ଡ଼ିଏମକେ କ୍ଷମତାରୁ ନ ଯିବା ପର୍ଯ୍ୟନ୍ତ ଚପଲ ପିନ୍ଧିବି ନାହିଁ: ଅନ୍ନାମଲାଇ

ଚେନ୍ନାଇ: ଡ଼ିଏମକେ କ୍ଷମତାରୁ ନ ଯିବା ପର୍ଯ୍ୟନ୍ତ ଚପଲ ପିନ୍ଧିବି ନାହିଁ, ଆଜି କିଛି ଏଭଳି ଘୋଷଣା କରିଛନ୍ତି ତାମିଲନାଡୁ ବିଜେପି ସଭାପତି | ଗୁରୁବାର କୋଏମ୍ବାଟୁରରେ ଏକ ସାମ୍ବାଦିକ ସମ୍ମିଳନୀରେ ତାମିଲନାଡୁ ବିଜେପି ସଭାପତି କେ ଅନ୍ନାମଲାଇ ଜୋତା କାଢି କହିଛନ୍ତି ଯେ ଆସନ୍ତାକାଲି ଠାରୁ ଡିଏମକେ କ୍ଷମତାସୀନ ହେବା ପର୍ଯ୍ୟନ୍ତ ମୁଁ କୌଣସି ଚପଲ ପିନ୍ଧିବି ନାହିଁ। ଏହା ସହିତ ସେ ପ୍ରଭୁ ମୁରୁଗାନଙ୍କ ସମସ୍ତ ୬ଟି ଧାମ ପରିଦର୍ଶନ କରିବାକୁ ୪୮ ଦିନର ଉପବାସ ଘୋଷଣା କରିଛନ୍ତି ।

ଚେନ୍ନାଇର ଆନ୍ନା ବିଶ୍ୱବିଦ୍ୟାଳୟରେ ଯୌନ ଉତ୍ପୀଡ଼ନ ମାମଲାରେ ଅନ୍ନାମଲାଇ କ୍ରୋଧିତ ହୋଇ ଡିଏମକେ ସରକାରଙ୍କୁ ସମାଲୋଚନା କରିବା ସହ ପୀଡିତାଙ୍କ ସମ୍ପୂର୍ଣ୍ଣ ପରିଚୟ ପ୍ରକାଶ ପାଇଥିବା ମାମଲାରେ ଏଫଆଇଆର ଲିକ କରିଥିବା ପୁଲିସକୁ ଟାର୍ଗେଟ କରିଛନ୍ତି। ଅଭିଯୁକ୍ତ ଡିଏମକେ ସହ ଜଡିତ ଥିବାରୁ ପୁଲିସ ଅଭିଯୁକ୍ତଙ୍କୁ ସୁରକ୍ଷା ଦେଇଥିବାର ସେ ଅଭିଯୋଗ କରିଛନ୍ତି। ସେ କହିଛନ୍ତି, "ସବୁଥର ପରି ଆମେ ନିର୍ବାଚନ ଜିତିବା ପାଇଁ ଟଙ୍କା ଦେବୁ ନାହିଁ, ଟଙ୍କା ବଣ୍ଟନ ନକରି ଆମେ ନିର୍ବାଚନ ଲଢ଼ିବୁ। ଡିଏମକେ ସରକାର ନ ଯିବା ପର୍ଯ୍ୟନ୍ତ ମୁଁ ଚପଲ ପିନ୍ଧିବି ନାହିଁ।"

ସେ ଆହୁରି ମଧ୍ୟ କହିଛନ୍ତି ଯେ ସେ ୪୮ ଘଣ୍ଟା ଉପବାସ ପାଳନ କରିବେ ଏବଂ ରାଜ୍ୟର ଉନ୍ନତି ତଥା କଲ୍ୟାଣ ପାଇଁ ଭଗବାନ ମୁରୁଗାନଙ୍କ ନିକଟରେ ପ୍ରାର୍ଥନା କରିବେ। ବାସ୍ତବରେ, ଆନ୍ନା ବିଶ୍ୱବିଦ୍ୟାଳୟର ୧୯ ବର୍ଷୀୟ ଛାତ୍ରୀଙ୍କୁ ଯୌନ ଉତ୍ପୀଡ଼ନ ଘଟଣା ସମ୍ପର୍କରେ ବିଜେପି ନିକଟରେ ଏକ ସାମ୍ବାଦିକ ସମ୍ମିଳନୀ ଡାକିଥିଲା। ଏହି ସମୟ ମଧ୍ୟରେ କେ. ଅନ୍ନାମଲାଇ ଡ଼ିଏମକେକୁ ଟାର୍ଗେଟ କରିଥିଲେ |

ଡିଏମକେ ସରକାର ଏବଂ ରାଜ୍ୟ ପୁଲିସର ଉଦ୍ଦେଶ୍ୟ ଉପରେ ପ୍ରଶ୍ନ ଉଠାଇ କେ ଅନ୍ନାମଲାଇ ଅଭିଯୋଗ କରିଛନ୍ତି ଯେ ସେମାନେ ଜାଣିଶୁଣି ଏଫଆଇଆର କପି ଲିକ୍ କରି ପୀଡିତାଙ୍କ ପରିଚୟ ପ୍ରକାଶ କରିଛନ୍ତି। ଅନ୍ନାମଲାଇ ମଧ୍ୟ ରାଜ୍ୟ ପୋଲିସକୁ ଟାର୍ଗେଟ କରିଥିଲେ।