ଆପଣ ମୋତେ ଭୁଲ ପ୍ରମାଣିତ କରିଦେଲେ... ମୋଦୀଙ୍କୁ କହିଲେ ରସିଦ ଅଦମ୍ମଦ କାଦରି

ନୂଆଦିଲ୍ଲୀ: ରାଷ୍ଟ୍ରପତି ଦ୍ରୌପଦୀ ମୁର୍ମୁ ସୋମବାର କର୍ଣ୍ଣାଟକ ବିଦରର ଶାହ ରସିଦ ଅହମ୍ମଦ କାଦରିଙ୍କୁ ପଦ୍ମଶ୍ରୀ ସମ୍ମାନରେ ସମ୍ମାନିତ କରିଛନ୍ତି। ଏହି ଅବସରରେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ କହିଥିଲେ ଯେ ସେ ୟୁପିଏ ସରକାର ଅମଳରେ ପଦ୍ମ ସମ୍ମାନ ପାଇବେ ବୋଲି ଭାବିଥିଲେ କିନ୍ତୁ ତାଙ୍କୁ ଏହା ମିଳିନଥିଲା। ବିଜେପି ସରକାର ଅମଳରେ ମିଳିବ ବୋଲି ସେ ଆଦୌ ଆଶା କରିନଥିଲେ, ତେଣୁ ସେ ଚୁପ୍ ବସିଥିଲେ, କିନ୍ତୁ ସେ ଭୁଲ ପ୍ରମାଣିତ ହୋଇଛନ୍ତି ବୋଲି କହିଛନ୍ତି । ଏହି ପୁରସ୍କାର ପାଇଁ ସେ ପ୍ରଧାନମନ୍ତ୍ରୀ ମୋଦୀଙ୍କୁ ଧନ୍ୟବାଦ ଜଣାଇଛନ୍ତି।

ଶାହ ରସିଦ ଅହମ୍ମଦ କାଦରୀ ପ୍ରଧାନମନ୍ତ୍ରୀ ମୋଦୀଙ୍କୁ କହିଛନ୍ତି, "ମୁଁ ପାଞ୍ଚ ବର୍ଷ ଅପେକ୍ଷା କରିଥିଲି କିନ୍ତୁ ପାଇନଥିଲି। ଏହାପରେ ବିଜେପି ସରକାରରେ ମୋତେ ପଦ୍ମ ପୁରସ୍କାର ମିଳିବ ନାହିଁ ବୋଲି ଚୁପ୍ ବସିରହିଥିଲି। କିନ୍ତୁ ଆପଣ ମୋର ଧାରଣାକୁ ଭୁଲ ପ୍ରମାଣିତ କରିଛ, ଏଥିପାଇଁ ତୁମକୁ ବହୁତ ଧନ୍ୟବାଦ ।

ଶାହ ରସିଦ ଅହମ୍ମଦ କାଦରୀ ବିଦ୍ରି କଳାରେ ଅନେକ ନୂତନ ଢାଞ୍ଚା ଏବଂ ଡିଜାଇନ୍ ଉପସ୍ଥାପନ କରିବା ପାଇଁ ଜଣାଶୁଣା । ବିଦ୍ରି ହେଉଛି ଏକ ଲୋକକଳା ଯାହାର ପାରମ୍ପରିକ ସୃଷ୍ଟି କର୍ଣ୍ଣାଟକର ବିଦାର ସହରରୁ ଆରମ୍ଭ ହୋଇଥିଲା । ପରବର୍ତ୍ତୀ ସମୟରେ ଧୀରେ ଧୀରେ ଏହି କଳା ତେଲେଙ୍ଗାନା ଓ ଆନ୍ଧ୍ରପ୍ରଦେଶକୁ ବ୍ୟାପିଯାଇଥିଲା।