ଫୋନରେ ଫ୍ରାଞ୍ଚାଇଜକୁ ପରାମର୍ଶ ଦେଉଥିଲେ ଧୋନି

ନୂଆଦିଲ୍ଲୀ: ସାଉଦି ଆରବର ଜେଦା ସହରରେ ଆଇପିଏଲ ୨୦୨୫ର ମେଗା ନିଲାମ ଚାଲିଛି | ଗତକାଲି ଏବଂ ଆଜି ଦୁଇ ଦିନ ଧରି ଏହି ନିଲାମ ଚାଲିଛି | ନିଲାମର ପ୍ରଥମ ଦିନ ଅତ୍ୟନ୍ତ କୌତୁହଳପୂର୍ଣ୍ଣ ଥିଲା ଯେଉଁଥିରେ ସମସ୍ତ ଫ୍ରାଞ୍ଚାଇଜ୍ ପ୍ରତିନିଧୀମାନେ ନିଲାମରେ ବିଡ୍ କରିବାକୁ ଆସିଥିଲେ | ଚେନ୍ନାଇ ସୁପର କିଙ୍ଗ୍ସ ଟେବୁଲରେ ଏମଏସ ଧୋନିଙ୍କୁ ଦେଖାଯାଇ ନଥିଲା, କିନ୍ତୁ ସେ ଏହି ଫୋନ କଲରେ ପୁରା ତଦାରଖ କରୁଥିଲେ | 

ଏମଏସ ଧୋନି ପରଦା ପଛରେ ରହି ଦଳ ପ୍ରସ୍ତୁତ କରିବାରେ ସାହାଯ୍ୟ କରୁଥିଲେ। ଚେନ୍ନାଇ ସୋସିଆଲ ମିଡିଆରେ ଏକ ଭିଡିଓ ସେୟାର କରିଛି ଯେଉଁଥିରେ ଡୱେନ ବ୍ରାଭୋ ଏମଏସ ଧୋନିଙ୍କ ସହ କଲ୍ କରୁଥିବା ବେଳେ ନଜର ଆସିଥିଲେ। ଏଭଳି ପରିସ୍ଥିତିରେ ଆପଣ କହିପାରିବେ ଯେ ନିଲାମରେ କିଣାଯାଇଥିବା ଖେଳାଳିଙ୍କ ପଛରେ ଥାଲାଙ୍କ ମୁଣ୍ଡ ବ୍ୟବହାର କରାଯାଉଛି। ବାସ୍ତବରେ ନିଲାମର ପ୍ରଥମ ଦିନରେ ଚେନ୍ନାଇ ମୋଟ ୭ ଖେଳାଳି କିଣିଛି, ଯେଉଁଥିରେ ସେମାନେ ରାଚିନ୍ ରବିନ୍ଦ୍ରଙ୍କ ପାଇଁ ରାଇଟ ଟୁ ମ୍ୟାଚ ଅଧିକାର ବ୍ୟବହାର କରିଥିଲେ। ଚେନ୍ନାଇ ମାଧ୍ୟମରେ କିଣାଯାଇଥିବା ୭ଜଣ ଖେଳାଳିଙ୍କ ମଧ୍ୟରେ ୩ ବିଦେଶୀ ଖେଳାଳିଙ୍କୁ ଅନ୍ତର୍ଭୁକ୍ତ କରାଯାଇଥିଲା | ଚେନ୍ନାଇ ଏହି ଖେଳାଳି କିଣିବାରେ ୩୯.୪୦ କୋଟି ଟଙ୍କା ଖର୍ଚ୍ଚ କରିଥିଲା | ବର୍ତ୍ତମାନ ନିଲାମର ଦ୍ୱିତୀୟ ଦିନରେ ଚେନ୍ନାଇ ପାଖରେ ୧୫.୬୦ ଟଙ୍କା ବାକି ଅଛି | ସମ୍ପ୍ରତି ଫ୍ରାଞ୍ଚାଇଜରେ ୧୨ଟି ସ୍ଲଟ୍ ଖାଲି ଅଛି |

ଚେନ୍ନାଇ ନୁର ଅହମ୍ମଦ, ରବିଚନ୍ଦ୍ରନ ଅଶ୍ୱିନ୍, ଡିଭନ୍ କନୱେ, ସୟଦ ଖଲିଲ ଅହମ୍ମଦ, ରାଚିନ୍ ରବିନ୍ଦ୍ର (ଆରଟିଏମ୍), ରାହୁଲ ତ୍ରିପାଠୀ, ବିଜୟ ଶଙ୍କରଙ୍କୁ କିଣିଥିବାବେଳେ ଚେନ୍ନାଇ ନିଲାମ ପୂର୍ବରୁ ମୋଟ ୫ଖେଳାଳିଙ୍କୁ ରିଟେନ କରାଯାଇଥିଲା, ଯେଉଁଥିରେ ରୁତୁରାଜ ଗାଇକୱାଡ, ମାଥିଶା ପାଥିରାନା, ଶିବମ ଦୁବେ, ରବିନ୍ଦ୍ର ଜାଡେଜା ଏବଂ ଏମଏସ ଧୋନି ରହିଥିଲେ।