ୟୁନୁସ୍ ସରକାର-ଭାରତ ମୁହାଁମୁହିଁ: ଇସ୍କନ୍ ସନ୍ଥଙ୍କ ଗିରଫ ପରେ ତିକ୍ତତା ବୃଦ୍ଧି

ନୂଆଦିଲ୍ଲୀ: ବାଂଲାଦେଶରେ  ଇସ୍କନ୍ ସନ୍ଥ ଚିନ୍ମୟ କୃଷ୍ଣ ଦାସ ବ୍ରହ୍ମଚାରୀଙ୍କୁ ଦେଶଦ୍ରୋହ ଅଭିଯୋଗରେ ଗିରଫ କରାଯିବା ପରେ ଭାରତ ସମେତ ଅନେକ ଦେଶ ପକ୍ଷରୁ ବାଂଲାଦେଶକୁ ସମାଲୋଚନା କରାଯାଇଛି। ଏହି ଗିରଫ ମାମଲା ବାଂଲାଦେଶରେ ହିନ୍ଦୁମାନଙ୍କ ଉପରେ ବଢୁଥିବା ଆକ୍ରମଣ ମଧ୍ୟରେ ଆସିଛି। ଚିନ୍ମୟ କୃଷ୍ଣ ଦାସ ବାଂଲାଦେଶରେ ହିନ୍ଦୁମାନଙ୍କ ଉପରେ ହେଉଥିବା ଅତ୍ୟାଚାର ବିରୋଧର ନେତୃତ୍ୱ ନେଉଥିଲେ।

ଅକ୍ଟୋବରରେ ଚଟଗାଁରେ ଏକ ରାଲିରେ ବାଂଲାଦେଶୀ ଜାତୀୟ ପତାକାକୁ ଅପମାନିତ କରିଥିବା ଅଭିଯୋଗ ହୋଇଥିଲା। ଏହି ଗିରଫଦାରୀକୁ ନେଇ ଭାରତ ସରକାର ଅସନ୍ତୋଷ ବ୍ୟକ୍ତ କରିଛନ୍ତି ଏବଂ ସଂଖ୍ୟାଲଘୁ ସମ୍ପ୍ରଦାୟର ସୁରକ୍ଷା ନିଶ୍ଚିତ କରିବାକୁ ବାଂଲାଦେଶ ସରକାରଙ୍କୁ କହିଛନ୍ତି। ବୈଦେଶିକ ବ୍ୟାପାର ମନ୍ତ୍ରଣାଳୟ କହିଛି ଯେ ଏହି ଘଟଣାର ଅପରାଧୀମାନେ ମୁକ୍ତ ଭାବରେ ବୁଲୁଛନ୍ତି ଏହା ଦୁର୍ଭାଗ୍ୟଜନକ। କିନ୍ତୁ ଶାନ୍ତିପୂର୍ଣ୍ଣ ବୈଠକ ମାଧ୍ୟମରେ ଆଇନଗତ ଦାବି ଉଠାଇଥିବା ଜଣେ ଧାର୍ମିକ ନେତାଙ୍କ ବିରୋଧରେ ମାମଲା ରୁଜୁ କରାଯାଇଛି।

ବୈଦେଶିକ ବ୍ୟାପାର ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ ସଂଖ୍ୟାଲଘୁ ସମ୍ପ୍ରଦାୟଙ୍କର ଘର ଓ ଦୋକାନରୁ ଲୁଟ୍ ହେବା ସହିତ ଚୋରି, ଭଙ୍ଗାରୁଜା ଏବଂ ଅପମାନ ଭଳି ଅନେକ ମାମଲା ରହିଛି। ଦେବତା ଏବଂ ମନ୍ଦିରକୁ ଅପବିତ୍ର କରିବା‌ ମାମଲା ଘଟିଛି।  ବିବୃତିରେ କୁହାଯାଇଛି, ଦୁର୍ଭାଗ୍ୟଜନକ ଯେ ଏହି ଘଟଣାର ଅପରାଧୀମାନେ ଏପର୍ଯ୍ୟନ୍ତ ମୁକ୍ତ ଭାବରେ ବୁଲୁଛନ୍ତି, କିନ୍ତୁ ଶାନ୍ତିପୂର୍ଣ୍ଣ ଭାବେ ଆଇନଗତ ଦାବି ଉଠାଇଥିବା ଜଣେ ଧାର୍ମିକ ନେତାଙ୍କ ବିରୋଧରେ ମାମଲା ଦାଏର କରାଯାଇଛି।  

ଇସ୍କନ୍ ସନ୍ଥଙ୍କ ଗିରଫଦାରୀ ବିରୋଧରେ ଶାନ୍ତିପୂର୍ଣ୍ଣ ଭାବେ ବିରୋଧ କରୁଥିବା ସଂଖ୍ୟାଲଘୁଙ୍କ ଉପରେ ହୋଇଥିବା ଆକ୍ରମଣକୁ ନେଇ ବୈଦେଶିକ ବ୍ୟାପାର ମନ୍ତ୍ରଣାଳୟ ମଧ୍ୟ ଉଦ୍‌ବେଗ ପ୍ରକାଶ କରିଛି। ଅନ୍ୟପକ୍ଷରେ, ଭାରତୀୟ ବୈଦେଶିକ ମନ୍ତ୍ରଣାଳୟର ବିବୃତିରେ ବାଂଲାଦେଶର ବୈଦେଶିକ ମନ୍ତ୍ରଣାଳୟ କହିଛି ଯେ ଏହା ଭିତ୍ତିହୀନ ଏବଂ ଦୁଇ ଦେଶ ମଧ୍ୟରେ ବନ୍ଧୁତ୍ୱର ​​ବିରୁଦ୍ଧ ଅଟେ।

ବାଂଲାଦେଶରେ  ଇସ୍କନ୍ ସନ୍ଥଙ୍କୁ ଗିରଫ କରିବା ଯୋଗୁ ଭାରତ ଏବଂ ବାଂଲାଦେଶ ମଧ୍ୟରେ ତିକ୍ତତା ସୃଷ୍ଟି କରିଛି। ବିଶ୍ୱ ହିନ୍ଦୁ ପରିଷଦ (ଭିଏଚପି) ଏହି ପଦକ୍ଷେପକୁ ଭୟଭୀତ ତଥା ଅଗଣତାନ୍ତ୍ରିକ ବୋଲି ବର୍ଣ୍ଣନା କରିଛି। କୃଷ୍ଣ ଦାସ ବ୍ରହ୍ମଚାରୀଙ୍କ ମୁକ୍ତି ପାଇଁ ବାଂଲାଦେଶ ସହ କଥାବାର୍ତ୍ତା କରିବାକୁ  ଇସ୍କନ୍ ଭାରତକୁ ନିବେଦନ କରିଛି। ଇସ୍କନ୍ ପକ୍ଷରୁ କୃଷ୍ଣ ଦାସଙ୍କ ଉପରେ ଅଣାଯାଇଥିବା ଅଭିଯୋଗକୁ ସମ୍ପୂର୍ଣ୍ଣ ରୂପେ ଖଣ୍ଡନ କରାଯାଇଛି।

ସଦ୍ଗୁରୁ ଶ୍ରୀ ଶ୍ରୀ ରବି ଶଙ୍କର ମଧ୍ୟ ଏହି ଗିରଫଦାରୀକୁ ସମାଲୋଚନା କରିଛନ୍ତି। ରବି ଶଙ୍କର କହିଛନ୍ତି, ଆମେ ଶାନ୍ତି ଏବଂ ନିରାପତ୍ତା ଆଣିବା ପାଇଁ ନୋବେଲ ଶାନ୍ତି ପୁରସ୍କାର ପାଇଥିବା ପ୍ରଫେସର ମହମ୍ମଦ ୟୁନୁସଙ୍କଠାରୁ ଅଧିକ କିଛି ଆଶା କରୁଛୁ ଏବଂ ସେଥିପାଇଁ ତାଙ୍କୁ କାର୍ଯ୍ୟନିର୍ବାହୀ ସରକାରର ମୁଖ୍ୟ କରାଯାଇଛି। ଆମେ ଆଶା କରିବୁ ନାହିଁ ଯେ ସେମାନେ ସେଭଳି କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିବେ ଯାହା ସମ୍ପ୍ରଦାୟ ମଧ୍ୟରେ ଅଧିକ ଉତ୍ତେଜନା ଏବଂ ଭୟ ସୃଷ୍ଟି କରିବ।

ବାଂଲାଦେଶରେ ହିନ୍ଦୁମାନଙ୍କର ଜନସଂଖ୍ୟା ହ୍ରାସ ଏବଂ ଗଣତନ୍ତ୍ରର ଦୁର୍ବଳତା ମଧ୍ୟରେ ଏହି ଘଟଣା ଘଟିଛି। ଖବର ଅନୁଯାୟୀ, ଜଣେ ସ୍ଥାନୀୟ ଯୁବକ ଫେସବୁକରେ ଏକ ପୋଷ୍ଟ କରି  ଇସ୍କନ୍ ଉପରେ ପ୍ରତିବନ୍ଧକ ଲଗାଇବାକୁ ଦାବି କରିଥିଲେ। ଯାହା ପରେ ସ୍ଥାନୀୟ ହିନ୍ଦୁ ସମ୍ପ୍ରଦାୟ ଏହାକୁ ବିରୋଧ କରିଥିଲେ। ବାଂଲାଦେଶରେ ହିନ୍ଦୁମାନଙ୍କ ଅବସ୍ଥା ଚିନ୍ତାଜନକ।

ଏକଦା ହିନ୍ଦୁମାନେ ବାଂଲାଦେଶର ଜନସଂଖ୍ୟାର ୨୦% ଥିଲେ, କିନ୍ତୁ ବର୍ତ୍ତମାନ ହିନ୍ଦୁମାନଙ୍କ ଜନସଂଖ୍ୟା ୯% ରୁ କମ୍ ହୋଇଯାଇଛି। ଏହାକୁ ନେଇ ଅନ୍ତର୍ଜାତୀୟସ୍ତରରେ ଚିନ୍ତା ବ୍ୟକ୍ତ କରାଯାଉଛି।

ହିନ୍ଦୁ ସମ୍ପ୍ରଦାୟର ନେତାମାନେ କହିଛନ୍ତି ଯେ ସଂଖ୍ୟାଲଘୁମାନଙ୍କୁ ସର୍ବଦା ଟାର୍ଗେଟ କରାଯାଉଛି। ଏକ ରିପୋର୍ଟ ଅନୁଯାୟୀ, ଜାନୁୟାରୀ ୨୦୧୩ରୁ ସେପ୍ଟେମ୍ବର ୨୦୨୧ ମଧ୍ୟରେ ହିନ୍ଦୁ ସମ୍ପ୍ରଦାୟ ଉପରେ ଅତି କମରେ ୩,୬୭୯ ଆକ୍ରମଣ ହୋଇଥିଲା, ଯେଉଁଥିରେ ଭଙ୍ଗାରୁଜା, ଅଗ୍ନିକାଣ୍ଡ ଏବଂ ହିଂସା ମଧ୍ୟ ରହିଛି।

ଶେଖ ହାସିନାଙ୍କୁ କ୍ଷମତାରୁ ହଟାଇବା ପରେ ବାଂଲାଦେଶ କଠିନ ସମୟ ଦେଇ ଗତି କରୁଛି। ହିନ୍ଦୁମାନଙ୍କ ଉପରେ ବଢୁଥିବା ଆକ୍ରମଣକୁ କମ୍ କରିବାକୁ ୟୁନୁସ୍ ସରକାର କହିଥିଲେ।  ସରକାରଙ୍କ ଅନୁସାରେ ସଂଖ୍ୟାଲଘୁମାନଙ୍କ ପ୍ରତି ହିଂସା କେବଳ କିଛି କ୍ଷେତ୍ରରେ ଘଟିଛି। କିଛି ଦିନ ତଳେ ଦେଇଥିବା ଏକ ସାକ୍ଷାତକାରରେ ୟୁନୁସ୍ କହିଛନ୍ତି ଯେ ହିନ୍ଦୁମାନଙ୍କ ଉପରେ ହୋଇଥିବା ଆକ୍ରମଣ ସାମ୍ପ୍ରଦାୟିକ ନୁହେଁ ବରଂ ରାଜନୈତିକ ଅସ୍ଥିରତାର ଫଳାଫଳ। କାରଣ ଏକ ଧାରଣା ଥିଲା ଯେ ଅଧିକାଂଶ ହିନ୍ଦୁ ହାସିନାଙ୍କ ଆୱାମୀ ଲିଗକୁ ସମର୍ଥନ କରୁଥିଲେ।

ଅଧିକ ପଢ଼ନ୍ତୁ: ସଂରକ୍ଷଣ ପାଇଁ ଧର୍ମ ପରିବର୍ତ୍ତନ ସମ୍ବିଧାନ ପ୍ରତି ବିଶ୍ୱାସଘାତ: ସୁପ୍ରିମକୋର୍ଟ

ନୋବେଲ ବିଜେତା କହିଛନ୍ତି, ମୁଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ମଧ୍ୟ କହିଛି ଯେ ଘଟଣାକୁ ଅତିରଞ୍ଜିତ କରି କୁହାଯାଉଛି। ଏହି ସମସ୍ୟାର ଅନେକ କାରଣ ଅଛି। ବାଂଲାଦେଶ ପକ୍ଷରୁ କୁହାଯାଉଛି ଯେ ଭାରତ ଏହି ଘଟଣାକୁ ବହୁ ପରିମାଣରେ ପ୍ରଚାର କରୁଛି। ଆମେ କିଛି କରି ପାରିଲୁ ନାହିଁ ବୋଲି କହି ନାହୁଁ; ଆମେ କହିଛୁ ଯେ ଆମେ ସବୁକିଛି କରୁଛୁ।

ସୂଚନାଯୋଗ୍ୟ,ନିକଟରେ ବାଂଲାଦେଶକୁ ଇସଲାମିକ ରାଷ୍ଟ୍ର ଘୋଷଣା କରିବାକୁ ଏକ ଦାବି ଉପୁଜିଛି। ଦେଶର ଆଟର୍ଣ୍ଣି ଜେନେରାଲ ନିକଟରେ ଏକ ହାଇକୋର୍ଟର ଶୁଣାଣି ସମୟରେ ଯୁକ୍ତି ବାଢ଼ିଛନ୍ତି ଯେ ସମାଜବାଦ ଏବଂ ଧର୍ମନିରପେକ୍ଷତା ଏକ ଦେଶର ବାସ୍ତବତାକୁ ପ୍ରତିଫଳିତ କରେ ନାହିଁ ଯେଉଁଠାରେ ୯୦% ଲୋକ ମୁସଲମାନ ଅଟନ୍ତି। ଶେଖ ହସିନାଙ୍କୁ କ୍ଷମତାରୁ ହଟାଇବା ପରେ ବାଂଲାଦେଶର ସ୍ଥିତିକୁ ଆଫଗାନିସ୍ତାନ ସହିତ ତୁଳନା କରାଯାଇଛି। ଏହି ପ୍ରତିକ୍ରିୟା ବାଂଲାଦେଶର ଭବିଷ୍ୟତକୁ ନେଇ ଅନେକ ପ୍ରଶ୍ନ ସୃଷ୍ଟି କରିଛି।

ଅଧିକ ପଢ଼ନ୍ତୁ: ‘ଫେଙ୍ଗଲ୍’ଉପକୂଳ ମୁହାଁ: ୮୦କିମି ବେଗରେ ପବନ ସହ ପ୍ରବଳ ବର୍ଷା ପୂର୍ବାନୁମାନ