ଆମେ ଯୁଦ୍ଧ ଚାହୁଁନାହୁଁ, ପ୍ରଧାନମନ୍ତ୍ରୀ ମୋଦୀ ସମସ୍ତଙ୍କୁ ବୋକା ବନାଉଛନ୍ତି

ବେଙ୍ଗାଲୁରୁ: ମୁଖ୍ୟମନ୍ତ୍ରୀ ସିଦ୍ଧରମୈୟା ସାମ୍ବାଦିକମାନଙ୍କୁ କହିଛନ୍ତି, ପ୍ରଧାନମନ୍ତ୍ରୀ ସର୍ବଦଳୀୟ ବୈଠକ ସମୟରେ ସେଠାରେ ରହିବା ଉଚିତ୍ ଥିଲା। ସେ ନିର୍ବାଚନ ପ୍ରଚାର ପାଇଁ ବିହାର ଯାଇଥିଲେ। ତାଙ୍କ ପାଇଁ କ’ଣ ଗୁରୁତ୍ୱପୂର୍ଣ୍ଣ? ସେ ଲୋକଙ୍କୁ ଭୁଆଁ ବୁଲାଉଛନ୍ତି।  ଲୋକଙ୍କୁ ଟୋପି ପିନ୍ଧାଉଛନ୍ତି)। ଆତଙ୍କବାଦୀ ଆକ୍ରମଣ ପ୍ରତି ଭାରତର ପ୍ରତିକ୍ରିୟା ସମ୍ପର୍କରେ ଏକ ପ୍ରଶ୍ନର ଉତ୍ତର ଦେଇ ମୁଖ୍ୟମନ୍ତ୍ରୀ ଏହା କହିଥିଲେ।

ସିଦ୍ଧରମୈୟା କହିଥିଲେ, ଯୁଦ୍ଧର କୌଣସି ଆବଶ୍ୟକତା ନାହିଁ। ଆମେ ଏହାର ସପକ୍ଷରେ ନାହୁଁ। ଆମକୁ କଠୋର ପଦକ୍ଷେପ ନେବାକୁ ପଡିବ। ସୁରକ୍ଷା ବୃଦ୍ଧି କରାଯିବା ଉଚିତ୍।

ସେ କହିଥିଲେ ଯେ, ଦେଶରେ ଶାନ୍ତି ରହିବା ଉଚିତ୍। ଲୋକମାନେ ସୁରକ୍ଷିତ ରହିବା ଉଚିତ୍ ଏବଂ କେନ୍ଦ୍ର ସୁରକ୍ଷା ବ୍ୟବସ୍ଥା ଆରମ୍ଭ କରିବା ଉଚିତ୍। ପାକିସ୍ତାନୀ ନାଗରିକଙ୍କୁ ଫେରାଇବା ପାଇଁ ରାଜ୍ୟଗୁଡ଼ିକୁ କେନ୍ଦ୍ର ସରକାରଙ୍କ ନିର୍ଦ୍ଦେଶ ବିଷୟରେ ପଚରାଯିବାରୁ ମୁଖ୍ୟମନ୍ତ୍ରୀ କହିଥିଲେ, ଆମେ ସହଯୋଗ କରିବୁ।

ଆମେ ପାକିସ୍ତାନୀ ନାଗରିକଙ୍କୁ ଫେରାଇବୁ ଏବଂ କେନ୍ଦ୍ରକୁ ଏ ବିଷୟରେ ଜଣାଇବୁ। ବର୍ତ୍ତମାନ କର୍ଣ୍ଣାଟକରେ କେତେ ପାକିସ୍ତାନୀ ଅଛନ୍ତି ସେ ବିଷୟରେ ଆମ ପାଖରେ କୌଣସି ସୂଚନା ନାହିଁ। ମୁଖ୍ୟମନ୍ତ୍ରୀଙ୍କ ଅନୁଯାୟୀ, ପାକିସ୍ତାନୀ ନାଗରିକମାନେ ରାଜ୍ୟର ପ୍ରମୁଖ ସହରରେ ଅଛନ୍ତି, କିନ୍ତୁ ସେମାନଙ୍କ ମଧ୍ୟରୁ ଅଧିକାଂଶ ବେଙ୍ଗାଲୁରୁରେ ଅଛନ୍ତି। ସିଦ୍ଧରମୈୟା କହିଛନ୍ତି ଯେ, ପହଲଗାମ ଆତଙ୍କବାଦୀ ଆକ୍ରମଣ ସୁରକ୍ଷା ଅବହେଳାର ପରିଣାମ ଥିଲା।

୨୨ ଏପ୍ରିଲ ଦିନ ଅପରାହ୍ନରେ କଶ୍ମୀରର ପହଲଗାମ ସହର ନିକଟରେ ଥିବା ଏକ ପର୍ଯ୍ୟଟନ ସ୍ଥଳରେ ଆତଙ୍କବାଦୀମାନେ ଗୁଳି ଚଳାଇ ଥିଲେ। ଏଥିରେ ୨୬ ଜଣଙ୍କର ମୃତ୍ୟୁ ଘଟିଥିଲା। ସେମାନଙ୍କ ମଧ୍ୟରେ ଅଧିକାଂଶ ପର୍ଯ୍ୟଟକ ଥିଲେ।

ଅଧିକ ପଢ଼ନ୍ତୁ: ପହଲଗାମ ଆକ୍ରମଣ: ଭାରତକୁ ୟୁଏନଏସସିର ସମର୍ଥନ, ୧୫ ଦେଶ କହିଲେ ଆତଙ୍କବାଦର ପୃଷ୍ଠପୋଷକଙ୍କୁ ଦଣ୍ଡ ଦେବା ଜରୁରୀ

ସର୍ବଦଳୀୟ ବୈଠକରୁ ବାହାରିବା ପରେ, ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧୀ କହିଥିଲେ ଯେ, ସରକାରଙ୍କ ପ୍ରତ୍ୟେକ କାର୍ଯ୍ୟପ୍ରତି ଆମର ପୂର୍ଣ୍ଣ ସମର୍ଥନ ରହିଛି। ବୈଠକରେ ଯୋଗ ଦେଇଥିବା କଂଗ୍ରେସ ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ କହିଥିଲେ ଯେ, ସମସ୍ତ ଦଳ ଏହି ଆକ୍ରମଣକୁ ନିନ୍ଦା କରିଛନ୍ତି। କଶ୍ମୀରରେ ଶାନ୍ତି ପାଇଁ ପ୍ରୟାସ ବିଷୟରେ ଆଲୋଚନା କରାଯାଇଥିଲା। ଯେକୌଣସି କାର୍ଯ୍ୟ ପାଇଁ ସରକାରଙ୍କୁ ଆମର ସମର୍ଥନ ଅଛି।

ଅଧିକ ପଢ଼ନ୍ତୁ: ବୈଭବଙ୍କୁ ମିଠା ଚେତାବନୀ ଦେଲେ ବୀରେନ୍ଦ୍ର ସେହୱାଗ

Rahul Gandhi | congress | BJP | pm-narendra-modi | mallikarjun kharge