ସରିଲା ମହାକୁମ୍ଭ: ସଫେଇ କର୍ମଚାରୀଙ୍କ ପାଇଁ ବଡ ଘୋଷଣା କଲେ ଯୋଗୀ

ନୂଆଦିଲ୍ଲୀ: ସଫଳତାର ସହ ମହାକୁମ୍ଭ ସମାପ୍ତ ହେବା ପରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ପ୍ରୟାଗରାଜରେ ପହଞ୍ଚି ପ୍ରଥମେ ଆରଏଲ୍ ଘାଟରେ ସଫେଇ ଅଭିଯାନ ଆରମ୍ଭ କରିଥିଲେ | ସେ ଗଙ୍ଗା ନଦୀରୁ ଆବର୍ଜନା ବାହାର କରିଥିଲେ। ଏଥି ସହିତ ଯୋଗୀ ମହାକୁମ୍ଭରେ ନିୟୋଜିତ ସଫେଇ କର୍ମଚାରୀଙ୍କ ପାଇଁ ଏକ ବଡ଼ ଘୋଷଣା କରିଥିଲେ।

ଯୋଗୀ ଘୋଷଣା କରିଛନ୍ତି ଯେ ଉତ୍ତରପ୍ରଦେଶର ସଫେଇ କର୍ମଚାରୀମାନେ ୧୦୦୦୦ ଟଙ୍କା ଅତିରିକ୍ତ ବୋନସ୍ ପାଇବେ। ଏହା ବ୍ୟତୀତ ଯୋଗୀ ମାସକୁ ସର୍ବନିମ୍ନ ୧୬୦୦୦ ଟଙ୍କା ଦରମା ଘୋଷଣା କରିଛନ୍ତି। ଯୋଗୀ କହିଛନ୍ତି ଯେ ସଫେଇ କର୍ମଚାରୀମାନେ ଆୟୁଷ୍ମାନ ଯୋଜନା ସହିତ ମଧ୍ୟ ସଂଯୁକ୍ତ ହେବେ, ଯାହାଦ୍ୱାରା ୫ ଲକ୍ଷ ଟଙ୍କା ପର୍ଯ୍ୟନ୍ତ ଚିକିତ୍ସା ଯୋଗାଇ ଦିଆଯାଇପାରିବ |

ଯୋଗୀ ଟ୍ୱିଟରରେ ଲେଖିଛନ୍ତି - "ଆଜି ପ୍ରୟାଗରାଜରେ ସଫେଇ କର୍ମଚାରୀଙ୍କ ସହ ଏକ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲି। ସ୍ୱଚ୍ଛ ତଥା ସଂଗଠିତ ମହାକୁମ୍ଭ -୨୦୨୫ ଆମର ସ୍ୱଛତା ଦୂତଙ୍କ ନିରନ୍ତର କଠିନ ପରିଶ୍ରମ ଏବଂ ପ୍ରତିବଦ୍ଧତାର ଜୀବନ୍ତ ପ୍ରତୀକ। ଯୋଗୀ ଆଦିତ୍ୟନାଥ କହିଛନ୍ତି ଯେ ସମସ୍ତ ସଫେଇ କର୍ମଚାରୀ ଏବଂ ସ୍ୱାସ୍ଥ୍ୟ କର୍ମୀଙ୍କୁ ହୃଦୟରୁ କୃତଜ୍ଞତା ଏବଂ ଅଭିନନ୍ଦନ। 

ଯୋଗୀ କହିଛନ୍ତି ଯେ ମୁଁ ସମସ୍ତ ସଫେଇ କର୍ମଚାରୀ, ସ୍ୱାସ୍ଥ୍ୟ କର୍ମୀ, ପରିବହନ ବିଭାଗ ତଥା ସୁରକ୍ଷା କର୍ମୀମାନଙ୍କୁ ହୃଦୟରୁ ଅଭିନନ୍ଦନ ଜଣାଉଛି, ଯେଉଁମାନେ ଏତେ ବଡ ଅଭିଯାନ ସହ ଜଡିତ ଥିଲେ ।