ଦୁବାଇରେ ବିଶ୍ୱର ବିରଳ ନୀଳ ହୀରା: ଏହାକୁ ପିନ୍ଧିଥିବା ଭାଗ୍ୟବାନ ମହିଳା କିଏ ଜାଣନ୍ତୁ

ଦୁବାଇ: ଦୁବାଇ ଏହାର ଅନନ୍ୟ ଏବଂ ବିରଳ ଜିନିଷ ପାଇଁ ଜଣାଶୁଣା। ଦୁବାଇରେ ବିଶ୍ୱର ସବୁଠାରୁ ମହଙ୍ଗା ହୋଟେଲ ଏବଂ ବିଶ୍ୱର ସବୁଠାରୁ ଉଚ୍ଚ କୋଠା ଅଛି ଏବଂ ଏଠାକାର ଶେଖ୍‌ମାନଙ୍କର ମହଙ୍ଗା ଜୀବନଶୈଳୀ ସାରା ବିଶ୍ୱରେ ପ୍ରସିଦ୍ଧ। ବର୍ତ୍ତମାନ, ସଂଯୁକ୍ତ ଆରବ ଏମିରେଟ୍ସର ରାଜଧାନୀ ଆବୁଧାବିରେ ବିଶ୍ୱର ସବୁଠାରୁ ବିରଳ ହୀରାର ଏକ ପ୍ରଦର୍ଶନୀ ଅନୁଷ୍ଠିତ ହେଉଛି। ମଙ୍ଗଳବାର ଦିନ ୧୦୦ ନିୟୁତ ଡଲାରର ପ୍ରଦର୍ଶନୀରେ ଏକ ବିରଳ ନୀଳ ହୀରା ପ୍ରଦର୍ଶିତ ହୋଇଥିଲା ଯାହାର ଚମତ୍କାରିତା ବିଶ୍ୱର ଦୃଷ୍ଟି ଆକର୍ଷଣ କରିଥିଲା।

ଏହି ପ୍ରଦର୍ଶନୀଟି ସୋଥେବି ଦ୍ୱାରା ଆୟୋଜିତ ହୋଇଛି, ଯେଉଁଥିରେ ପ୍ରଦର୍ଶିତ ଆଠଟି ହୀରାର ମୋଟ ଓଜନ ୭୦୦ କ୍ୟାରେଟରୁ ଅଧିକ। ଏଥିରେ ଲାଲ, ହଳଦିଆ, ଗୋଲାପୀ ଏବଂ ରଙ୍ଗହୀନ ହୀରା ଅନ୍ତର୍ଭୁକ୍ତ। କିନ୍ତୁ ପରିଦର୍ଶକଙ୍କ ଆକର୍ଷଣର କେନ୍ଦ୍ରବିନ୍ଦୁ ଥିଲା ଦକ୍ଷିଣ ଆଫ୍ରିକାର ଏକ ୧୦-କ୍ୟାରେଟ୍ ନୀଳ ହୀରା, ଯାହାକୁ ଏପର୍ଯ୍ୟନ୍ତ ଆବିଷ୍କୃତ ସବୁଠାରୁ ଗୁରୁତ୍ୱପୂର୍ଣ୍ଣ ନୀଳ ହୀରା ମଧ୍ୟରୁ ଗୋଟିଏ ବୋଲି ବିବେଚନା କରାଯାଉଛି। ସୋଥେବିର ଆଶା ଯେ, ମେ’ ମାସରେ ନିଲାମରେ ଏହି ହୀରା ପଇେଁ ୨୦ ନିୟୁତ ଡଲାର ମିଳିବ।

ଦୁବାଇରେ ହୀରା ପାଇଁ ଏକ ଭିନ୍ନ କ୍ରେଜ୍ ଅଛି। ଉତ୍ତର ଆମେରିକା, ୟୁରୋପ ଏବଂ ମଧ୍ୟପ୍ରାଚ୍ୟ ପାଇଁ କମ୍ପାନିର ଅଳଙ୍କାର ମୁଖ୍ୟ କ୍ୱିଗ୍ ବ୍ରୁନିଂ କହିଛନ୍ତି ଯେ, ଉପସାଗରୀୟ ଦେଶଗୁଡ଼ିକର ହୀରା ପ୍ରତି ପ୍ରବଳ ଆଗ୍ରହ ହେତୁ ସେମାନେ ପ୍ରଦର୍ଶନୀ ପାଇଁ ଆବୁଧାବିକୁ ବାଛିଛନ୍ତି।  ଆମେ ଏହି ଅଞ୍ଚଳ ବିଷୟରେ ବହୁତ ଆଶାବାଦୀ। ଆମେ ବିଶ୍ୱାସ କରୁଛୁ ଯେ ଏହା ଏପରି ଏକ ସ୍ଥାନ ଯେଉଁଠାରେ ଏହି ଗୁରୁତ୍ୱପୂର୍ଣ୍ଣ ଏବଂ ବିରଳ ହୀରା ବ୍ୟବସାୟୀ ଏବଂ ସଂଗ୍ରହକାରୀ ଉଭୟ ଅଛନ୍ତି।  

ଅଧିକ ପଢ଼ନ୍ତୁ: ବିଗ୍ ବସ୍ ପରିବର୍ତ୍ତେ ପାଗଳଖାନାକୁ ଯିବାକୁ ପସନ୍ଦ କରିବି: କୁନାଲ କାମ୍ରା

 Dubai | rare-blue-diamond