅନୁଯାୟୀ, ଚୀନ୍ ସହିତ ସମ୍ପର୍କ ଖରାପ ନହେବା ପାଇଁ, ଆମେରିକା ତାଇୱାନ ସହ ଡବଲ୍ ଗେମ୍ ପ୍ଲାନ୍ କରୁଛି। ଆମେରିକାର ଏହି ଆଘାତ ଯୋଗୁ ତାଇୱାନ ପଛକୁ ହଟିଯାଇଛି।

ପ୍ରଥମେ ଟ୍ରମ୍ପ୍‌ଙ୍କ ନିର୍ଦ୍ଦେଶରେ ଆମେରିକା ପ୍ରତିରକ୍ଷା ମନ୍ତ୍ରୀଙ୍କ ବୈଠକ ବାତିଲ କରିଥିଲା ଏବଂ ଏବେ ତାଇୱାନ ରାଷ୍ଟ୍ରପତିଙ୍କ ଗସ୍ତ ସ୍ଥଗିତ ରଖାଯାଇଛି। ଆମେରିକା ପୂର୍ବରୁ ମଧ୍ୟ ୟୁକ୍ରେନ ସହିତ ଏହି ପ୍ରକାରର ଖେଳ ଖେଳି ସାରିଛି।

ଫାଇନାନ୍ସିଆଲ୍ ଟାଇମ୍ସ ସୂତ୍ରରୁ ଜଣାପଡ଼ିଛି ଯେ, ୨୦୨୫ ଜୁନ୍ ଶେଷ ସୁଦ୍ଧା ତାଇୱାନର ପ୍ରତିରକ୍ଷା ମନ୍ତ୍ରୀ ଏବଂ ପେଣ୍ଟାଗନର ଉପସଚିବଙ୍କ ମଧ୍ୟରେ ଏକ ବୈଠକ ପ୍ରସ୍ତାବିତ ହୋଇଥିଲା। କିନ୍ତୁ ବୈଠକ ପୂର୍ବରୁ ଏହାକୁ ବାତିଲ କରାଯାଇଥିଲା। ତାଇୱାନକୁ ଏହାର କାରଣ ମଧ୍ୟ କୁହାଯାଇ ନଥିଲା।

ଏହି ବୈଠକରେ ଚୀନ୍‌ର ଆଗାମୀ ଆକ୍ରମଣ ସମ୍ପର୍କରେ ରଣନୀତି ଏବଂ ଅସ୍ତ୍ରଶସ୍ତ୍ର ଉପରେ ଆଲୋଚନା କରାଯିବାର ଥିଲା। ବୈଠକ ବାତିଲ ହେବା ପରେ, ତାଇୱାନର ପ୍ରତିରକ୍ଷା ମନ୍ତ୍ରୀ ଚୁପଚାପ୍ ନିଜ ଦେଶକୁ ଫେରି ଯାଇଥିଲେ।

ତାଇୱାନର ରାଷ୍ଟ୍ରପତି ୨୦୨୫ ଅଗଷ୍ଟ ଆରମ୍ଭରେ ଆମେରିକା ସମେତ ୩ଟି ଦେଶ ଗସ୍ତ କରିବାକୁ ଯାଉଥିଲେ। ଏହି ବୈଠକ ମାଧ୍ୟମରେ ତାଇୱାନର ରାଷ୍ଟ୍ରପତି ପ୍ରତିରକ୍ଷା ନୀତିକୁ ସୁଦୃଢ଼ କରିବାକୁ ଚାହୁଁଥିଲେ, କିନ୍ତୁ ତାଙ୍କୁ ଆମେରିକାର ରାଷ୍ଟ୍ରପତିଙ୍କୁ ଭେଟିବା ପାଇଁ ସମୟ ଦିଆଗଲା ନାହିଁ। ଶେଷରେ ତାଇୱାନର ରାଷ୍ଟ୍ରପତି ତାଙ୍କ ଗସ୍ତ ବାତିଲ କରିଛନ୍ତି।

ଅଧିକ ପଢ଼ନ୍ତୁ: କରଣ କୁନ୍ଦ୍ରାଙ୍କ ପୂର୍ବତନ ପ୍ରେମିକା ବିବାହ ନକରି ମା’: କଲେ ଆଶ୍ଚର୍ଯ୍ୟ ଜନକ ଖୁଲାସା

ଚୀନ୍ ଗୋଟିଏ ବି ଗୁଳି ନ ଚଳାଇ ତାଇୱାନକୁ କବଜା କରିବାକୁ ଯୋଜନା କରୁଛି। ଚୀନ୍ ୨୦୨୭ ସୁଦ୍ଧା ତାଇୱାନକୁ ସମ୍ପୂର୍ଣ୍ଣ କବଜା କରିବାକୁ ଚେଷ୍ଟା କରୁଛି। ଟାଇମ୍ସ ମାଗାଜିନ୍ ଅନୁଯାୟୀ, ଚୀନ୍ ତାଇୱାନର ଲୋକଙ୍କ ମନରେ ପଶ୍ଚିମ ଦେଶଗୁଡ଼ିକ ପ୍ରତି ଘୃଣା ସୃଷ୍ଟି କରିବାକୁ ଚେଷ୍ଟା କରୁଛି।

ତାଇୱାନ ପବ୍ଲିକ୍ ଓପିନିଅନ୍ ଫାଉଣ୍ଡେସନ୍ ଦ୍ୱାରା କରାଯାଇଥିବା ଏକ ସଦ୍ୟତମ ସର୍ଭେ ଅନୁଯାୟୀ, ୪୯ ପ୍ରତିଶତ ତାଇୱାନ ଲୋକ କହିଛନ୍ତି ଯେ, ଚୀନ୍ ପାଶ୍ଚାତ୍ୟ ଦେଶଗୁଡ଼ିକ ଅପେକ୍ଷା ଭଲ। ୪୩ ପ୍ରତିଶତ ଲୋକ କହିଛନ୍ତି, ଚୀନ୍ ଖରାପ। ଏହାର ଅର୍ଥ ହେଉଛି ଚୀନ୍‌କୁ ପସନ୍ଦ କରୁଥିବା ଲୋକଙ୍କ ସଂଖ୍ୟା ୬ ପ୍ରତିଶତ ଅଧିକ।

ଚୀନ୍ ପୂର୍ବରୁ କହିସାରିଛି ଯେ,  ତାଇୱାନ ଉପରେ ଗୁଳିବର୍ଷଣ କରିବ ନାହିଁ କାରଣ ସେଠାକାର ଲୋକମାନେ ନିଜର ଲୋକ ବୋଲି ଚୀନ୍ କହିଛି। ଏଭଳି କରି ଚୀନ୍ ତାଇୱାନର ଲୋକଙ୍କ ମନରେ ନିଜ ପ୍ରତି ଭଲ ପାଇବା ସୃଷ୍ଟି କରୁଛି ବୋଲି ବିଶେଷଜ୍ଞ ମତପୋଷଣ କରିଛନ୍ତି।

ଅଧିକ ପଢ଼ନ୍ତୁ: ଅଭିନେତ୍ରୀ ଅକ୍ଷରା ସିଂହ କାରରେ ବସି କାହା ସହିତ ରୋମାଣ୍ଟିକ ଗୀତ ଗାଉଛନ୍ତି? ଭିଡିଓ ଦେଖି ପ୍ରଶଂସକମାନେ ଆଶ୍ଚର୍ଯ୍ୟ

Taiwan | China | USA | donald-trump