ଆମେ ଦଳିତ-ମୁସଲିମ-ବ୍ରାହ୍ମଣରେ ଫସିଗଲେ ଏବଂ ଓବିସି ଆମକୁ ଛାଡି ଚାଲିଗଲେ: ରାହୁଲ

ଅହମ୍ମଦାବାଦ: ଗୁଜରାଟର ଅହମ୍ମଦାବାଦରେ ମଙ୍ଗଳବାର ଦିନ  କଂଗ୍ରେସ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଥିଲା। ଏହି ବୈଠକରେ କଂଗ୍ରେସ ସାଂସଦ ଏବଂ ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧୀ କିଛି ବଡ଼ କଥା କହିଥିଲେ। ରାହୁଲ ଗାନ୍ଧୀ ଦଳର ରଣନୀତି ଉପରେ ପ୍ରଶ୍ନ ଉଠାଇ କହିଥିଲେ ଯେ, ଆମେ ଦଳିତ, ମୁସଲିମ ଏବଂ ବ୍ରାହ୍ମଣ ପ୍ରସଙ୍ଗରେ ଫସିଗଲେ ଏବଂ ଓବିସି ଆମକୁ ଛାଡି ଚାଲିଗଲେ। ସେ ଉତ୍ତର ପ୍ରଦେଶର ଉଦାହରଣ ମଧ୍ୟ ଦେଇଥିଲେ।

ବୈଠକ ପରେ କଂଗ୍ରେସ ରାଜ୍ୟସଭା ସଦସ୍ୟ ଜୟରାମ ରମେଶ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ଆଜିର ପରିବର୍ଦ୍ଧିତ ବୈଠକରେ ୧୫୮ ଜଣ ସଦସ୍ୟ ଉପସ୍ଥିତ ଥିଲେ। ଆଜି ସର୍ଦ୍ଦାର ବଲ୍ଲଭଭାଇ ପଟେଲଙ୍କ ସମ୍ପର୍କରେ ଏକ ସ୍ୱତନ୍ତ୍ର ପ୍ରସ୍ତାବ ଆଲୋଚନା ହୋଇଥିଲା ଏବଂ ଏହାକୁ ଗୃହୀତ କରାଯାଇଥିଲା। ଆସନ୍ତାକାଲି ଆଉ ଦୁଇଟି ପ୍ରସ୍ତାବ ଉପରେ ଆଲୋଚନା ହେବ। କଂଗ୍ରେସ ଦଳର ୧୪୦ ବର୍ଷର ଇତିହାସରେ ଷଷ୍ଠ ଥର ପାଇଁ କଂଗ୍ରେସ ବୈଠକ ଗୁଜରାଟରେ ଅନୁଷ୍ଠିତ ହେଉଛି।

ଅଧିକ ପଢ଼ନ୍ତୁ: ପୁଟିନଙ୍କ ବିରୋଧରେ ଲଢ଼ିବା ପାଇଁ ୧୦ ବର୍ଷର ପିଲାଙ୍କୁ ପ୍ରସ୍ତୁତ କରୁଛି ଜର୍ମାନୀ !

ସେ କହିଥିଲେ, ଯେତେବେଳେ ଆମେ ସର୍ଦ୍ଦାର ବଲ୍ଲଭଭାଇ ପଟେଲଙ୍କ ୧୫୦ତମ ଜନ୍ମବାର୍ଷିକୀ ପାଳନ କରୁଛୁ, ସେତେବେଳେ ତାଙ୍କ ସ୍ମାରକୀରେ ବିସ୍ତାରିତ ସିଡବ୍ଲୁସି ବୈଠକ ଆୟୋଜନ କରିବା ଆମର କର୍ତ୍ତବ୍ୟ ଥିଲା। ଭାରତୀୟ ସମ୍ବିଧାନର ପ୍ରସ୍ତାବନା ସାମାଜିକ ନ୍ୟାୟ, ଅର୍ଥନୈତିକ ନ୍ୟାୟ ଏବଂ ରାଜନୈତିକ ନ୍ୟାୟ ବିଷୟରେ କଥା ହୋଇଛି, ଯାହା ଉପରେ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡ୍‌ଗେ ଏବଂ ବିରୋଧୀ ଦଳ ନେତା ରାହୁଲ ଗାନ୍ଧୀଙ୍କ ସମେତ ଅନ୍ୟ ସଦସ୍ୟମାନେ ମଧ୍ୟ ଆଲୋଚନା କରିଥିଲେ।

ଜୟରାମ ରମେଶ କହିଛନ୍ତି, ଗୁଜରାଟରେ ଏକ ବିସ୍ତାରିତ  ସିଡବ୍ଲୁସି  ବୈଠକ ଏବଂ ଏଆଇସିସି ଅଧିବେଶନ ଆୟୋଜନ ଏକ ଗୁରୁତ୍ୱପୂର୍ଣ୍ଣ ଏବଂ ପ୍ରଭାବଶାଳୀ ବାର୍ତ୍ତା। ଆମର ପ୍ରସ୍ତାବ ସର୍ଦ୍ଦାର ପଟେଲ ଏବଂ ନେହେରୁଙ୍କ ମଧ୍ୟରେ କି ଅନନ୍ୟ ସମ୍ପର୍କ ଥିଲା ତାହା ଆଲୋଚନା କରିବ। ଏଦୁହେଁ ଆଧୁନିକ ଭାରତର ନିର୍ମାତା ଥିଲେ ଏବଂ ସେମାନେ ମହାତ୍ମା ଗାନ୍ଧୀଙ୍କ ନେତୃତ୍ୱରେ ଦେଶର ସ୍ୱାଧୀନତା ପାଇଁ ଲଢ଼ିଥିଲେ ବୋଲି ସେ କହିଛନ୍ତି।

ଅଧିକ ପଢ଼ନ୍ତୁ: ଶରୀର ଦାନ କଲେ ପରିବାରର ୮ଜଣ ସଦସ୍ୟ

CWC | Rahul Gandhi