କମଲନାଥଙ୍କ ସାମ୍ନାରେ ହାତାହାତି ହେଲେ ବିଧାୟକ ଓ କଂଗ୍ରେସ ନେତା

ଭୋପାଳ: ମଧ୍ୟପ୍ରଦେଶ କଂଗ୍ରେସରେ ବୋଧେ ସବୁକିଛି ଠିକ ଚାଲିନାହିଁ | ଆଜି ଏହାର ଜ୍ୱଳନ୍ତ ପ୍ରମାଣ ଦେଖିବାକୁ ମିଳିଛି | ବାସ୍ତବରେ ମଧ୍ୟପ୍ରଦେଶରେ କୃଷକଙ୍କ ପ୍ରସଙ୍ଗରେ କଂଗ୍ରେସ ଆକ୍ରମଣାତ୍ମକ ଭୂମିକା ନିର୍ବାହ କରୁଛି। କଂଗ୍ରେସ ନେତାମାନେ ମୋହନ ଯାଦବ ସରକାରଙ୍କ ବିରୋଧରେ ବିରୋଧ କରୁଛନ୍ତି ଏବଂ ଫସଲ ପାଇଁ ଏମଏସପି ଦାବି କରୁଛନ୍ତି। କୃଷକକୁ ନ୍ୟାୟ ଯାତ୍ରା ମାଧ୍ୟମରେ କଂଗ୍ରେସ ରାସ୍ତାରେ ବିକ୍ଷୋଭ କରୁଛି। ତେବେ ଭୋପାଳରେ କଂଗ୍ରେସର କଳି ହାଟରେ ପଡି ଦାଣ୍ଡରେ ଗଡୁଛି |

ଆଜି ପୂର୍ବତନ ମୁଖ୍ୟମନ୍ତ୍ରୀ କମଲ ନାଥଙ୍କ ସାମ୍ନାରେ ବିଧାୟକ ଓ ବରିଷ୍ଠ କଂଗ୍ରେସ ନେତା ପରସ୍ପରକୁ ମୁଥ ଗୋଇଠା ମାରିଥିଲେ | ବାସ୍ତବରେ କୃଷକ ନ୍ୟାୟ ଯାତ୍ରାର ସମୀକ୍ଷା ପାଇଁ କଂଗ୍ରେସ ଏକ ବୈଠକ ଡାକିଥିଲା। କମଲନାଥଙ୍କ ବଙ୍ଗଳା ଠାରେ ଏହି ସଭାର ଆୟୋଜନ କରାଯାଇଥିଲା | ଏହି ବୈଠକରେ ପରାସିଆ ବିଧାୟକ ସୋହନ ବାଲ୍ମୀକି ଏବଂ କଂଗ୍ରେସ ନେତା ସଞ୍ଜୟ ପୁନହର ମଧ୍ୟ ଉପସ୍ଥିତ ଥିଲେ। ସଏହି ସମୟରେ ବିଧାୟକ କହିଥିଲେ ଯେ ସଞ୍ଜୟ ପୁନହର ବିଜେପିରେ ଯୋଗଦେବାକୁ ଯାଉଛନ୍ତି।

ସଞ୍ଜୟ ପୁନହରଙ୍କୁ ଏହି ବୈଠକକୁ ଡାକିବାରୁ ସେ ଆପତ୍ତି ଜଣାଇଥିଲେ । ଏହାପରେ ସଞ୍ଜୟ ପୁନହର ବିଧାୟକଙ୍କୁ ବିରୋଧ କରିଥିଲେ। ଯୁକ୍ତିତର୍କ ପରେ ଦୁହିଁଙ୍କ ମଧ୍ୟରେ ଝଗଡା ହୋଇଥିଲା। ବିବାଦ ପରେ କମଲ ନାଥ ଉଭୟ ନେତାଙ୍କୁ ଡାକି ଏକଜୁଟ ରହିବାକୁ ପରାମର୍ଶ ଦେଇଥିଲେ। ଏହା ପରେ ବି ସଞ୍ଜୟ ପୁନହର କହିଛନ୍ତି ଯେ ବିଧାୟକଙ୍କ ଅଭିଯୋଗକୁ ବରଦାସ୍ତ କରାଯାଇପାରିବ ନାହିଁ।