ଯାଦବପୁର ବିଶ୍ୱବିଦ୍ୟାଳୟରେ ପଶ୍ଚିମବଙ୍ଗର ଶିକ୍ଷାମନ୍ତ୍ରୀ ବ୍ରତ୍ୟା ବସୁଙ୍କ ଉପରେ ଆକ୍ରମଣ ଅଭିଯୋଗ

କୋଲକାତା: ତୃଣମୂଳ କଂଗ୍ରେସ (ଟିଏମସି) ଶନିବାର କୋଲକାତାରେ  ଷ୍ଟୁଡେଣ୍ଟ ଫେଡେରେସନ୍ ଅଫ୍ ଇଣ୍ଡିଆ (ଏସ୍ଏଫ୍ଆଇ) ବିରୋଧରେ ବିକ୍ଷୋଭ ପ୍ରଦର୍ଶନ କରିଛି। ଯାଦବପୁର ବିଶ୍ୱବିଦ୍ୟାଳୟରେ ପଶ୍ଚିମବଙ୍ଗର ଶିକ୍ଷାମନ୍ତ୍ରୀ ବ୍ରତ୍ୟା ବସୁଙ୍କୁ ଏସଏଫଆଇ ସଦସ୍ୟମାନେ ଆକ୍ରମଣ କରିଥିବା ଟିଏମସି ଅଭିଯୋଗ କରିଛି। ବସୁଙ୍କ କାରର କାଚ ଭାଙ୍ଗି ତାଙ୍କ ସୁରକ୍ଷାକର୍ମୀଙ୍କ ସହ ଅସଦାଚରଣ କରାଯାଇଥିଲା।

ପଶ୍ଚିମବଙ୍ଗ କଲେଜ ଓ ବିଶ୍ୱବିଦ୍ୟାଳୟ ପ୍ରଫେସର ସଂଘର ବାର୍ଷିକ ସାଧାରଣ ବୈଠକରେ ଯୋଗ ଦେବା ପାଇଁ ବ୍ରତ୍ୟା ବସୁ ଯାଦବପୁର ବିଶ୍ୱବିଦ୍ୟାଳୟ କ୍ୟାମ୍ପସକୁ ଯାଇଥିଲେ। କ୍ୟାମ୍ପସରୁ ବାହାରିବା ସମୟରେ ସେ ଆନ୍ଦୋଳନରତ ଛାତ୍ରଛାତ୍ରୀଙ୍କ ସହ କଥା ହେବାକୁ ଚେଷ୍ଟା କରିଥିଲେ କିନ୍ତୁ ପ୍ରାୟ ୧୦୦ ଜଣ ଛାତ୍ର ତାଙ୍କୁ ଘେରି ଯାଇଥିଲେ ।

ଯାଦବପୁର ବିଶ୍ୱବିଦ୍ୟାଳୟ ଛାତ୍ର ସଂସଦ ନିର୍ବାଚନ ପାଇଁ ତାରିଖ ଘୋଷଣା ଦାବିରେ ଶନିବାର ସିପିଆଇ(ଏମ୍)ର ଛାତ୍ର ଶାଖା, ଏସଏଫଆଇ ଓ ଆଇସା ସଦସ୍ୟମାନେ ବିକ୍ଷୋଭ ପ୍ରଦର୍ଶନ କରିଥିଲେ। ବିକ୍ଷୋଭ ସମୟରେ ଶିକ୍ଷାମନ୍ତ୍ରୀଙ୍କ କାରକୁ ଘେରାଉ କରି ଆକ୍ରମଣ କରାଯାଇଥିଲା। ବସୁ କାରରେ ବସିବାକୁ ଯାଉଥିବା ବେଳେ ୧୦୦ରୁ ଅଧିକ ବିକ୍ଷୋଭକାରୀ ତାଙ୍କୁ ଘେରି ଯାଇଥିଲେ।

ପଶ୍ଚିମବଙ୍ଗ କଲେଜ ଓ ବିଶ୍ୱବିଦ୍ୟାଳୟ ପ୍ରଫେସର ସଂଘର ବାର୍ଷିକ ସାଧାରଣ ବୈଠକରେ ଯୋଗ ଦେବା ପାଇଁ ବ୍ରତ୍ୟା ବସୁ ଯାଦବପୁର ବିଶ୍ୱବିଦ୍ୟାଳୟ କ୍ୟାମ୍ପସକୁ ଯାଇଥିଲେ। କ୍ୟାମ୍ପସରୁ ବାହାରିବା ସମୟରେ ସେ ଆନ୍ଦୋଳନରତ ଛାତ୍ରଛାତ୍ରୀଙ୍କ ସହ କଥା ହେବାକୁ ଚେଷ୍ଟା କରିଥିଲେ କିନ୍ତୁ ପ୍ରାୟ ୧୦୦ ଜଣ ଛାତ୍ର ତାଙ୍କୁ ଘେରି ଯାଇଥିଲେ ଏବଂ ତାଙ୍କ କାରର ୱିଣ୍ଡସ୍କ୍ରିନ୍ ନଷ୍ଟ କରିଥିଲେ, ଜୋତା ଦେଖାଇଥିଲେ ଏବଂ ତାଙ୍କ ଗାଡ଼ିର ରିୟରଭ୍ୟୁ ମିରର୍ ଭାଙ୍ଗି ଦେଇଥିଲେ।