ଗୋଟିଏ ମ୍ୟାଚ ପାଇଁ ଚିୟରଲିଡ଼ର୍ସଙ୍କୁ ମିଳେ କେତେ ଟଙ୍କା?

ନୂଆଦିଲ୍ଲୀ: ଆଇପିଏଲରେ, ଚୌକା, ଛକା କିମ୍ବା ୱିକେଟ ମିଳିବା ହେଉ ଏହା ଗୋଟିଏ କିମ୍ବା ଅନ୍ୟ ଦଳ ପାଇଁ ଉତ୍ସବର ଏକ ଅବସର ହୋଇଯାଏ। ପ୍ରଶଂସକମାନେ ଏହି ଅବସରକୁ ପାଳନ କରନ୍ତି ଏବଂ ଷ୍ଟାଡିୟମରେ ଆତସବାଜି ମାଧ୍ୟମରେ ମଧ୍ୟ ଦଳର ଉତ୍ସାହ ଦୃଶ୍ୟମାନ ହୁଏ। ଏହା ସହିତ, ପ୍ରତ୍ୟେକ ଦଳର ଚିୟରଲିଡର୍ସ ମଧ୍ୟ ସେମାନଙ୍କ ଦଳ ପାଇଁ ଖୁସିରେ ନାଚିଥିବାର ଦେଖାଯାଇଥାଏ। ପ୍ରତ୍ୟେକ ଦଳ ସେମାନଙ୍କ ଫ୍ରାଞ୍ଚାଇଜ୍ ପାଇଁ ଚୌକା ଏବଂ ଛକାକୁ ସେଲିବ୍ରେଟି କରିବା ପାଇଁ ଚିୟରଲିଡର୍ସଙ୍କୁ ନିଯୁକ୍ତି ଦିଅନ୍ତି।

ମ୍ୟାଚ୍ ସମୟରେ ଉଭୟ ଦଳର ଚିୟରଲିଡର୍ସ ଷ୍ଟାଡିୟମରେ ଉପସ୍ଥିତ ଥାନ୍ତି। ଯେତେବେଳେ ବ୍ୟାଟିଂ କରୁଥିବା ଦଳ ଚୌକା ଏବଂ ଛକା ମାରିଥାଏ, ସେହି ଦଳର ଚିୟରଲିଡର୍ମାନେ ଆନନ୍ଦରେ ନାଚିବାକୁ ଆରମ୍ଭ କରନ୍ତି। କିନ୍ତୁ ଆପଣ କେବେ ଭାବିଛନ୍ତି କି ଚିୟରଲିଡର୍ସଙ୍କୁ ଏକ ମ୍ୟାଚ୍ ପାଇଁ କେତେ ଟଙ୍କା ମିଳିଥାଏ, ଆସନ୍ତୁ ଜାଣିବା। ମିଳିଥିବା ରିପୋର୍ଟ ମୁତାବକ ଶାହାରୁଖ ଖାନଙ୍କ ଦଳ କୋଲକାତା ନାଇଟ୍ ରାଇଡର୍ସର ଚିୟରଲିଡ଼ର୍ସମାନେ ପ୍ରତି ମ୍ୟାଚ୍ ପାଇଁ ପ୍ରାୟ ୨୪,୦୦୦ ଟଙ୍କା ପାଉଛନ୍ତି । ଆଇପିଏଲରେ ଚିୟରଲିଡ଼ର୍ସମାନଙ୍କୁ ପ୍ରତି ମ୍ୟାଚ ପିଛା ୧୪ ହଜାରରୁ ୧୭ ହଜାର ଟଙ୍କା ପାଉଛନ୍ତି |

ମୁମ୍ବାଇ ଇଣ୍ଡିଆନ୍ସ ଏବଂ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ଦଳ ପ୍ରତି ମ୍ୟାଚରେ ଚିୟରଲିଡ଼ର୍ସମାନଙ୍କୁ ୨୦,୦୦୦ ଟଙ୍କା ପ୍ରଦାନ କରୁଛନ୍ତି | ଚେନ୍ନାଇ ସୁପର କିଙ୍ଗସ୍, ପଞ୍ଜାବ କିଙ୍ଗସ୍, ସନରାଇଜର୍ସ ହାଇଦ୍ରାବାଦ ଏବଂ ଦିଲ୍ଲୀ କ୍ୟାପିଟାଲସ ଭଳି ଦଳ ପ୍ରତି ମ୍ୟାଚ ପିଛା ୧୨୦୦୦ ଟଙ୍କା ପ୍ରଦାନ କରୁଛନ୍ତି | ଦରମା ବ୍ୟତୀତ ଆଇପିଏଲ୍ ଚିୟରଲିଡ଼ର୍ସମାନେ ପ୍ରତ୍ୟେକ ମ୍ୟାଚ୍ ପାଇଁ ମାଗଣା ଟିକେଟ ପାଆନ୍ତି | ସେମାନଙ୍କ ପାଇଁ ଷ୍ଟାଡିୟମରେ ଖାଦ୍ୟ, ରହିବା ମାଗଣାରେ ଉପଲବ୍ଧ ହୋଇଥାଏ | ତେବେ ବଡ କଥା ଯେ ଏହି ଦରମା ଜଣେ ଚିୟରଲିଡ଼ର୍ସଙ୍କ ବୟସ, ଅଭିଜ୍ଞତା, ସୁନ୍ଦରତା ଉପରେ ନିର୍ଭର କରିଥାଏ |