ୟୁକ୍ରେନ ଏବେ ବିଜୟ ଲକ୍ଷ୍ୟରେ ଆଗକୁ ବଢ଼ିବ!: ଆମେରିକାର ମଞ୍ଜୁରୀ ପରେ ଜେଲେନସ୍କିଙ୍କ ବଡ଼ ବିବୃତି

କିଭ୍‌: ୟୁକ୍ରେନ ଦ୍ୱାରା ଦୀର୍ଘ ଦୂରଗାମୀ କ୍ଷେପଣାସ୍ତ୍ର ବ୍ୟବହାରକୁ ଆମେରିକାର ରାଷ୍ଟ୍ରପତି ଜୋ ବାଇଡେନ ଅନୁମୋଦନ କରିଛନ୍ତି। ବର୍ତ୍ତମାନ ୟୁକ୍ରେନ ରାଷ୍ଟ୍ରପତି ଭୋଲୋଡିମିର ଜେଲେନସ୍କିଙ୍କ ବିବୃତି ଏହା ଉପରେ ଆସିଛି। ସେ ଆମେରିକା ପ୍ରତି କୃତଜ୍ଞତା ଜଣାଇଛନ୍ତି। ଜେଲେନସ୍କି କହିଛନ୍ତି ଯେ ବର୍ତ୍ତମାନ ଆମର ଧ୍ୟାନ କେବଳ ବିଜୟ ଲକ୍ଷ୍ୟ ଉପରେ ରହିବ।

ରୁଷ ସୀମା ମଧ୍ୟରେ ୟୁକ୍ରେନକୁ ଦିଆଯାଇଥିବା ଦୀର୍ଘ ଦୂରଗାମୀ କ୍ଷେପଣାସ୍ତ୍ର ବ୍ୟବହାର କରିବାକୁ ଆମେରିକା ଅନୁମତି ଦେଇଛି। ଏହି ପ୍ରସଙ୍ଗରେ, ଜେଲେନସ୍କି ଏକ ବିବୃତି ଜାରି କରି କହିଛନ୍ତି ଯେ ବାୟୁ ପ୍ରତିରକ୍ଷା ପ୍ରଣାଳୀ ବିଷୟରେ ଆମକୁ ସମର୍ଥନ କରୁଥିବା ଆମର ସହଯୋଗୀମାନଙ୍କୁ ମୁଁ କୃତଜ୍ଞତା‌ ଜଣାଉଛି।

ଜେଲେନସ୍କି କହିଛନ୍ତି ଯେ ଆମେ ଏପର୍ଯ୍ୟନ୍ତ ଆମର ସହଯୋଗୀମାନଙ୍କଠାରୁ ଆବଶ୍ୟକ ସୁବିଧା ପାଇନାହୁଁ, କିନ୍ତୁ ଆମେ ଲକ୍ଷ୍ୟ ହାସଲ ଦିଗରେ କାର୍ଯ୍ୟ ଜାରି ରଖିଛୁ। ସେ କହିଛନ୍ତି ୟୁକ୍ରେନକୁ ମଜବୁତ କରିବା ପାଇଁ ମୁଁ ଉପସ୍ଥାପନ କରିଥିବା ବିଜୟ ଯୋଜନାରେ ଦୀର୍ଘ ଦୂରତା ଉପରେ ଆକ୍ରମଣ କରିବାର କ୍ଷମତା ଅନ୍ତର୍ଭୁକ୍ତ ଥିଲା।

ୟୁକ୍ରେନ ରାଷ୍ଟ୍ରପତି କହିଛନ୍ତି, ଗଣମାଧ୍ୟମରେ ଅନେକ କଥା କୁହାଯାଇଛି। ଆମକୁ ଅନୁମୋଦନ ମିଳିଛି, କିନ୍ତୁ ଶବ୍ଦ ଦ୍ବାରା ଏହି ଆକ୍ରମଣ କରାଯାଇ ନ ଥାଏ। ଏଭଳି ପଦକ୍ଷେପର ଘୋଷଣା କରାଯାଇ ନ ଥାଏ। କ୍ଷେପଣାସ୍ତ୍ରଗୁଡ଼ିକ ନିଜେ ନିଜର କାହାଣୀ କହିଥାନ୍ତି। ରୁଷିଆ-ୟୁକ୍ରେନ ବିବାଦର ଅନ୍ତ ଘଟାଇବା ପାଇଁ ଦେଶର ସଂସଦରେ 'ବିଜୟ ଯୋଜନା' ଉପସ୍ଥାପିତ ହୋଇଥିଲା।

ଏହାର ମୁଖ୍ୟ ବିଷୟଗୁଡ଼ିକରେ ନାଟୋରେ ଯୋଗଦେବା ପାଇଁ ଏକ ଆନୁଷ୍ଠାନିକ ନିମନ୍ତ୍ରଣ ଏବଂ ରୁଷିଆ ମଧ୍ୟରେ ଦୀର୍ଘ ଦୂରଗାମୀ ଷ୍ଟ୍ରାଇକ୍ ସମ୍ପର୍କରେ ସହଯୋଗୀ ଦଳ ଉପରେ ପ୍ରତିବନ୍ଧକ ହଟାଇବାକୁ କୁହାଯାଇଥିଲା। 

ଅଧିକ ପଢ଼ନ୍ତୁ: ନୀତୀଶଙ୍କ ମନରେ କ’ଣ ଅଛି, ପୁଣି ମାରିବେକି ପଲଟି!, ରାଜନୈତିକସ୍ତରରେ ଚର୍ଚ୍ଚା ଆରମ୍ଭ

ସୂଚନାଯୋଗ୍ୟ, ଗତ ତିନିବର୍ଷ ଧରି ୟୁକ୍ରେନ ଏବଂ ରୁଷିଆ ମଧ୍ୟରେ ବିବାଦ ଜାରି ରହିଛି। ୟୁକ୍ରେନ ଆମେରିକାରେ ଏହାର ବିଜୟ ଯୋଜନାକୁ ଅନେକ ଥର ଉପସ୍ଥାପନ କରିଥିଲା। ଯାହା ଆମେରିକା ଗ୍ରହଣ କରୁ ନ ଥିଲା।

ଜେଲେନସ୍କିଙ୍କ ବିଜୟ ଯୋଜନାରେ ରୁଷିଆର ସୀମା ମଧ୍ୟରେ ଆମେରିକା ଏବଂ ସହଯୋଗୀ ଦେଶ ପକ୍ଷରୁ ପ୍ରଦାନ କରାଯାଇଥିବା ଦୂରଗାମୀ କ୍ଷେପଣାସ୍ତ୍ର ବ୍ୟବହାର କରିବାକୁ ଅନୁମତି ଲୋଡିଥିଲେ। ଯାହା ଆମେରିକା ବର୍ତ୍ତମାନ ଦୀର୍ଘ ସମୟ ପରେ ଗ୍ରହଣ କରିଛି ଏବଂ ଜେଲେନସ୍କିଙ୍କୁ ଅନୁମତି ଦେଇଛି।

ଅଧିକ ପଢ଼ନ୍ତୁ: ଗେହଲଟ୍‌ ମୁକ୍ତ; ସେ ଯୁଆଡ଼େ ଚାହିଁବେ ଯାଇପାରିବେ: କେଜ୍ରିୱାଲ୍‌