ମହାକୁମ୍ଭରେ ଦୈନିକ ୧୫୦୦୦ ଲୋକଙ୍କୁ ମାଗଣା ଭୋଜନ କରାଇବ ଭିଏଚପି

ପ୍ରୟାଗରାଜ: ମକର ସଂକ୍ରାନ୍ତିରୁ ମହାଶିବରାତ୍ରି ପର୍ଯ୍ୟନ୍ତ ହେବାକୁ ଥିବା ମହାକୁମ୍ଭ ମେଳାରେ ସ୍ୱତନ୍ତ୍ର ଲଙ୍ଗର ସେବା ବା ଅନ୍ନଛତ୍ର ଆୟୋଜନ କରାଯିବ । ବିଶ୍ୱ ହିନ୍ଦୁ ପରିଷଦ (ଭିଏଚପି)ର ବିଦର୍ଭ ପ୍ରଦେଶ ଦ୍ୱାରା ଏହି ସେବା ପରିଚାଳିତ ହେବ, ଯେଉଁଥିରେ ଭକ୍ତ ଏବଂ ସାଧୁସନ୍ଥମାନଙ୍କ ପାଇଁ ମାଗଣାରେ ଖାଦ୍ୟ ଯୋଗାଇ ଦିଆଯିବ । ବିଶ୍ୱ ହିନ୍ଦୁ ପରିଷଦ ସାଧୁ ସନ୍ଥମାନଙ୍କ ରହଣି ବ୍ୟବସ୍ଥା କରିବ ଏବଂ ସେଠାରେ ଏହି ଲଙ୍ଗର ସେବା ଚାଲିବ ।

ମହାକୁମ୍ଭକୁ ଆସୁଥିବା ଶ୍ରଦ୍ଧାଳୁଙ୍କୁ ଅନାବଶ୍ୟକ ଖାଦ୍ୟ ଯୋଗାଇବା ଓ ସେମାନଙ୍କ ଧାର୍ମିକ କାର୍ଯ୍ୟରେ ସହଯୋଗ କରିବା ଏହି ସେବାର ମୁଖ୍ୟ ଉଦ୍ଦେଶ୍ୟ। ଜାନୁଆରୀ ୧୩ରୁ ଫେବ୍ରୁଆରି ୨୭ ପର୍ଯ୍ୟନ୍ତ କୁମ୍ଭମେଳା ଅନୁଷ୍ଠିତ ହେବ। ଏହି ସମୟରେ ପ୍ରତିଦିନ ପୂର୍ବାହ୍ନ ୧୦ଟାରୁ ରାତି ୧୦ଟା ପର୍ଯ୍ୟନ୍ତ ଏହି ଲଙ୍ଗର ସେବା ଜାରି ରହିବ। ବିଶ୍ୱ ହିନ୍ଦୁ ପରିଷଦର ସେବା ବିଭାଗ, ଧର୍ମାଚାର୍ଯ୍ୟ ସମ୍ପର୍କ ବିଭାଗ ଏବଂ ମନ୍ଦିର ଅର୍ଚ୍ଚକ ପୁରୋହିତ ଅୟାମ ବିଦର୍ଭ ପ୍ରଦେଶର ସେବା ବିଭାଗ ଦ୍ୱାରା ଏହି ସେବା ପରିଚାଳିତ ହେବ।
ଦୈନିକ ପ୍ରାୟ ୧୫ ହଜାର ଶ୍ରଦ୍ଧାଳୁ ଏହି ସେବା ପାଇବେ। କୁମ୍ଭମେଳାକୁ ଆସୁଥିବା ସାଧୁ ସନ୍ଥମାନଙ୍କୁ ବିଶେଷ ସମ୍ମାନର ସହ ଖାଦ୍ୟ ପରିବେଷଣ କରାଯିବ। ପ୍ରତିବର୍ଷ ଏହି ମହାକୁମ୍ଭରେ ଯୋଗଦେବା ପାଇଁ ଦୂରଦୂରାନ୍ତରୁ ଆସୁଥିବା ଲକ୍ଷ ଲକ୍ଷ ଶ୍ରଦ୍ଧାଳୁଙ୍କ ପାଇଁ ଏହି ସେବା ଗୁରୁତ୍ୱପୂର୍ଣ୍ଣ ।