ଜୟରାମଙ୍କ ଅପିଲ ଖାରଜ କଲେ ନିର୍ବାଚନ କମିସନ, ସୋମବାର ସଂଧ୍ୟା ସୁଦ୍ଧା ପ୍ରମାଣ ଦେବାକୁ ନିର୍ଦ୍ଦେଶ

ନୂଆଦିଲ୍ଲୀ: କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ବିରୋଧରେ କଂଗ୍ରେସ ନେତା ଜୟରାମ ରମେଶ ଆଣିଥିବା ଅଭିଯୋଗର ପ୍ରମାଣ ଦେବାକୁ କରିଥିବା ଅନୁରୋଧକୁ ନିର୍ବାଚନ କମିଶନ ସୋମବାର ପ୍ରତ୍ୟାଖ୍ୟାନ କରିଛନ୍ତି। ଜୟରାମ ରମେଶ ଅଭିଯୋଗ କରିଥିଲେ ଯେ ଲୋକସଭା ନିର୍ବାଚନ ପାଇଁ ମତଦାନ ଶେଷ ହେବା ପରେ ଅମିତ ଶାହା ଦେଶର ୧୫୦ ଜଣ ଜିଲ୍ଲାପାଳଙ୍କୁ ଫୋନ୍ କରିଥିଲେ।

ସୋମବାର ସନ୍ଧ୍ୟା ୭ଟା ସୁଦ୍ଧା ପ୍ରମାଣ ଦାଖଲ କରିବାକୁ ନିର୍ବାଚନ କମିଶନ ଜୟରାମ ରମେଶଙ୍କୁ କହିଛନ୍ତି। ଏହା ପୂର୍ବରୁ ଜୟରାମ କହିଥିଲେ, “ବର୍ତ୍ତମାନ ସୁଦ୍ଧା ସେମାନେ ୧୫୦ ଜଣଙ୍କ ସହ କଥା ହୋଇଛନ୍ତି। ଏହା ଏକ ସ୍ପଷ୍ଟ ବିପଦ ଯାହା ଦର୍ଶାଉଛି ଯେ ବିଜେପି କେତେ ହତାଶ । କର୍ତ୍ତୃପକ୍ଷ କୌଣସି ଚାପରେ ନ ଆସି ସମ୍ବିଧାନକୁ ମାନିବା ଉଚିତ।“

ଏହା ପୂର୍ବରୁ ମୁଖ୍ୟ ନିର୍ବାଚନ କମିଶନର ରାଜୀବ କୁମାର ଜୟରାମ ରମେଶଙ୍କ ଅଭିଯୋଗ ଉପରେ କଡ଼ା ସମାଲୋଚନା କରି କହିଥିଲେ ଯେ ଗୁଜବ ପ୍ରଚାର କରିବା ଏବଂ ସମସ୍ତଙ୍କୁ ସନ୍ଦେହ କରିବା ଠିକ୍ ନୁହେଁ।

ଭୋଟ ଗଣତି ପୂର୍ବରୁ ସିଇସି କହିଥିଲେ, "ଏମାନେ ସମସ୍ତଙ୍କୁ (ଜିଲ୍ଲାପାଳ/ରିଟର୍ଣ୍ଣିଂ ଅଫିସର)ଙ୍କୁ କେହି ପ୍ରଭାବିତ କରିପାରିବେ କି? ଏହା କିଏ କରିଛି ତାହା କୁହନ୍ତୁ। ଏପରି କରିଥିବା ବ୍ୟକ୍ତିଙ୍କୁ ଆମେ ଦଣ୍ଡିତ କରିବୁ। ଏହା ଠିକ୍ ନୁହେଁ ଯେ ଆପଣ ଗୁଜବ ପ୍ରଚାର କରିବେ ଏବଂ ସମସ୍ତଙ୍କୁ ସନ୍ଦେହ କରିବେ ।