ଖରାପ ପ୍ରଦର୍ଶନ ସହିତ ପରିବାର ସଦସ୍ୟଙ୍କର କୌଣସି ସମ୍ପର୍କ ନାହିଁ : ବିରାଟ

ବେଙ୍ଗାଲୁରୁ : କ୍ରିକେଟ୍ ସିରିଜ ସମୟରେ ପରିବାରକୁ ଖେଳାଳିଙ୍କଠାରୁ ଦୂରେଇ ରଖିବାକୁ ନେଇ  ଅସନ୍ତୋଷ ବ୍ୟକ୍ତ କରିଛନ୍ତି ଟିମ୍ ଇଣ୍ଡିଆର ଷ୍ଟାର ବ୍ୟାଟ୍ସମ୍ୟାନ୍ ବିରାଟ କୋହଲି ।

ନିକଟରେ ବେଙ୍ଗାଲୁରୁରେ ପାଦୁକୋନ-ଦ୍ରାବିଡ଼ ସେଣ୍ଟର ଫର ସ୍ପୋର୍ଟସ ଏକ୍ସଲେନ୍ସରେ 'ଇନୋଭେସନ ଲ୍ୟାବ୍ ଇଣ୍ଡିଆନ୍ ସ୍ପୋର୍ଟସ ସମିଟ୍' ନାମକ ଏକ କାର୍ଯ୍ୟକ୍ରମ ଆୟୋଜନ କରାଯାଇଥିଲା। ଏହି ସମୟରେ ବିରାଟ କୋହଲି ସିରିଜ ସମୟରେ ପରିବାରକୁ ଖେଳାଳିଙ୍କଠାରୁ ଦୂରେଇ ରଖିବାକୁ ନେଇ ଅସନ୍ତୋଷ ବ୍ୟକ୍ତ କରିଥିଲେ। ଆଇପିଏଲ୍ ୨୦୨୫ ଆରମ୍ଭ ହେବା ପୂର୍ବରୁ ସେ ବିସିସିଆଇର ଏହି ନିୟମକୁ ନେଇ ଅସନ୍ତୋଷ ପ୍ରକାଶ କରିଥିଲେ। ସେ ବିଶ୍ୱାସ କରନ୍ତି ଯେ ଖରାପ ପ୍ରଦର୍ଶନ ସହିତ ପରିବାର ସଦସ୍ୟଙ୍କର କୌଣସି ସମ୍ପର୍କ ନାହିଁ, କିନ୍ତୁ ସେମାନଙ୍କ ଉପସ୍ଥିତି ନିଶ୍ଚିତ ଭାବରେ ପ୍ରଦର୍ଶନରେ ଉନ୍ନତି ଆଣିବାରେ ସାହାଯ୍ୟ କରେ ।

ବିରାଟ କୋହଲି ଗସ୍ତ ସମୟରେ ପରିବାରର ସୀମିତ ଉପସ୍ଥିତି ଏବଂ ଖରାପ ପ୍ରଦର୍ଶନ ପାଇଁ ତାଙ୍କୁ ଦାୟୀ କରାଯାଇଥିବାରୁ ଅସନ୍ତୋଷ ବ୍ୟକ୍ତ କରିଛନ୍ତି। ସେ କହିଛନ୍ତି, 'ପଡ଼ିଆରେ କିଛି ଗମ୍ଭୀର ଘଟଣା ଘଟିଲେ ପରିବାରକୁ ଫେରିବା କେତେ ଜରୁରୀ ତାହା ଲୋକଙ୍କୁ ବୁଝାଇବା ଅତ୍ୟନ୍ତ କଷ୍ଟକର। ମୁଁ ଭାବୁଛି ଲୋକମାନେ ଏହା କେତେ ଗୁରୁତ୍ୱପୂର୍ଣ୍ଣ ତାହା ବୁଝନ୍ତି ନାହିଁ । ତେଣୁ ମୁଁ ବହୁତ ନିରାଶ, କାରଣ ଯେଉଁମାନଙ୍କର ଖେଳ ଉପରେ କୌଣସି ନିୟନ୍ତ୍ରଣ ନାହିଁ ସେମାନଙ୍କୁ ଟାର୍ଗେଟ କରାଯାଇଛି। ସେମାନଙ୍କୁ ଦୋଷ ଦିଆଯାଏ ଏବଂ କଥାବାର୍ତ୍ତା ଆରମ୍ଭ ହୁଏ ଯେ ବୋଧହୁଏ ସେମାନଙ୍କୁ ଦୂରରେ ରଖିବା ର ଆବଶ୍ୟକତା ରହିଛି।