ଶସ୍ତା ଇଲେକ୍ଟ୍ରିକ କାର ଉପରେ ଜବରଦସ୍ତ ରିହାତି

ନୂଆଦିଲ୍ଲୀ: ଜେଏସଡବ୍ଲ୍ୟୁ ଏମଜି ମୋଟର ଇଣ୍ଡିଆ ସମ୍ପ୍ରତି ଭାରତୀୟ ବଜାରରେ ଅପଡେଟେଡ୍ କୋମେଟ ଇଭି ଲଞ୍ଚ କରିଛି, ଯାହା ଦେଶର ସବୁଠାରୁ ଶସ୍ତା ଇଲେକ୍ଟ୍ରିକ୍ କାର। ଏବେ ବଡ଼ କଥା ହେଉଛି ଏହି ଶସ୍ତା ଇଲେକ୍ଟ୍ରିକ୍ କାରଟି ଆହୁରି ଶସ୍ତାରେ କିଣାଯାଇପାରିବ। ଯଦି ଆପଣ ମଧ୍ୟ ଏହି ଇଭି କିଣିବାକୁ ଯୋଜନା କରୁଛନ୍ତି, ତେବେ ଏହି ସୁଯୋଗ ଆପଣଙ୍କ ପାଇଁ ଉପଯୁକ୍ତ ସାବ୍ୟସ୍ତ ହୋଇପାରେ। କୋମେଟ ଇଭିର ମଡେଲ ବର୍ଷ ୨୦୨୪ ଉପରେ ୪୫୦୦୦ ଟଙ୍କା ପର୍ଯ୍ୟନ୍ତ ରିହାତି ଦିଆଯାଉଛି। ଏଥିରେ ୨୦ ହଜାର ଟଙ୍କା ପର୍ଯ୍ୟନ୍ତ ନଗଦ ରିହାତି, ୨୦ ହଜାର ଟଙ୍କା ପର୍ଯ୍ୟନ୍ତ ଲୟାଲ୍ଟି ବୋନସ୍ ଏବଂ ୫୦୦୦ ଟଙ୍କା ପର୍ଯ୍ୟନ୍ତ କର୍ପୋରେଟ୍ ରିହାତି ଅନ୍ତର୍ଭୁକ୍ତ। ଆପଣ ଏହି ରିହାତି ଭିନ୍ନ ଭିନ୍ନ ପ୍ରକାର ଅନୁସାରେ ପାଇପାରିବେ। ଏହା ବ୍ୟତୀତ, କୋମେଟ ଇଭିର ମଡେଲ ବର୍ଷ ୨୦୨୫ ଉପରେ ୪୦ ହଜାର ଟଙ୍କା ରିହାତି ଏବଂ ୧୫ ହଜାର ଟଙ୍କା ପର୍ଯ୍ୟନ୍ତ ନଗଦ ରିହାତି ମଧ୍ୟ ଉପଲବ୍ଧ। 

କୋମେଟ ଇଭିର ବୈଶିଷ୍ଟ୍ୟ ବିଷୟରେ କହିବାକୁ ଗଲେ, କମ୍ପାନୀ ଏଥିରେ ୧୭.୩ କିଲୋୱାଟ ବ୍ୟାଟେରୀ ପ୍ୟାକ୍ ପ୍ରଦାନ କରିଛି। ଏହି କାରଟି ୪୨ ପିଏସ ପାୱାର ଏବଂ ୧୧୦ ଏନଏମ ଟର୍କ ଉତ୍ପାଦନ କରେ। ଏହା ବ୍ୟତୀତ ଏହି କାରରେ ୩.୩ କିଲୋୱାଟ୍ ଚାର୍ଜର ଦିଆଯାଇଛି, ଯାହା ସାହାଯ୍ୟରେ ଏହି କାର ୫ ଘଣ୍ଟାରେ ୮୦ ପ୍ରତିଶତ ପର୍ଯ୍ୟନ୍ତ ଚାର୍ଜ ହୋଇଯାଏ। ଏମଜି ମୋଟର୍ସର ଏହି ଇଲେକ୍ଟ୍ରିକ୍ କାରର ରେଞ୍ଜ ୨୩୦ କିଲୋମିଟର।