କନ୍ୟା ମଥାରେ ସିନ୍ଦୂର ଲଗାଇବା ଆଗରୁ ମନେପଡ଼ିଗଲା ପ୍ରେମିକା କଥା, ଚମ୍ପଟ ମାରିଲା ବର

ପାଟନା: କେବେ ନିଜ ପୁରୁଣା ପ୍ରେମିକାଙ୍କ କଥା ମନେପଡେ କି? ଆଉ ଅନୁମାନ କରନ୍ତୁ ଆପଣ ବିବାହ କରୁଥିବେ, ଆଉ ମନେପଡିଯିବ ପ୍ରେମିକାର କଥା | ତା ପରେ କଣ ହେବ | ବିହାରର ମୋତିହାରୀରେ ଏମିତି ଏକ ଘଟଣା ଘଟିଛି | ଯେତେବେଳେ କନ୍ୟା ମଥାରେ ସିନ୍ଦୁର ଲଗାଇବା ପୂର୍ବରୁ, ବରଙ୍କର ତାଙ୍କ ପ୍ରେମିକାଙ୍କ କଥା ମନେ ପଡିଗଲା | ଆଉ ତା ପରେ ସେ ବିବାହ ବେଦୀ ଛାଡି ଚମ୍ପଟ ମାରିଲେ | ଏହି ଘଟଣାଟି ଘୋଡାଶାହନ ଥାନା ଅଞ୍ଚଳର ନିମୋନିଆ ଗାଁରେ ଘଟିଛି, ଯେଉଁଠାରେ କନ୍ୟା ମଥାରେ ସିନ୍ଦୂର ଲଗାଇବା ରୀତିନୀତି ପୂର୍ବରୁ ବର ବିବାହ ସ୍ଥାନରୁ ଫେରାର ହୋଇଯାଇଥିଲେ | ବର ଜଣକ ଜିତନା ଥାନା ଅଞ୍ଚଳର ଜୋଲଗାଓଁ ଗାଁର ଅନଜ କୁମାର ହୋଇଥିବାବେଳେ ବୁଧବାର ରାତିରେ ବିବାହ ଶୋଭାଯାତ୍ରା ନିମୋନିଆ ଗାଁରେ ପହଞ୍ଚିଥିଲା। 

ତେବେ ବୈଦିକ ମନ୍ତ୍ର ସହିତ ବିବାହ ଯେତେବେଳେ ଚାଲୁଥିଲା, ବର ପରିସ୍ରା କରିବା ବାହାନାରେ ମଣ୍ଡପରୁ ପଳାଇ ଯାଇଥିଲେ । ଏହା ପରେ, କନ୍ୟାର ଗାଁର ଲୋକମାନେ ବରକୁ ବହୁତ ଖୋଜାଖୋଜି କଲେ। ଏହା ପରେ ଜଣାପଡିଲା ଯେ ବର ତାଙ୍କ ଘରେ ପହଞ୍ଚି ସାରିଛି। ଏପରି ପରିସ୍ଥିତିରେ, କନ୍ୟା ପକ୍ଷର ଲୋକମାନେ ବର ଘରେ ପହଞ୍ଚି ତାଙ୍କୁ ଧରି କନ୍ୟାର ଗାଁକୁ ଆଣିଥିଲେ। ଯେତେବେଳେ କଥାଟି ପଞ୍ଚାୟତ ସ୍ତରରେ ପହଞ୍ଚିଲା, ବର ନିଜ ଭୁଲ ସ୍ୱୀକାର କରିଥିଲେ |

ନିମୋନିଆ ପଞ୍ଚାୟତର ସରପଞ୍ଚ ରାମନରେଶ ଯାଦବ କହିଛନ୍ତି ଯେ ବରର ଅନ୍ୟ ଏକ ଝିଅ ସହିତ ପ୍ରେମ ସମ୍ପର୍କ ଥିଲା କିନ୍ତୁ ତାଙ୍କ ପରିବାରର ଚାପ ଯୋଗୁଁ ସେ ବିବାହ ପାଇଁ ରାଜି ହୋଇଗଲେ। ତେବେ, ମଣ୍ଡପରେ ତାଙ୍କର ପ୍ରେମିକାଙ୍କ କଥା ମନେପଡିଗଲା ଏବଂ ଜଣଙ୍କୁ ମନ ଦେଇ ତାଙ୍କୁ ପ୍ରତାରଣା ଦେବା ଠିକ ନୁହେଁ ବୋଲି ଭାବନା ଆସିଥିଲା | ଏହା ପରେ, ଗାଁ ଲୋକଙ୍କ ସମ୍ମତିରେ, ଭବିଷ୍ୟତରେ ଏପରି କୌଣସି ବିବାଦ ନଉଠେ ସେଥିପାଇଁ ବିବାହ ସମ୍ପର୍କ ସମାପ୍ତ ହୋଇଥିଲା। ଏହା ସହିତ ଏହା ନିଷ୍ପତ୍ତି ନିଆଯାଇଥିଲା ଯେ ବିବାହରେ କନ୍ୟା ପରିବାର ଦ୍ୱାରା ଖର୍ଚ୍ଚ ହୋଇଥିବା ସମସ୍ତ ଟଙ୍କା ବର ପରିବାର ଦ୍ୱାରା ପରିଶୋଧ କରାଯିବ।