କୋଲକାତାରେ ଜରୁରୀ ଅବତରଣ କଲା ଇରାକରୁ ବେଜିଙ୍ଗ ଯାଉଥିବା ବିମାନ

କୋଲକାତା: ପଶ୍ଚିମବଙ୍ଗର ରାଜଧାନୀ କୋଲକାତାରେ ଆଜି ଏକ ବିମାନ ଜରୁରୀ ଅବତରଣ କରିଛି । ଏହି ବିମାନ ଇରାକରୁ ବେଜିଂ ଯାଉଥିଲା। ତେବେ ଆକାଶପଥରେ ଜଣେ ଯାତ୍ରୀଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡି ଯାଇଥିଲା, ଏହି କାରଣରୁ ବିମାନଟି ଜରୁରୀକାଳୀନ ଅବତରଣ କରିବାକୁ ପଡିଲା। ଏହି ବିମାନ ଗୁରୁବାର ସକାଳେ ନେତାଜୀ ସୁଭାଷ ଚନ୍ଦ୍ର ବୋଷ ଅନ୍ତର୍ଜାତୀୟ ବିମାନବନ୍ଦରରେ ଅବତରଣ କରିଥିଲା ।

 ୧୫ ଜଣ କ୍ରୁ ସଦସ୍ୟଙ୍କ ବ୍ୟତୀତ ଏହି ବିମାନରେ ୧୦୦ ଜଣ ଯାତ୍ରୀ ଥିଲେ। ଗଣମାଧ୍ୟମ ରିପୋର୍ଟ ଅନୁଯାୟୀ, ୧୦୦ ଯାତ୍ରୀଙ୍କୁ ନେଇ ଯାଉଥିବା ବିମାନ ଚୀନର ରାଜଧାନୀ ବେଜିଂକୁ ଯାଉଥିଲା। ବିମାନଟି ୧ ଘଣ୍ଟା ମଧ୍ୟରେ ବେଜିଂରେ ଅବତରଣ କରିବାର ଥିଲା। କିନ୍ତୁ ଏହାପୂର୍ବରୁ ବିମାନରେ ଜଣେ ଯାତ୍ରୀଙ୍କ ଅବସ୍ଥା ବିଗିଡି ଯାଇଥିଲା। ଏପରି ପରିସ୍ଥିତିରେ ପାଇଲଟଙ୍କୁ ବିମାନର ଜରୁରୀ ଅବତରଣ କରିବାକୁ ପଡିଲା।

 ବିମାନଟି କୋଲକାତାରେ ଏକ ଜରୁରୀ ଅବତରଣ କରିଥିଲା। ଅସୁସ୍ଥ ଯାତ୍ରୀଙ୍କ ନାମ ଦେକନ ସମୀର ଅହମ୍ମଦ। ବିମାନରେ ବସିଥିବା ବେଳେ ସମୀରଙ୍କ ସ୍ୱାସ୍ଥ୍ୟ ହଠାତ୍ ଖରାପ ହୋଇଯାଇଥିଲା। ଏଭଳି ପରିସ୍ଥିତିରେ ସକାଳ ୧୦:୧୮ ରେ ବିମାନର ଜରୁରୀ ଅବତରଣ କରାଯାଇଥିଲା। ଜରୁରୀକାଳୀନ ଅବତରଣ ପରେ ତାଙ୍କୁ ବିମାନରୁ ଓହ୍ଲାଇ ଦିଆଯାଇଥିଲା ଏବଂ ପରେ ସମୀରଙ୍କୁ ଚିକିତ୍ସା ପାଇଁ ଡାକ୍ତରଖାନା ନିଆଯାଇଥିଲା।

ବିମାନରେ ୧୦୦ ଯାତ୍ରୀ ଏବଂ ୧୫ ଜଣ କ୍ରୁ ସଦସ୍ୟ ଉପସ୍ଥିତ ଥିଲେ। ସମୀର ଏବଂ ତାଙ୍କ ପରିବାରକୁ କୋଲକାତା ବିମାନବନ୍ଦରରେ ଛାଡି ଦିଆଯାଇଥିଲା। ଏହା ପରେ ବିମାନଟି ୯୭ ଜଣ ଯାତ୍ରୀଙ୍କ ସହିତ ପୁନର୍ବାର ବେଜିଂ ଅଭିମୁଖେ ଯାତ୍ରା କରିଥିଲା |