ଅତିଶିଙ୍କ ବିରୋଧରେ ନିର୍ବାଚନ ଲଢ଼ିବାକୁ ଅଳକା ଲାମ୍ବାଙ୍କୁ ଟିକେଟ ଦେଲା କଂଗ୍ରେସ

ନୂଆଦିଲ୍ଲୀ: ଦିଲ୍ଲୀ ବିଧାନସଭା ନିର୍ବାଚନ ପାଇଁ କଂଗ୍ରେସ ଅଳକା ଲାମ୍ବାଙ୍କୁ ଟିକେଟ ଦେଇଛି। ଦଳ ତାଙ୍କୁ କାଲକାଜୀରୁ ପ୍ରାର୍ଥୀ କରିଛି। ଏହି ଆସନରେ ସେ ମୁଖ୍ୟମନ୍ତ୍ରୀ ତଥା ଆପ ନେତ୍ରୀ ଅତିଶିଙ୍କ ସହ ପ୍ରତିଦ୍ୱନ୍ଦ୍ୱିତା କରିବେ। ଏହାପୂର୍ବରୁ କଂଗ୍ରେସର ଦ୍ୱିତୀୟ ତାଲିକାରେ ଅଳକା ଲାମ୍ବାଙ୍କୁ ଟିକେଟ୍ ମିଳିବା ନେଇ ଚର୍ଚ୍ଚା ହେଉଥିଲା, କିନ୍ତୁ ତାଙ୍କ ନାମ ଦ୍ୱିତୀୟ ତାଲିକାରେ ଆସିନଥିଲା। ସୂଚନାନୁସାରେ, ଅଳକା ଲାମ୍ବା ଏହି ଆସନରୁ ନିର୍ବାଚନ ଲଢ଼ିବାକୁ ଚାହୁଁନଥିଲେ।

ତେବେ ଟିକେଟ ମିଳିବା ପରେ ଅଳକା ଲାମ୍ବା କହିଛନ୍ତି, "ଦୁର୍ଭାଗ୍ୟର କଥା ଯେ ଏକାଠି କାମ କରିବା ପରିବର୍ତ୍ତେ ବିଜେପି ଏବଂ ଆପ ନିଜ ମଧ୍ୟରେ ଝଗଡା କରି ଦିଲ୍ଲୀର କ୍ଷତି ଘଟାଇଛନ୍ତି। ଦିଲ୍ଲୀ ଉଭୟ ପ୍ରଧାନମନ୍ତ୍ରୀ ଏବଂ କେଜ୍ରିୱାଲଙ୍କୁ ଉତ୍ତର ମାଗୁଛି। ଲାମ୍ବା କହିଛନ୍ତି, "ଅରବିନ୍ଦ କେଜ୍ରିୱାଲ ମହିଳା ମୁଖ୍ୟମନ୍ତ୍ରୀ ଅତିଶିଙ୍କୁ ଅସ୍ଥାୟୀ ମୁଖ୍ୟମନ୍ତ୍ରୀ ବୋଲି କହି ଅପମାନିତ କରିଛନ୍ତି । 

ଅଳକା ଲାମ୍ବା କିଏ?
କଂଗ୍ରେସର ବରିଷ୍ଠ ନେତ୍ରୀଙ୍କ ମଧ୍ୟରେ ଅଳକା ଲାମ୍ବାଙ୍କୁ ଗଣାଯାଏ। ସେ ଏନେସୟୁଆଇର ଜାତୀୟ ସଭାପତି ଥିଲେ | ଛାତ୍ର ରାଜନୀତିରେ ପ୍ରବେଶ କରିବା ପରେ ସେ ସକ୍ରିୟ ରାଜନୀତିରେ ପ୍ରବେଶ କରିଥିଲେ। ୨୦୧୪ ରେ ଅଲକା ଲାମ୍ବା କଂଗ୍ରେସ ଛାଡିଥିଲେ। ୨୦୧୫ରେ, ଅଲକା ଲାମ୍ବା ଆପ ଟିକେଟ୍ ରେ ପ୍ରତିଦ୍ୱନ୍ଦ୍ୱିତା କରିଥିଲେ ଏବଂ ଚାନ୍ଦନୀଚୌକରୁ ବିଧାୟକ ଭାବରେ ନିର୍ବାଚିତ ହୋଇଥିଲେ | ଏହା ପରେ, ୨୦୧୯ ମସିହାରେ ସେ ଆମ୍ ଆଦମୀ ପାର୍ଟି ଛାଡି ପୁଣି କଂଗ୍ରେସରେ ଯୋଗ ଦେଇଥିଲେ।