ତେଲିବନ୍ଧ ଛକ ନିକଟରେ ବୋଲେରୋକୁ ଧକ୍କା ଦେଲା ଟ୍ରକ୍, ଚାଳକ ଅଟକ

ଜହ୍ନ।ପଙ୍କ:ଗୁରୁବାର ରାତି ପ୍ରାୟ ୮ଟା ସମୟରେ ଜାତୀୟ ରାଜପଥ ନଂ ୫୭ର ବୌଦ୍ଧ ଥାନା ତେଲିବନ୍ଧ ଛକ ନିକଟରେ ଏକ ବୋଲେରୋକୁ ଧକ୍କା ଦେଇ ଫେରାର ମାରୁଥିବା ଏକ ଆଇଚରକୁ ବୌଦ୍ଧ ସହର ଠାରେ ଅଟକ ରଖିଛି ବୌଦ୍ଧ ପୁଲିସ l

ଗତକାଲି ରାତି ପ୍ରାୟ ୮ଟା ସମୟରେ ତେଲିବନ୍ଧ ନିକଟରେ ଏକ ବୋଲେରୋ ରାସ୍ତା କଡରେ ଛିଡା ହୋଇଥିବା ବେଳେ ସୋନପୁର ପଟରୁ ବୌଦ୍ଧ ଆଡ଼କୁ ଆସୁଥିବା ଏକ ଆଇଚର୍ ଟ୍ରକ ପଛରୁ ଧକ୍କା ଦେଇଥିଲା l

 ମିଳିଥିବା ସୂଚନା ଅନୁଯାୟୀ, ଗତକାଲି ରାତି ପ୍ରାୟ ୮ଟା ସମୟରେ ତେଲିବନ୍ଧ ନିକଟରେ ଏକ ବୋଲେରୋ ରାସ୍ତା କଡରେ ଛିଡା ହୋଇଥିବା ବେଳେ ସୋନପୁର ପଟରୁ ବୌଦ୍ଧ ଆଡ଼କୁ ଆସୁଥିବା ଏକ ଆଇଚର୍ ଟ୍ରକ ପଛରୁ ଧକ୍କା ଦେଇଥିଲା l ଧକ୍କା ଦେଲା ପରେ ଆଇଚର ଗାଡ଼ି ଦ୍ରୁତ ଗତିରେ ବୌଦ୍ଧ ଆଡ଼କୁ ଚାଲି ଆସୁଥିବା ବେଳେ ଖବର ପାଇ ବୌଦ୍ଧ ପୁଲିସ ଅଟକାଇ ଡ୍ରାଇଭର ସହ ଗାଡ଼ିକୁ ଅଟକ ରଖିଛି l ଦୁର୍ଘଟଣାରେ ବୋଲେରୋରେ ଥିବା ଦୁଇ ଜଣ ଯାତ୍ରୀ ଅଳ୍ପକେ ବର୍ତ୍ତି ଯାଇଥିବା ସୂଚନା ମିଳିଛି।