ଏହି ତାରିଖରେ ପୁଣି ମୁକ୍ତିଲାଭ କରିବ 'ଧଡକନ'

ନୂଆଦିଲ୍ଲୀ: ବଲିଉଡର ସୁନ୍ଦର ପ୍ରେମ କାହାଣୀକୁ ଆଧାର କରି ତିଆରି ହୋଇଥିବା ଫିଲ୍ମ 'ଧଡକନ' ପୁଣିଥରେ ବଡ଼ ପରଦାରେ ଦର୍ଶକଙ୍କ ହୃଦୟ ଜିତିବାକୁ ପ୍ରସ୍ତୁତ ହେଉଛି । ଅକ୍ଷୟ କୁମାର, ଶିଳ୍ପା ସେଟ୍ଟୀ ଏବଂ ସୁନୀଲ ସେଟ୍ଟୀ ଅଭିନୀତ ଏହି ଚଳଚ୍ଚିତ୍ରଟି ୨୦୦୦ ମସିହାରେ ମୁକ୍ତିଲାଭ କରିବା ପରେ ଢେର ସାରା ପ୍ରଶଂସା ପାଇଥିଲା। ଏବେ ଏହା ପୁଣି ଥରେ ମୁକ୍ତିଲାଭ କରୁଛି ।

ଆସନ୍ତୁ, ଜାଣିବା ଏହି ଫିଲ୍ମଟି କେବେ ଏବଂ କିପରି ଦେଖିପାରିବା। ୨୦୦୦ ମସିହାରେ ମୁକ୍ତିଲାଭ କରିଥିବା 'ଧଡକନ' ସେହି ସମୟର ଏକ ସୁପରହିଟ୍ ଚଳଚ୍ଚିତ୍ର ଥିଲା, ଯାହା ପ୍ରେମ, ତ୍ୟାଗ ଏବଂ ପରିବାରର କାହାଣୀ ସହିତ ଦର୍ଶକଙ୍କୁ ପ୍ରଭାବିତ କରିଥିଲା। ଏବେ ଏହି ଫିଲ୍ମଟି ୨୩ ମଇ ୨୦୨୫ରେ ସିନେମା ହଲରେ ପୁନଃ ମୁକ୍ତିଲାଭ କରିବ। ଏହି ଖବର ପ୍ରଶଂସକଙ୍କ ମନରେ ପ୍ରବଳ ଉତ୍ସାହ ଭରି ଦେଇଛି।

'ଧଡକନ' ଏକ ରୋମାଣ୍ଟିକ ଫିଲ୍ମ ଯେଉଁଥିରେ ଶିଳ୍ପା ସେଟ୍ଟୀଙ୍କୁ ଅଞ୍ଜଳି ଭୂମିକାରେ ଦେଖିବାକୁ ମିଳିଥିଲା | ଯିଏ ତାଙ୍କ ପ୍ରେମ ଏବଂ ପରିବାରର ପସନ୍ଦ ମଧ୍ୟରେ ଫସିଯାଏ। ଫିଲ୍ମରେ ଶିଳ୍ପାଙ୍କ ବ୍ୟତୀତ ଅକ୍ଷୟ କୁମାର, ସୁନୀଲ ସେଟ୍ଟୀ, କିରଣ କୁମାର, କାଦର ଖାନ, ଏବଂ ପରମୀତ ସେଟ୍ଟୀ ଭଳି ଷ୍ଟାରମାନେ ମଧ୍ୟ ଫିଲ୍ମରେ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଥିଲେ। ପରମୀତଙ୍କ ଖଳନାୟକ ଚରିତ୍ର ଆଜି ମଧ୍ୟ ମନେ ପଡ଼େ। ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଥିଲେ ଧର୍ମେଶ ଦର୍ଶନ। ଫିଲ୍ମର କାହାଣୀ ବ୍ୟତୀତ ଏହାର ଗୀତଗୁଡିକ ମଧ୍ୟ ବେଶ ଲୋକପ୍ରିୟ ହୋଇଥିଲା | ନଦୀମ-ଶ୍ରବଣଙ୍କ ସଙ୍ଗୀତ ଏବଂ ସମୀରଙ୍କ ଗୀତକୁ ଏବେ ବି ଅନେକ ଲୋକ ଗୁଣୁଗୁଣେଇ ହୁଅନ୍ତି | ମୁକ୍ତିଲାଭ କରିବା ପରେ ଏହି ଚଳଚ୍ଚିତ୍ରଟି ବ୍ଲକବଷ୍ଟର ହୋଇଥିଲା |