ଆମେରିକା ସଂସଦ ଭବନ ହିଂସା : ଦଙ୍ଗାକାରୀ ଅଧିକାରୀମାନଙ୍କୁ ହତ୍ୟା ଯୋଜନା କରିଥିଲେ!

ୱାସିଂଟନ : ଆମେରିକା କ୍ୟାପିଟଲ୍‌ ବିଲ୍‌ଡିଂ (ସଂସଦ ଭବନ)ରେ ଗତ ସପ୍ତାହରେ ଘଟିଥିବା ହିଂସାକୁ ନେଇ ନୂଆ ନୂଆ ତଥ୍ୟ ସାମ୍ନାକୁ ଆସିଛି। ଗୁଇନ୍ଦା ଅଧିକାରୀମାନଙ୍କ ରିପୋର୍ଟରୁ ଜଣାପଡ଼ିଛି ଯେ ଦଙ୍ଗକାରୀମାନେ ସଂସଦ ଭବନରେ କାର୍ଯ୍ୟରତ କେତେକ ଅଧିକାରୀ ଓ କର୍ମଚାରୀଙ୍କୁ ଅପହରଣ କରିବା ସହ ହତ୍ୟା ଯୋଜନା କରିଥିଲେ। ଏହି ରିପୋର୍ଟ ମୁତାବକ କେତେକ ନିର୍ଦ୍ଦିଷ୍ଟ ଅଂଚଳରୁ ଆସିଥିବା ଦଙ୍ଗାକାରୀମାନେ ଏଥିପାଇଁ ସମସ୍ତ ପ୍ରସ୍ତୃତି କରିଥିଲେ। ତେବେ ସୁରକ୍ଷା କର୍ମୀଙ୍କ ସମୟୋଚିତ କାର୍ଯ୍ୟାନୁଷ୍ଠାନ ଯୋଗୁଁ ସେମାନଙ୍କ ଯୋଜନା ପଣ୍ଡ ହୋଇଯାଇଥିଲା।