ଅନନ୍ତ ଫୋନ କରି ଡାକିଥିଲେ ବି କାହିଁକି ବିବାହକୁ ଗଲେ ନାହିଁ କଙ୍ଗନା?

ମୁମ୍ବାଇ : ବଲିଉଡ ଅଭିନେତ୍ରୀ କଙ୍ଗନା ରାନାୱତ ଏବେ ନିଜ ଆଗାମୀ ଚଳଚ୍ଚିତ୍ର 'ଏମରଜେନ୍ସି' ର ପ୍ରମୋସନରେ ବ୍ୟସ୍ତ ଅଛନ୍ତି | ଏହି ଚଳଚ୍ଚିତ୍ରରେ ସେ ପୂର୍ବତନ ଦିବଂଗତ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଭୂମିକାରେ ଅଭିନୟ କରୁଛନ୍ତି। ଫିଲ୍ମ ପାଇଁ କଙ୍ଗନା ଏବେ କ୍ରମାଗତ ଭାବରେ ବିଭିନ୍ନ ସାକ୍ଷାତକାରରେ ନଜର ଆସୁଥିବା ଦେଖାଯାଉଛି | ସାକ୍ଷାତକାରରେ ଫିଲ୍ମ ବ୍ୟତୀତ ସେ ତାଙ୍କ ବ୍ୟକ୍ତିଗତ-ବୃତ୍ତିଗତ ଜୀବନ ବିଷୟରେ ଖୋଲାଖୋଲି ଭାବରେ କହୁଥିବା ଦେଖିବାକୁ ମିଳିଛି | ଏବେ ଏକ ସାକ୍ଷାତକାରରେ ଅନନ୍ତ ଅମ୍ବାନୀ ଫୋନ କରି ଡାକିବା ପରେ ବି କଙ୍ଗନା ତାଙ୍କ ବିବାହକୁ କାହିଁକି ଯାଇପାରିଲେ ନାହିଁ ତାହା ଜଣାଇଛନ୍ତି |

ସାକ୍ଷାତକାର ସମୟରେ ଉପସ୍ଥାପକ ସିଦ୍ଧାର୍ଥ କନନ, କଙ୍ଗନାଙ୍କୁ ଅନନ୍ତ ଅମ୍ବାନୀଙ୍କ ବିବାହ ନିମନ୍ତ୍ରଣ ବିଷୟରେ ପଚାରିବାରୁ ସେ କହିଥିଲେ, "ମୋତେ ଅନନ୍ତ ଅମ୍ବାନୀ ଫୋନ କରି ବିବାହକୁ ଯିବା ପାଇଁ ନିମନ୍ତ୍ରଣ କରିଥିଲେ | ସେ ବହୁତ ଭଲ ପିଲା। ସେ ମୋତେ ତାଙ୍କ ବିବାହକୁ ଆସିବାକୁ କହିଥିଲେ ବି ମୁଁ ତାଙ୍କୁ ବିନମ୍ର ଭାବେ ମନା କରିଦେଇଥିଲି | କାରଣ ସେତେବେଳେ ଆମ ଘରେ ମଧ୍ୟ ବିବାହ ଥିଲା | ମୋର ସାନ ଭାଇର ବିବାହ ଥିବାରୁ ମୁଁ ଯାଇପାରିଲି ନାହିଁ | ସେମିତିରେ ବି ମୁଁ ଫିଲ୍ମି ବିବାହକୁ ଯିବା ପାଇଁ ପସନ୍ଦ କରେନି |"

ପେସାଦାର ଜୀବନକୁ ଦେଖିବାକୁ ଗଲେ କଙ୍ଗନା ରାନାୱତ ଏବେ ତାଙ୍କର ଆଗାମୀ ଚଳଚ୍ଚିତ୍ର 'ଏମରଜେନ୍ସି'ର ପ୍ରଚାରରେ ବ୍ୟସ୍ତ ଅଛନ୍ତି | ତାଙ୍କ ଚଳଚ୍ଚିତ୍ର ସେପ୍ଟେମ୍ବର ୬ରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି |

ଅଧିକ ପଢନ୍ତୁ- https://sambad.in/india-and-beyond/third-world-war-4-hour-state-of-emergency-declared-in-israel-6923576

ଅଧିକ ପଢନ୍ତୁ- https://sambad.in/india-and-beyond/a-train-traveling-at-a-speed-of-800-kmh-passengers-screamed-6923526