ସୌରଭ ହତ୍ୟା ମାମଲା: ଗର୍ଭବତୀ ମୁସ୍କାନଙ୍କୁ ଜେଲରେ ମିଳିବ ଏସବୁ ସୁବିଧା

ନୂଆଦିଲ୍ଲୀ: ମିରଟରେ ହୋଇଥିବା ସୌରଭ ହତ୍ୟା ମାମଲା ସ୍ତବ୍ଧ କରି ଦେଇଥିଲା।  ଏହି ମାମଲାରେ ସୌରଭଙ୍କ ପତ୍ନୀ ମୁସ୍କାନ ଏବଂ ତାଙ୍କ ପ୍ରେମିକ ସାହିଲଙ୍କୁ ଦୋଷୀ ସାବ୍ୟସ୍ତ କରାଯାଇ ଜେଲଦଣ୍ଡ ହୋଇଛି। 

ସମ୍ପ୍ରତି ମୁସ୍କାନଙ୍କ ଗର୍ଭଧାରଣ ପରୀକ୍ଷା ପଜିଟିଭ୍ ଆସିଥିବା ନେଇ ସିଏମଓ ନିଜେ ଏହା ନିଶ୍ଚିତ କରିଛନ୍ତି। ମୁସ୍କାନ ଗର୍ଭବତୀ ଥିବା ଖବର ସାମ୍ନାକୁ ଆସିବା ପରେ ପ୍ରଶ୍ନ ଉଠୁଛି କି ଜେଲରେ ଥିବା ଗର୍ଭବତୀ ମହିଳାଙ୍କ ପାଇଁ କ’ଣ ନିୟମ ରହିଛି। ଏହି ମାମଲାରେ କୋର୍ଟ କିପରି ନିଷ୍ପତ୍ତି ନିଅନ୍ତି। ମୁସ୍କାନ ଜେଲରେ ଅଛନ୍ତି, ତେବେ ତାଙ୍କୁ କି ପ୍ରକାରର ସୁବିଧା ମିଳିବ?

ଜେଲରେ ଥିବା ଗର୍ଭବତୀ ମହିଳାଙ୍କ ପାଇଁ ସମ୍ବିଧାନରେ ପୃଥକପୃଥମ ନିୟମ ରହିଛି। ଯଦି ଜଣେ ମହିଳା ଗର୍ଭବତୀ ହୁଅନ୍ତି, ତେବେ ତାଙ୍କୁ ଅନ୍ୟ ଗର୍ଭବତୀ ମହିଳାଙ୍କ ସହିତ ଏକ ପୃଥକ ବାରାକକୁ ସ୍ଥାନାନ୍ତରିତ କରି ଦିଆଯାଏ। 

ଗର୍ଭବତୀ କଏଦୀଙ୍କ ପାଇଁ ଉପଲବ୍ଧ ସମସ୍ତ ସୁବିଧା ଯେପରିକି ନିୟମିତ ଯାଞ୍ଚ, ଖାଦ୍ୟ ଏବଂ ତାଙ୍କ ମାନସିକ ସ୍ୱାସ୍ଥ୍ୟ ପ୍ରତି ଧ୍ୟାନ ଦିଆଯାଏ। ଏପରି ମହିଳାମାନଙ୍କୁ କୌଣସି ଶାରୀରିକ ପରିଶ୍ରମ କରିବାକୁ ଦିଆଯାଇ ନଥାଏ। ସମୟ ସମୟରେ ଜେଲ ହସ୍ପିଟାଲର ଡାକ୍ତରମାନେ ଗର୍ଭବତୀ ମହିଳାମାନଙ୍କ ସ୍ବାସ୍ଥ୍ୟ ପରୀକ୍ଷା କରିଥାଆନ୍ତି।

ଜଣେ ଗର୍ଭବତୀ ମହିଳା ଜେଲରେ ଉନ୍ନତ ସ୍ୱାସ୍ଥ୍ୟସେବା ସୁବିଧା ପାଇବାର ହକଦାର, ଯେଉଁଥିରେ ପ୍ରସବ ପୂର୍ବରୁ ଏବଂ ପରବର୍ତ୍ତୀ ଯତ୍ନ ଏବଂ ଶିଶୁ ଯତ୍ନ ଅନ୍ତର୍ଭୁକ୍ତ।

ମୁସ୍କାନଙ୍କ ବିରୋଧରେ ଗୁରୁତର ହତ୍ୟା ଅଭିଯୋଗ ଥିବାରୁ କୋର୍ଟରୁ ଆଶ୍ୱସ୍ତି ପାଇବା କଷ୍ଟକର। ଯଦି କୋର୍ଟ ମାନବିକତା ଦୃଷ୍ଟିରୁ ନିଷ୍ପତ୍ତି ନିଅନ୍ତି, ତେବେ ହିଁ ସେ ଦଣ୍ଡରୁ ମୁକ୍ତି ପାଇପାରିବେ।