କାହିଁକି ପୂରଣ କରିନ ନିର୍ବାଚନୀ ପ୍ରତିଶ୍ରୁତି: କଂଗ୍ରେସକୁ ଖଡଗେଙ୍କ ପ୍ରଶ୍ନ

ନୂଆଦିଲ୍ଲୀ: ମାଗଣା ଯୋଜନା ସମ୍ପର୍କରେ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ ନିଜ ସରକାରଙ୍କ କାନ ମୋଡ଼ିଛନ୍ତି। ଏହି ମାମଲା କର୍ଣ୍ଣାଟକ ସହ ଜଡିତ। କିନ୍ତୁ ବିଜେପି ଏହାର ସୁଯୋଗ ନେଇ ଖଡଗେଙ୍କ ମନ୍ତବ୍ୟ ଆଧାରରେ କଂଗ୍ରେସକୁ ଟାର୍ଗେଟ କରିଛି। କର୍ଣ୍ଣାଟକ ବିଧାନସଭା ନିର୍ବାଚନ ପୂର୍ବରୁ ସେଠାରେ କଂଗ୍ରେସ ଦ୍ୱାରା ଅନେକ ନିର୍ବାଚନ ପ୍ରତିଶ୍ରୁତି ଦିଆଯାଇଥିଲା ଏବଂ ସରକାର ଗଠନ ପରେ ଏହି ଯୋଜନା ଆରମ୍ଭ ହୋଇଥିଲା।

ବର୍ତ୍ତମାନ ପର୍ଯ୍ୟନ୍ତ ସବୁ ଠିକ୍ ଥିଲା। ତେବେ ଯୋଜନା ପୂରଣ ଦ୍ବାରା କର୍ଣ୍ଣାଟକ ସରକାରଙ୍କ ରାଜକୋଷ ଉପରେ ପ୍ରଭାବ ପଡୁଛି। ଏହି ସମୟରେ ରାଜ୍ୟର ଉପମୁଖ୍ୟମନ୍ତ୍ରୀ ଡି.କେ ଶିବକୁମାରଙ୍କ ଏକ ବିବୃତି ଆସିଛି ଏବଂ କଂଗ୍ରେସ ସଭାପତିଙ୍କ ପ୍ରତିକ୍ରିୟା କଂଗ୍ରେସକୁ ଅପମାନିତ କରିଛି।

ଦୁଇ ଦିନ ପୂର୍ବରୁ ଡି.କେ ଶିବକୁମାର କହିଥିଲେ ଯେ ସରକାର 'ବସ୍' ଯୋଜନାରେ ପୁନର୍ବିଚାର କରିବେ କାରଣ କେତେକ ମହିଳା ସରକାରୀ ବସ୍‌ରେ ଯାତ୍ରା ପାଇଁ ଦେୟ ଦେବାକୁ ଇଚ୍ଛା ପ୍ରକାଶ କରିଛନ୍ତି। ରାଜ୍ୟ କଂଗ୍ରେସ ସରକାରଙ୍କ ଏହି ଗ୍ୟାରେଣ୍ଟି ଅନୁଯାୟୀ ମହିଳାମାନଙ୍କୁ ମାଗଣା ବସ୍ ଯାତ୍ରା ସୁବିଧା ଯୋଗାଇ ଦିଆଯାଉଛି। କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ କର୍ଣ୍ଣାଟକ ଉପମୁଖ୍ୟମନ୍ତ୍ରୀ ଏଭଳି ମନ୍ତବ୍ୟ ଦେଇଥିବାରୁ ଏହାକୁ ନିନ୍ଦା କରିଛନ୍ତି। ସେ କହିଛନ୍ତି ରାଜ୍ୟ ସରକାର 'ଶକ୍ତି' ଗ୍ୟାରେଣ୍ଟିର ସମୀକ୍ଷା କରିବେ।

ବେଙ୍ଗାଲୁରୁରେ ଏକ ସାମ୍ବାଦିକ ସମ୍ମିଳନୀରେ  ଖଡଗେ କହିଛନ୍ତି  ଆପଣଙ୍କର ୫ ଗ୍ୟାରେଣ୍ଟି ବିଚାର କରି ମୁଁ ମହାରାଷ୍ଟ୍ରରେ ୫ ଗ୍ୟାରେଣ୍ଟି ଘୋଷଣା କରିଛି।  କିନ୍ତୁ ଆପଣ କହୁଛନ୍ତି ଯେ ଗୋଟିଏ ଗ୍ୟାରେଣ୍ଟି ହଟାଯିବ। ଏହା ଉପରେ ଶିବକୁମାର କହିଥିଲେ ଯେ ନା, ମୁଁ ଏହାର ଅର୍ଥ ତାହା ନୁହେଁ। ଖଡଗେ କହିଥିଲେ ତୁମେ ଖବରକାଗଜ ବୋଧେ ପଢୁନାହଁ। ଏହା ଖବରକାଗଜରେ ଆସିଛି। ଏହା ଉପରେ ମୁଖ୍ୟମନ୍ତ୍ରୀ ସିଦ୍ଧାରମାୟା କହିଛନ୍ତି ଯେ ଆମେ ଏହାର ସମୀକ୍ଷା କରିବୁ। ଏହା ପରେ କଂଗ୍ରେସ ସଭାପତି କହିଛନ୍ତି, ଯେତେବେଳେ ଆପଣ ସମୀକ୍ଷା କରନ୍ତି ଏହା ସମାଲୋଚନାର ସୁଯୋଗ ଖୋଲିଥାଏ।

ଅଧିକ ପଢ଼ନ୍ତୁ:

ପୁଣି ମହଙ୍ଗା ମାଡ଼: ବଢ଼ିଲା ପେଟ୍ରୋଲ-ଡିଜେଲ ଦର

ଖଡଗେ କହିଛନ୍ତି ମହାରାଷ୍ଟ୍ରରେ ମୁଁ କହିଛି ଯେ ୫,୧୦ କିମ୍ବା ୨୦ ଗ୍ୟାରେଣ୍ଟି ଘୋଷଣା କରାଯିବା ଉଚିତ୍ ନୁହେଁ। ବଜେଟ୍ ଆଧାରରେ ଘୋଷଣା କରାଯିବା ଉଚିତ୍। ନଚେତ୍ ଦେବାଳିଆ ସ୍ଥିତି ହେବ। ଯଦି ରାସ୍ତା ପାଇଁ ଟଙ୍କା ନାହିଁ ତେବେ ସମସ୍ତେ ଆପଣଙ୍କ ବିରୁଦ୍ଧରେ ରହିବେ। ଖଡଗେ ଏହା ମଧ୍ୟ କହିଛନ୍ତି ଯେ ଶିବକୁମାର ଯାହା କହିଛନ୍ତି ତାହା ବିଜେପିକୁ ସମାଲୋଚନା କରିବାର ସୁଯୋଗ ଦେଇଛି। ବିଜେପି ମଧ୍ୟ ବିଳମ୍ବ ନ କରି କଂଗ୍ରେସକୁ ଟାର୍ଗେଟ କରି କହିଛି ଯେ ଜନସାଧାରଣଙ୍କୁ ବୋକା ବନେଇ ଥିବାରୁ କଂଗ୍ରେସ ନେତାମାନେ କ୍ଷମା ମାଗନ୍ତୁ।

ପୂର୍ବତନ କେନ୍ଦ୍ର ମନ୍ତ୍ରୀ ତଥା ବରିଷ୍ଠ ବିଜେପି ନେତା ରବି ଶଙ୍କର ପ୍ରସାଦ ଖଡଗେଙ୍କ ମନ୍ତବ୍ୟକୁ ଦର୍ଶାଇ ଶୁକ୍ରବାର କହିଛନ୍ତି କଂଗ୍ରେସର ନିର୍ବାଚନ ଘୋଷଣା ଜନସାଧାରଣଙ୍କ ଆଖିରେ ଧୂଳି ପକାଇବା ପାଇଁ ଉଦ୍ଦିଷ୍ଟ ।

ରବି ଶଙ୍କର ପ୍ରସାଦ କହିଛନ୍ତି, କଂଗ୍ରେସ ପାର୍ଟି ଏହାର ସଭାପତିଙ୍କ ମାଧ୍ୟମରେ ପ୍ରଥମ ଥର ପାଇଁ ସ୍ୱୀକାର କରିଛି  ଦଳର ନିର୍ବାଚନ ଗ୍ୟାରେଣ୍ଟି କେବଳ ଜନସାଧାରଣଙ୍କ ଆଖିରେ ଧୂଳି ଫିଙ୍ଗିବା କଥା। କର୍ଣ୍ଣାଟକ ବ୍ୟତୀତ ତେଲେଙ୍ଗାନା ଏବଂ ହିମାଚଳ ପ୍ରଦେଶରେ କଂଗ୍ରେସ ଦ୍ୱାରା ଘୋଷଣା କରାଯାଇଥିବା ନିର୍ବାଚନ ଗ୍ୟାରେଣ୍ଟି ବିଷୟରେ ସେ କହିଛନ୍ତି।

ଅଧିକ ପଢ଼ନ୍ତୁ:

ଫଡନାଭିସ୍‌ଙ୍କ ସୁରକ୍ଷା ବଢ଼ିଲା,ଗୁପ୍ତଚର ରିପୋର୍ଟ ପରେ ଘର ବାହାରେ କମାଣ୍ଡୋ ନିୟୋଜିତ

ଘୋଷଣା କରି ଜନସାଧାରଣଙ୍କୁ ବୋକା ବନାଇବା ଏବଂ ଭୋଟ୍ ହ‌ାତେଇବା କଂଗ୍ରେସର କାମ। ପରବର୍ତ୍ତୀ ସମୟରେ ଯୋଜନା କାର୍ଯ୍ୟକାରୀ ହେବନାହିଁ । ଯୋଜନା କେବଳ କାଗଜପତ୍ରରେ ରହିଥାଏ। ଏହା କଂଗ୍ରେସର ଆଜିର ଇତିହାସ ନୁହେଁ, ୧୯୭୧ରେ ଦାରିଦ୍ର୍ୟ ଦୂରୀକରଣ ଘୋଷଣା କରାଯାଇଥିଲା। ଦାରିଦ୍ର୍ୟ ଦୂର ହୋଇଛି କି? ନିଜ ମନଇଛା ଘୋଷଣା କର, କେହି ପଚାରିବାକୁ ପାଇଁ ନାହାଁନ୍ତି  ବୋଲି ସେ କହିଛନ୍ତି।